[᭕᭘ 58B]
᭕᭘
ᬓᬾᬲᬳᬶᬫᬗ᭄ᬭᬸᬲᬓ᭄᭟᭓᭕᭑᭟ᬧᬶᬢ᭄ᬯᬶᬦᬾᬓᬶᬚᬵᬮᬸᬯᬲ᭄᭞ᬩ᭄ᬯᬢᬂᬲᬂᬲᬥᬸᬳᬶᬭᬶᬂ᭞ᬫᬓᬓᬦ᭄ᬢᬶᬦᬾᬲᬢᬢ᭞ᬳᬶᬤᬳᬗ᭄ᬕᬾᬦ᭄ᬓᬤᬂᬲᬵᬳᬶ᭞ᬬᬤᬶᬦ᭄ᬢᬸᬗ᭄ᬓᬲ᭄ᬳᬶᬤᬳᬶᬭᬶᬂ᭞ᬫᬯᬶᬭᬱᬗᬮᬶᬄᬧᬵᬢᬹᬢ᭄᭞ᬲᬂᬲᬥᬸᬢ᭄ᬯᬄ
ᬳᬗ᭄ᬕᭀᬦ᭄ᬫᬶᬢ᭄ᬭ᭞ᬳᭂᬤᭀᬄᬧᬭᬗᬶᬘ᭄ᬙᬾᬦ᭄ᬧ᭄ᬮᬶᬄ᭞ᬬᬤᬶᬦ᭄ᬩᭂᬦ᭄ᬤᬸᬢ᭄ᬯᬭᬩᬸᬳᬸᬗᬶᬘ᭄ᬙᬾᬦ᭄ᬫᭂᬮᬄ᭟᭓᭕᭒᭟ᬦᬾᬚᬦᬶᬩ᭄ᬯᬶᬦ᭄ᬢᬸᬢᬸᬭᬂ᭞ᬧᬫᬃᬕ᭄ᬕᬦ᭄ᬲᬂᬲᬵᬥᬸᬚᬵᬢᬶ᭞ᬳᬶᬤᬢ᭄ᬯᬭᬧᬢᬶᬮᬾᬤᬂ᭞ᬬᬤᬶᬦ᭄ᬳᬍᬫ᭄ᬧᬹᬚᬶᬧᬹᬚᬶ᭞ᬬᬤᬶ
ᬦ᭄ᬫᭂᬗ᭄ᬕᬄᬫᬲᬶᬄᬢᬸᬲᬶᬂ᭞ᬬᬦ᭄ᬘᬘᬤ᭄ᬳᬶᬤᬲᬂᬲᬵᬥᬸ᭞ᬳᬤᭀᬄᬧᬭᬧᬘᬂᬤᬸᬓᬵ᭞ᬮᬗ᭄ᬕᭂᬂᬥᬶᬭᬩᬸᬤ᭄ᬥᬶᬳ᭄ᬦᬶᬂ᭞ᬢ᭄ᬯᬭᬮᬚᬸᬧᬘᬂᬗᬸᬘᬧ᭄ᬯᬵᬓ᭄ᬧᬭᬸᬱ᭟᭓᭔᭓᭟ᬲᬂᬲᬵᬥᬸᬢ᭄ᬯᬭᬫᬶᬦᭂᬳᬂ᭞ᬗ᭄ᬕᬯᬾᬳᬦᬓ᭄ᬧᬂᬧ᭄ᬮᬶᬄ
ᬧᬶᬢ᭄ᬯᬶᬦᬾᬤᭀᬱᬦ᭄ᬳᬦᬓ᭄᭞ᬲᬶᬦᬄᬢ᭄ᬯᬭᬓᬧᬶᬦᭂᬳᬶᬦ᭄᭞ᬧᬭᬶᬘᬘᬤ᭄ᬫᬲᬶᬄᬢᬸᬲᬶᬂ᭞ᬕᬸᬡᬲᭀᬮᬄᬳᬦᬓ᭄ᬮᬶᬬᬸ᭞ᬦᬾᬭᬳᬬᬸᬓᬳᬶᬮᬶᬗᬂ᭞ᬧᬕᭂᬄᬦᬶᬃᬫᬮᬦᬶᬂᬩᬸᬤ᭄ᬥᬶ᭞ᬍᬯᬶᬄᬲᬵᬥᬸᬫᬗᬭᬦ᭄ᬧᬸᬭᬸᬱᭀ
[᭕᭙ 59A]
ᬢ᭄ᬢᬫ᭟᭓᭕᭔᭟ᬲᬂᬲᬵᬥᬸᬢ᭄ᬯᬄᬉᬧᬰᬫ᭞ᬍᬬᭂᬧ᭄ᬫᬗᬸᬦ᭄ᬢᬸᬮ᭄ᬭᬶᬂᬫᬃᬕ᭄ᬕᬶ᭞ᬤᬾᬦᬶᬂᬳᬶᬤᬲᬭᬢ᭄ᬧᬶᬲᬦ᭄᭞ᬳᬦ᭄ᬢᬸᬓ᭄ᬕᬸᬡᬵᬧ᭄ᬭᬚ᭄ᬜᬦ᭄ᬍᬯᬶᬄ᭞ᬳᬸᬧᬫᬶᬬᬂᬓᬤᬶᬧᬤ᭄ᬥᬶ᭞ᬳᬶᬲᬶᬳᬓ᭄ᬯᬾᬄᬓ᭄ᬭᬡᬗᬸᬦ᭄ᬢᬸᬮ᭄᭞ᬘᬭᬂᬓᬬᬸᬫᬲᬶᬄᬲᬭᬢ᭄᭞
ᬫᬜᭀᬬᭀᬃᬫᬗᬸᬦ᭄ᬢᬸᬮ᭄ᬲᬵᬳᬶ᭞ᬤᬾᬦᬶᬂᬢᬸᬬᬸᬄᬩᬲ᭄ᬮᬶᬬᬸᬫᬗᬩᬩᬸᬯᬄ᭟᭓᭕᭕᭟ᬲᬂᬲᬵᬥᬸᬢᬦ᭄ᬓᬳ᭄ᬬᬸᬦ᭄ᬗᬸᬘᬧ᭄᭞ᬓᬤᭀᬱᬦ᭄ᬳᬦᬓ᭄ᬤᬶᬤᬸᬭᬶ᭞ᬬᬦᬶᬂᬫᬫᬗ᭄ᬕᬶᬄᬯᭀᬂᬮᬭ᭞ᬳᬕᬾᬳᬶᬤᬫᬦᬸᬮᬸᬗᬶᬦ᭄᭞ᬳᬶᬤᬢ᭄ᬯᬭᬳᬾ
ᬯᬾᬃᬚᬳᬶᬮ᭄᭞ᬫ᭄ᬭᬕᬵᬓᬦ᭄ᬢᬶᬫ᭄ᬭᬕᬵᬢᬸᬮᬸᬂ᭞ᬓ᭄ᬭᬡᬳᬶᬤᬜᬦ᭄ᬤᬂᬧᬶᬲᬦ᭄᭞ᬲᬾᬯᬓᬳᬶᬦ᭄ᬢᬗ᭄ᬓᬶᬮᬶᬦ᭄ᬲᬳᬶ᭞ᬳ᭄ᬤᬢᬦ᭄ᬤ᭄ᬭᬸᬄᬧᬶᬢ᭄ᬯᬶᬫᬓᭂᬦ᭄ᬢᬢᬳᬦᬂ᭟᭓᭕᭖᭟ᬓᬧᬗ᭄ᬕᬶᬄᬳᬕᬸᬂᬯᬶᬪᬵᬯ᭞ᬲᬓᬶᬂᬳᬸᬦᬶᬗᬾᬫᬗᬚᬶ᭞ᬯᬶᬪᬵᬯ
ᬦᬓᬲᬬᬗᬂ᭞ᬓᬢᬓᬸᬢᬶᬦ᭄ᬓᬪᬓ᭄ᬢᬶᬦᬶᬦ᭄᭞ᬩ᭄ᬯᬶᬦ᭄ᬫᬢᬗᬭᬦ᭄ᬲᬵᬳᬶ᭞ᬢ᭄ᬯᬭᬲᬾᬧᬦ᭄ᬳᬤᬾᬂᬳᬮᬸᬲ᭄᭞ᬳᭂᬦ᭄ᬢᭀᬢ᭄ᬯᬄᬓᬧᭂᬲᬾᬗᬂ᭞ᬲᬂᬧᬡ᭄ᬥᬶᬢᬫᬵᬳᬰᬓ᭄ᬢᬶ᭞ᬮᬶᬦ᭄ᬢᬂᬧᬸᬢᬸᬲ᭄᭞ᬫᬗᭂᬦ᭄ᬢᬲ᭄ᬧ᭄ᬢᭂᬂᬦᬶᬂᬗᬚ᭄ᬜᬦ᭟᭓᭔᭗᭟
Page:Bali-lontar-paparikan-sarasamuscaya-300ppi.pdf/59
Jump to navigation
Jump to search
This page has been proofread.
