[᭔᭘ 48B]
᭔᭘
ᬲᬶᬕᬸᬕ᭄᭞ᬤ᭄ᬕᬕ᭄ᬳᬮ᭄ᬧᬓᬵᬩᬦᬶ᭞ᬢ᭄ᬓᬾᬦᬶᬂᬳᬶᬫᬾᬫᬾᬩᬧ᭞ᬓ᭄ᬭᬡᬳ᭄ᬮᬲ᭄ᬫᬗᬫ᭄ᬩᬸᬮ᭄᭞ᬳᭂᬦ᭄ᬢᭀᬫᬤᬦ᭄ᬳᬦᬓ᭄ᬢᬶᬯᬲ᭄᭞ᬓᬳᬶᬮᬗᬦ᭄ᬫᬲ᭄ᬫᬡᬶᬓ᭄᭞ᬢᭀᬤᬶᬚᬵᬗᬮᬶᬄᬓᬲᬸᬓᬦ᭄᭞ᬲᬚᬯᬶᬦᬶᬂᬤᬸᬄᬓᬢ᭄ᬧᬸᬓ᭄᭟᭒᭙᭒᭟ᬓ᭄ᬭᬡ
ᬤᬩ᭄ᬤᬩᬂᬳᬧᬶᬓᬶᬦ᭄᭞ᬫᬮᬓ᭄ᬱᬡ᭞ᬲᬼᬕᬂᬳᬸᬕᬶᬫᬗᭂᬫ᭄ᬧᬹ᭞ᬢ᭄ᬓᬾᬦᬶᬂᬳᬶᬢᬸᬳᬸᬢᬸᬳᬸ᭞ᬳᬋᬧᬂᬳᬶᬲ᭄ᬰᬶᬮᬧᬹᬚᬶ᭞ᬬᬦᬶᬂᬓᬯᬶᬢᬦᬾᬮᬸᬗ᭄ᬳ᭞ᬳᬶᬭᬶᬗᬂᬲᬮᬫ᭄ᬧᬄᬮᬓᬸ᭞ᬳ᭄ᬤᬧᬶᬲᬦ᭄ᬦᬸᬮᬾᬫᬦᬂ᭞ᬳ᭄ᬤᬳᬸᬕᬶᬫᬗᬮᬳᬶᬦ᭄᭞ᬳᭂ
ᬫ᭄ᬩᬦ᭄ᬧᬶᬤᬩ᭄ᬤᬩᬂᬧᬶᬲᬦ᭄᭞ᬳᬧᬂᬗ᭄ᬤᬓᬦ᭄ᬢᬶᬩᭂᬦ᭄ᬤᬸ᭟᭒᭙᭓᭟ᬬᬦ᭄ᬳᬶᬭᬭᬾᬓᬧᬭᬦᬶᬦ᭄᭞ᬭᬶᬂᬲᬂᬢᬸᬳ᭞ᬫᬗ᭄ᬭᬡᬬᬂᬋᬋᬤ᭄ᬢᬸᬳᬸᬄ᭞ᬲᬶᬦᬄᬢᬸᬯᬸᬳᬾᬫᬯᬦ᭄ᬢᬸᬦ᭄᭞ᬬᬾᬦ᭄ᬩᬓ᭄ᬢᬶᬳᬗ᭄ᬕᬾᬦ᭄ᬤᬓᬶᬦ᭄᭞ᬤᬸᬮᬸᬭᬶᬦ᭄ᬲᭀᬮᬄᬧ᭄ᬭᬡᬫ᭄ᬬ᭞
ᬫᬗ᭄ᬭᬡᬬᬂᬢᬸᬯᬸᬄᬫᬸᬜ᭄ᬚᬸᬓ᭄᭞ᬫᬗ᭄ᬯᬦ᭄ᬢᬸᬦᬂᬦᬾᬦᬾᬳᬶᬮᬂ᭞ᬲᬶᬦᬄᬩ᭄ᬯᬶᬦ᭄ᬩᬸᬮᬓ᭄ᬩᬮᬶᬓ᭄᭞ᬪᬓ᭄ᬢᬶᬢᬦ᭄ᬪᬓ᭄ᬢᬶᬫᬵᬓ᭄ᬭᬡ᭞ᬢᬗᬭᬶᬦ᭄ᬳᬸᬕᬶᬫᬗᭂᬫ᭄ᬧᬸ᭟᭒᭙᭔᭟ᬨᬮᬦ᭄ᬳᬦᬓᬾᬗᬲ᭄ᬢᬶᬢᬶ᭞ᬭᬶᬂᬓᬯᬶᬢᬦ᭄᭞ᬫᬓᬤᬶᬭᬶᬂᬬᬬᬄᬳᬶᬩᬸ᭞
[᭔᭙ 49A]
ᬧᬢ᭄ᬧᬢ᭄ᬦᬾᬧᬘᬂᬓᬢ᭄ᬧᬸᬓ᭄᭞ᬬᬸᬱᬩᬮᬬᬰᬓᬶᬃᬢ᭄ᬢᬶ᭞ᬩᬮᬰᬓ᭄ᬢᬶᬬᬦ᭄ᬢᭂᬕᭂᬲᬂ᭞ᬬᬰᬗᬭᬦᬶᬂᬭᬳᬬᬸ᭞ᬓᬶᬃᬢ᭄ᬢᬶᬧᬹᬚᬶᬳᬬᬸᬗᬭᬦ᭄᭞ᬅᬬᬸᬱᬫᬳᬤᬦ᭄ᬳᬸᬭᬶᬧ᭄᭞ᬓᬾᬢᭀᬨᬮᬦ᭄ᬜᬦᬾᬧᬢ᭄ᬧᬢ᭄᭞ᬬᬦ᭄ᬪᬓ᭄ᬢᬶᬦᬾᬳ᭄ᬦᬶᬂᬫᬸᬮᬸᬲ᭄
᭟᭒᭙᭕᭟ᬳᬶᬰᬓ᭄ᬢᬶᬳᬤᬸᬗᬂᬫᬮᬶᬄᬭᬶᬂᬳᬶᬩᬚᬂ᭞ᬫᬶᬯᬄᬭᬶᬂᬢᬸᬳᬦᬾᬫᬸᬧᬸᬢ᭄᭞ᬳᬧᬂᬳᬤᬸᬂᬢ᭄ᬓᬾᬦ᭄ᬢᬸᬳᬸᬄ᭞ᬳᬧᬗ᭄ᬤᬲᬮᬄᬮᬶᬗ᭄ᬕᬶᬄ᭞ᬩ᭄ᬯᬶᬦ᭄ᬳᬤᬸᬗᬂᬭᬶᬂᬳᬶᬩ᭄ᬭᬡ᭞ᬬᬦᬶᬂᬲᬶᬩᬳᬤᬸᬂᬤᬶᬢᬸ᭞ᬲ᭄ᬓᭂᬦᬂᬳᬸᬕᬶᬦᬶᬫ᭄ᬩᬗᬂ᭞ᬬᬦᬶᬂᬗᬗ᭄ᬕᭀᬢᬶ
ᬫ᭄ᬩᬂᬫᬮᬶᬄ᭞ᬫᬗ᭄ᬭᬯᭀᬲ᭄ᬫᬶᬯᬄᬫᬧᬳ᭄ᬬᬲ᭄᭞ᬤᬶᬢᬸᬗᬮᬶᬄᬘᬶᬭᬶᬧᬢᬹᬢ᭄᭟᭒᭙᭖᭟ᬦᬾᬦᬾᬜᬦ᭄ᬤᬂᬧᬶᬓᬾᬮᬶᬗᬶᬦ᭄᭞ᬚᬦᬶᬘᬘᬓ᭄᭞ᬳᬦᬓ᭄ᬲᬓᬶᬢ᭄ᬢᬶᬯᬲᬼᬲᬸ᭞ᬳᬦᬓ᭄ᬲ᭄ᬥᬸᬓ᭄ᬫᬶᬯᬄᬢᬓᬸᬢ᭄᭞ᬳᬦᬓ᭄ᬲᬸᬗ᭄ᬲᬸᬢ᭄ᬓᬲᬶᬳᬲᬶᬄ᭞
ᬫ᭄ᬯᬄᬲᬮ᭄ᬯᬶᬭᬶᬂᬓᬾᬮᬗᬦ᭄᭞ᬓᬧ᭄ᬭᬶᬳᬢᬶᬦ᭄ᬲᬮᬄᬲᭂᬗ᭄ᬕᬸᬄ᭞ᬳᬦᬓ᭄ᬧᬮᬶᬂᬫᬶᬯᬄᬳᭂᬗ᭄ᬲᬧ᭄᭞ᬳᭂᬦ᭄ᬢᭀᬜᬦ᭄ᬤᬂᬧᬶᬓᬾᬮᬶᬗᬶᬦ᭄᭞ᬧᬶᬢ᭄ᬯᬶᬦᬾᬓᬓ᭄ᬭᭀᬥᬳᬦ᭄᭞ᬳ᭄ᬤᬧᬶᬲᬦ᭄ᬚ᭄ᬯᬗᬮᬶᬗᬹ᭟᭒᭙᭗᭟ᬋᬕᭂᬤ᭄ᬍᬢᬸᬳᬾᬲᬸᬦ᭄ᬤᬭᬶᬦ᭄᭞
Page:Bali-lontar-paparikan-sarasamuscaya-300ppi.pdf/49
Jump to navigation
Jump to search
This page has been proofread.
