[᭕᭐ 50B]
᭕᭐
ᬗ᭄ᬲᬫᬓᬚᬵᬢᬶ᭞ᬢᬦᬺᬲᬗ᭄ᬲ᭞ᬫᬶᬯᬄᬳᬭᬶᬫ᭄ᬩᬯᬓᬸᬫ᭄ᬧᬸᬮ᭄᭞ᬫᬓᬤᬤ᭄ᬯᬳᬃᬣᬶᬧᬢᬸᬄ᭞ᬫᬫᬦ᭄ᬢᭂᬲᬂᬭᬕᬲᬵᬳᬶ᭞ᬓ᭄ᬱᬫᬩᬋᬂᬲᬶᬓ᭄ᬮᬦ᭄᭞ᬫᬓᬤᬤ᭄ᬯᬲᬓ᭄ᬱᬢ᭄ᬧᬢᬸᬄ᭞ᬧᬦᬲ᭄ᬢᬶᬲᬾᬓᬢᬭᬶᬫᬵ᭞ᬲᬢ᭄ᬬᬦᬾᬢ᭄ᬕᭂᬲᬂᬫᬵ
ᬮᬶᬄ᭞ᬢᬗᬃᬢ᭄ᬯᬭᬩᬶᬱᬳᬫ᭄ᬧᬄ᭞ᬜᬸᬓᬦᬶᬦ᭄ᬲᬃᬯ᭄ᬯᬢᬸᬫᬸᬯᬸᬄ᭟᭓᭐᭔᭟ᬥᬃᬫᬦᬾᬢ᭄ᬕᭂᬲᬂᬩᬸᬯᬶᬦ᭄᭞ᬉᬧᬰᬵᬫ᭞ᬭᬶᬂᬓᬳ᭄ᬬᬸᬦ᭄ᬩᬶᬱᬫᬶᬢᬸᬢᬸᬃ᭞ᬅᬃᬚ᭄ᬚᬯᬫᬢ᭄ᬕᭂᬲ᭄ᬩᬮᬸᬢ᭄᭞ᬚᬵᬢᬶᬩ᭄ᬦᭂᬂᬢ᭄ᬯᬭᬕᬶᬗ᭄ᬲᬶᬃ᭞ᬧ᭄ᬭᬶᬢᬶᬫᬢ᭄ᬕᭂᬲ᭄ᬓᬭᬸᬡ
᭞ᬧ᭄ᬭᬲᬤᬵᬳ᭄ᬦᬶᬂᬭᬶᬂᬓᬳ᭄ᬬᬸᬦ᭄᭞ᬫᬥᬹᬃᬬ᭄ᬬᬧᬶᬢ᭄ᬕᭂᬲ᭄ᬫᬥᬸᬭ᭞ᬲᭀᬮᬄᬢᬶᬗ᭄ᬕᬮ᭄ᬫᬶᬯᬄᬫᬸᬜᬶ᭞ᬫᬃᬤ᭄ᬥᬯᬦᬾᬧᬶᬢ᭄ᬕᭂᬲᬂ᭞ᬩᬶᬱᬫᬜᭂᬦᬶᬓᬂᬓᬳ᭄ᬬᬸᬦ᭄᭟᭓᭐᭕᭟ᬳᬤᬩ᭄ᬭᬢᬦᬶᬬᬫᬵᬫᬮᬶᬄ᭞ᬤᬰᬧᬲᬮ᭄᭞ᬩ᭄ᬭᬢ
ᬤᬵᬦᬗ᭄ᬳᬚ᭄ᬬᬳᬬᬸ᭞ᬢᬧᬤ᭄ᬬᬦᬫᬮᬶᬄᬳᬶᬢᬸᬂ᭞ᬲ᭄ᬯᬤ᭄ᬥ᭄ᬬᬬᬉᬧᬲ᭄ᬢᬦᬶ᭞ᬩ᭄ᬭᬢᬕ᭄ᬭᬳᬉᬧᬯᬵᬲ᭞ᬫᭀᬦᬲ᭄ᬦᬦᬵᬧᬶᬢᬸᬳᬸ᭞ᬧ᭄ᬭᬕᬢ᭄ᬦᬶᬬᬫᬳᬤᬰ᭞ᬮᬓ᭄ᬱᬡᬦᬾᬯᬶᬮᬂᬫᬮᬶᬄ᭞ᬩ᭄ᬲᬶᬓ᭄ᬩᭂᬲᬶᬓ᭄ᬧᬶᬢ᭄ᬕᭂᬲᬂ᭞
[᭕᭑ 51A]
ᬳᬧᬂᬫ᭄ᬮᬄᬩᬦ᭄ᬫᬗ᭄ᬭᬗ᭄ᬲᬸᬓ᭄᭟᭓᭐᭖᭟ᬤᬦᬯᬾᬯᬾᬄᬩᬭᬾᬲ᭄ᬚᬢᬶ᭞ᬫᬳᬸᬢ᭄ᬢᬫ᭞ᬗ᭄ᬳᬚ᭄ᬬᬩᬓ᭄ᬢᬶᬭᬶᬂᬳ᭄ᬬᬂᬢᬸᬳᬹ᭞ᬧᬹᬚᬧᬶᬢ᭄ᬭᬤᬾᬯᬳᬬᬸ᭞ᬢᬧᬢ᭄ᬯᬭᬗᬾᬫᬦ᭄ᬲᬓᬶᬢ᭄᭞ᬩᬦᬶᬫᬜᬓᬶᬢᬶᬦ᭄ᬭᬕ᭞ᬲ᭄ᬯᬤ᭄ᬥ᭄ᬬᬬᬯᬾᬤ᭄ᬥᬓ
ᬚᬸᬚᬸᬃ᭞ᬲᬂᬳ᭄ᬬᬂᬯᬾᬤᬓᬪ᭄ᬬᬱᬬᬂ᭞ᬉᬧᬲ᭄ᬢᬧᬗᬺᬢ᭄ᬧᬰ᭄ᬘᬤᬶ᭞ᬥ᭄ᬬᬦᬰᬶᬯᬲ᭄ᬫᬭᬡ᭞ᬩ᭄ᬭᬢᬧᬗᬺᬢ᭄ᬧᬗᬦ᭄ᬓᬶᬦᬹᬫ᭄᭟᭓᭐᭗᭟ᬫᭀᬦᬦᬾᬢ᭄ᬕᭂᬲᬂᬫᬮᬶᬄ᭞ᬧᬗᬺᬢ᭄ᬉᬚᬃ᭞ᬫᬸᬜᬶᬦᬾᬫᬧᬶᬬᭂᬃᬤᬶᬢᬸ᭞ᬲ᭄ᬦᬦᬫᬩᬺᬱᬶᬄᬫᬦ᭄ᬤᬸᬲ᭄᭞
ᬳᬦ᭄ᬤ᭄ᬭᬶᬲᬦ᭄ᬤ᭄ᬬᬫᬪᬓ᭄ᬢᬶ᭞ᬫᬦ᭄ᬤᬸᬲ᭄ᬭᬶᬓᬵᬮᬦᬶᬂᬲᬜ᭄ᬚ᭞ᬓᬾᬢᭀᬓᬳᬸᬘᬧ᭄ᬭᬶᬂᬢᬸᬢᬸᬃ᭞ᬳᭂᬦ᭄ᬢᭀᬧᬶᬢᬢᬲᬂᬧᬶᬲᬦ᭄᭞ᬩ᭄ᬭᬢᬦᬾᬲᬶᬦᬮᬶᬄᬢᬸᬗ᭄ᬕᬶᬮ᭄᭞ᬳ᭄ᬤᬢ᭄ᬯᬭᬫᬦᬸᬦᬲᬂ᭞ᬭᬶᬂᬳᬶᬤᬲᬂᬳᬤᬶᬕᬸᬭᬸ᭟᭓᭐᭘᭟ᬳᬶᬥᬃᬫ᭄ᬫᬧᬕᭂᬳᬂᬳᬸ
ᬕᬶ᭞ᬫᬓᬥᬲᬃ᭞ᬳᬲᬶᬂᬕᬯᬾᬗᭂᬢᬸᬢ᭄ᬧᬵᬢᬹᬢ᭄᭞ᬫᬤᬵᬦᬧᬹᬡ᭄ᬬᬧᬫᬸᬘᬸᬓ᭄᭞ᬬᬦᬶᬂᬗ᭄ᬮᬄᬩ᭄ᬭᬡᬍᬯᬶᬄ᭞ᬧᬵᬢᬹᬢᬾᬫᬩᬕᬶᬢᬶᬕ᭞ᬥᬲᬭᬶᬦ᭄ᬳᬶᬥᭂᬧ᭄ᬭᬳᬬᬸ᭞ᬥᬃᬫ᭄ᬫᬦᬾᬳᬸᬕᬶᬢᬢᬓᬦ᭄᭞ᬭᬶᬓᬮᬧᬘᬂᬫᬫᬃᬕ᭄ᬕᬶ᭞ᬳᬶ
Page:Bali-lontar-paparikan-sarasamuscaya-300ppi.pdf/51
Jump to navigation
Jump to search
This page has been proofread.
