[᭕᭗ 57B]
᭕᭗
ᬯᬸ᭞ᬦᬾᬳᬩ᭄ᬲᬶᬓ᭄ᬢᭀᬂᬜᬶᬤᬬᬂ᭞ᬳᬶᬤᬧ᭄ᬭᬶᬓᭀᬱᬫᬫᬰ᭄ᬫᬶ᭞ᬲᬫᬶᬓᬸᬓᬸᬄᬢ᭄ᬯᬭᬤ᭄ᬕᬕ᭄ᬫᬜᬾᬯᬓ᭟᭓᭔᭕᭟ᬦᬄᬓᬾᬦᬾᬩᬳᬦ᭄ᬦᬸᬢᬸᬭᬂ᭞ᬲᬂᬲᬗᭂᬢ᭄ᬫᬫ᭄ᬯᬢᬂᬧ᭄ᬭᬶᬄ᭞ᬬᬦ᭄ᬲᬯᬗᬂᬢ᭄ᬯᬭᬩᬶᬦ᭞ᬓᬤᬶᬳᬦᬓ᭄ᬗᬦ᭄ᬢ᭄ᬬᬂᬫᬢᬶ
᭞ᬲᬸᬩᬤᬶᬓᬡ᭄ᬝᬶᬇᬬᬸᬭᬶᬧ᭄᭞ᬳᬸᬬᬂᬩᬸᬓᬵᬫ᭄ᬮᬲ᭄ᬩᬮᬸᬂ᭞ᬫᬸᬜᬶᬦᬾᬫᬫ᭄ᬕᬢ᭄ᬫᭂᬕᬢ᭄᭞ᬗ᭄ᬢᭀᬃᬧ᭄ᬮᬸᬄᬧᬓᬸᬭᬶᬢᬶᬲ᭄᭞ᬢ᭄ᬮᬸᬕ᭄ᬓ᭄ᬢᬸᬕ᭄ᬳᬸᬲᬸᬫ᭄᭞ᬉᬭᬶᬧᬾᬧᬘᬂᬫᬢᬶᬗ᭄ᬕᬮ᭄᭟᭓᭔᭖᭟ᬲᬼᬕᬂᬢᬸᬢᬸᬃᬲᬯᬶᬢ᭄ᬭ᭞ᬳᬩᭀᬢ᭄ᬢᬶᬗ᭄ᬓᬄᬗᬮᬶᬄ
ᬓᬦ᭄ᬢᬶ᭞ᬲᭀᬮᬄᬕᬸᬡᬫᬲᬯᬶᬢ᭄ᬭ᭞ᬮᬶᬯᬢ᭄ᬕᬢᬶᬫᬗ᭄ᬮᬮᬳᬶᬦ᭄᭞ᬉᬧᬫᬶᬳᬶᬲ᭄ᬓᬃᬫᬶᬳᬶᬓ᭄᭞ᬳ᭄ᬓᭀᬦ᭄ᬜᬦᬾᬳᬾᬗ᭄ᬕᬮ᭄ᬜᬸᬲᬸᬧ᭄᭞ᬭᬶᬂᬧᬗᬗ᭄ᬕᭀᬬᬦ᭄ᬳᬤᬸᬓᬂ᭞ᬳ᭄ᬬᬾᬄᬢᬦᬄᬫᬶᬯᬄᬍᬗᬶᬲ᭄᭞ᬓᬤᬶᬳᬸᬓᬸᬧ᭄ᬬᬦ᭄ᬤᬶᬢᬸᬧᬸᬮᬂ
ᬳᬶᬩᬸᬗ᭄ᬳᬵ᭟᭓᭔᭗᭟ᬳᬾᬗ᭄ᬕᬮ᭄ᬓᬕ᭄ᬩᬸᬕ᭄ᬳᬶᬫᬦᬄ᭞ᬭᬶᬂᬳᬶᬦᬶᬱ᭄ᬝᬬᬦ᭄ᬫᬓᬦ᭄ᬢᬶ᭞ᬬᬦ᭄ᬫᬓᬦ᭄ᬢᬶᬭᬶᬂᬳᬶᬫᬥ᭄ᬬᬓᬮᬮᬳᬶᬦ᭄᭞ᬭᬶᬂᬯ᭄ᬯᬂᬉᬢ᭄ᬢᬫᬫᬓᬦ᭄ᬢᬶ᭞ᬉᬢ᭄ᬢᬫᬩᬸᬤ᭄ᬥᬶᬓᬭᬗ᭄ᬲᬸᬓ᭄᭞ᬲᬸᬩᬮᬶᬬᬸᬳᬤᬳᬶᬫ᭄ᬩ᭞ᬳᬮᬳᬵ
[᭕᭘ 58A]
ᬬᬸᬩᬳᬦ᭄ᬓᬦ᭄ᬢᬶ᭞ᬓ᭄ᬭᬡᬤᬶᬢᬹᬳ᭄ᬤᬳᬫ᭄ᬧᬄᬗᬮᬶᬄᬫᬶᬢ᭄ᬭ᭟᭓᭔᭘᭟ᬬᬤᬶᬦ᭄ᬢᬸᬦᬕᬸᬡᬦ᭄ᬳᬯᬓ᭄᭞ᬬᬦ᭄ᬫᬓᬦ᭄ᬢᬶᬕᬸᬡᬍᬯᬶᬄ᭞ᬲᬶᬦᬄᬕᬸᬡᬦᬾᬫᬗ᭄ᬮᬶᬫ᭄ᬩᬓ᭄᭞ᬫᬯᬸᬯᬸᬄᬕᬸᬡᬦᬾᬲᬵᬳᬶ᭞ᬩᬸᬓᬳᬶᬬᬾᬳᬾᬧᬸᬮᬗᬶᬦ᭄
᭞ᬩᬳᬦ᭄ᬍᬗᬶᬲ᭄ᬫᬬᬶᬓ᭄ᬜᬗ᭄ᬮᬸᬄ᭞ᬳᬶᬬᬾᬄᬜᬦᬾᬲᬶᬦᬄᬳᬶᬮᬂ᭞ᬓᬢ᭄ᬓᭂᬧ᭄ᬩᬳᬦ᭄ᬳᬶᬍᬗᬶᬲ᭄᭞ᬫᬶᬬᬶᬓ᭄ᬜᬗ᭄ᬮᬸᬄᬘᬬᬦ᭄ᬳᬶᬬᬾᬤᬤᬶᬳᬶᬮᬂ᭟᭓᭔᭙᭟ᬬᬤᬶᬦ᭄ᬮᬶᬬᬸᬗ᭄ᬮᬄᬕᬸᬡ᭞ᬭᬶᬂᬲᬂᬦᬶᬃᬕᬸᬡ᭄ᬦᬫᬓᬦ᭄ᬢᬶ᭞ᬩ᭄ᬯᬶᬦ᭄ᬢ᭄ᬯᬭᬗ᭄ᬮᬄᬓᬩᬶ
ᬲᬦ᭄᭞ᬕᬸᬡᬫᭂᬗ᭄ᬓᭂᬩ᭄ᬲᬶᬦᬄᬤᬤᬶ᭞ᬤᬤᬶᬯᬶᬭᬱᬦᬾᬳᬶᬮᬶᬤ᭄᭞ᬉᬧᬫᬶᬳᬶᬮᬯᬢ᭄ᬮᬸᬳᬸᬂ᭞ᬓᬢᬗ᭄ᬓᭂᬩᬦ᭄ᬕᬸᬍᬫ᭄ᬲᬫᬄ᭞ᬓᬤᬶᬮᬯᬢ᭄ᬕᬚᬄᬫᬮᬶᬄ᭞ᬧ᭄ᬚᬂᬤᬶᬢᬸᬤᬶᬫ᭄ᬓᬦᬾᬘ᭄ᬦᬶᬓ᭄ᬧᭂᬲᬦ᭄᭟᭓᭕᭐᭟ᬳ᭄ᬤᬢ᭄ᬯᬭᬫᬦᬼᬩᬂ᭞ᬳᬶ
ᬕᬸᬡᬓᬳᬸᬘᬧᬼᬯᬶᬄ᭞ᬢᬓᬶᬢᬓᬶᬬᬂᬭᬶᬂᬫᬦᬄ᭞ᬩ᭄ᬯᬢᬂᬳᬸᬕᬶᬲ᭄ᬢᬶᬢᬶ᭞ᬳ᭄ᬤᬗᬦ᭄ᬢᬶᬫ᭄ᬩᬳᬂᬧ᭄ᬮᬶᬄ᭞ᬓ᭄ᬭᬡᬳᬤᬳᬦᬓ᭄ᬲᬶᬕᬸᬕ᭄᭞ᬤᬾᬦᬶᬂᬩᬸᬤ᭄ᬥᬶᬦᬾᬳᬶᬮᬂ᭞ᬢᬦ᭄ᬧᬕᬸᬡᬵᬢᬦ᭄ᬧᬓᬦ᭄ᬢᬶ᭞ᬤᬤᬶᬫᬸᬲᬸᬄᬥᬾᬯᬾ
Page:Bali-lontar-paparikan-sarasamuscaya-300ppi.pdf/58
Jump to navigation
Jump to search
This page has been proofread.
