[᭔᭒ 42B]
᭔᭒
ᬤᬶᬚᬗᬮᬶᬄᬨᬮᬳᬬᬸ᭞ᬤᬤᬶᬦᬶᬱ᭄ᬝᬬᬫᬓ᭄ᬚᬂ᭞ᬫᬢᬶᬳᬶᬥᬸᬧ᭄ᬢᬦ᭄ᬫᬫᬗ᭄ᬕᬶᬄ᭞ᬨᬮᬦᬾᬓᭀᬘᬧ᭄ᬳᬸᬢ᭄ᬢᬫ᭞ᬯᬶᬭᬾᬄᬳᬶᬩᬸᬓᬾᬫᬫᬸᬳᬸᬦ᭄᭟᭒᭕᭙᭟ᬬᬦᬶᬂᬲᬂᬫᬢᬓᬶᬢᬓᬶ᭞ᬤᬵᬦᬥᬃᬫ᭄ᬫ᭞ᬢᬦ᭄ᬲᬄᬫᬫᬸᬗ᭄ᬕᭂᬮᬶᬦ᭄ᬓᬳ᭄ᬬᬸ
ᬦ᭄᭞ᬫᬦᬶᬗ᭄ᬕᬮᬂᬢᬺᬱ᭄ᬡᬳᬶᬩᬸᬓ᭄᭞ᬫᬶᬯᬄᬓ᭄ᬭᭀᬥᬚ᭄ᬭᭀᬦᬶᬂᬳᬢᬶ᭞ᬬᬦ᭄ᬳᭂᬦ᭄ᬢᭀᬲᬸᬩᬫᬢᬶᬗ᭄ᬕᬮ᭄᭞ᬉᬧᬫᬳᬶᬳᭂᬩᬸᬦ᭄ᬓᬬᬸ᭞ᬳ᭄ᬤᬾᬦ᭄ᬘᬭᬂᬜᬦᬾᬚᬸᬯᬂ᭞ᬬᬤᬶᬦ᭄ᬧᬸᬜᬦ᭄ᬜᬦᬾᬓᬡ᭄ᬥᬶᬓ᭄᭞ᬲ᭄ᬩᭂᬗᬾᬢ᭄ᬯᬭᬫᬫᬶᬦ᭄ᬤᬄ᭞ᬓᬾᬢᭀ
ᬮᬓ᭄ᬱᬡᬦᬾᬮᬸᬳᬸᬂ᭟᭒᭖᭐᭟ᬬᬤᬶᬦ᭄ᬳᬦᬵᬓ᭄ᬤᬵᬦᬫᬸᬜᬶ᭞ᬲᭀᬓ᭄ᬦᬸᬢᬸᬭᬂ᭞ᬢᬶᬗ᭄ᬓᬳᬾᬫᬤᬵᬦᬧᬵᬢᬸᬢ᭄᭞ᬦᬸᬦ᭄ᬤᬾᬦ᭄ᬳᬦᬓ᭄ᬤᬳᬢ᭄ᬮᬚᬸ᭞ᬫᬗ᭄ᬤᬫᬤᬵᬦᬦᬸᬳᬸᬢᬶᬦ᭄᭞ᬦᬵᬗᬶᬂᬬᬤ᭄ᬫᬶᬢ᭄ᬧᬶᬲᬦ᭄᭞ᬗᬸᬢᬂᬩ᭄ᬭᬡᬤᬳᬢ᭄ᬢ
ᬓᬸᬢ᭄᭞ᬳᭂᬦ᭄ᬢᭀᬚᬦ᭄ᬫᬤᬳᬢ᭄ᬦᬶᬱ᭄ᬝᬵ᭞ᬢᬦᬸᬭᬸᬂᬫᬦᬤᬶᬩᬜ᭄ᬘᬶᬄ᭞ᬨᬮᬦ᭄ᬥᬵᬦᬦᬾᬳᬲᬶᬩᬓ᭄᭞ᬳᬲᬶᬂᬲᬥ᭄ᬬᬢ᭄ᬯᬭᬓᬢ᭄ᬧᬸᬓ᭄᭟᭒᭖᭑᭟ᬧᬹᬚᬭᬶᬂᬲᬂᬳ᭄ᬬᬂᬗᬕ᭄ᬦᬶ᭞ᬫᬓᬫᬶᬯᬄ᭞ᬫᬹᬚᬭᬶᬂᬕ᭄ᬦᬶᬢᬢ᭄ᬮᬸ᭞ᬤᬵᬦᬭᬶᬂᬓᬸᬡ᭄ᬥ
[᭔᭓ 43A]
ᬓᬧᬵᬢᬹᬢ᭄᭞ᬳᭂᬦ᭄ᬢᭀᬳᬶᬱ᭄ᬝᬓᬳᬤᬦᬶᬦ᭄᭞ᬇᬱ᭄ᬝᬦᬾᬚᬦᬶᬚᬮᬦᬂ᭞ᬚᬮᬭᬦ᭄ᬫᬗ᭄ᬕᬶᬄᬭᬳᬬᬸ᭞ᬳᬧᬂᬗ᭄ᬤᬫᬗᬤᭀᬯᬂ᭞ᬓᬳᬸᬢᬸᬲ᭄ᬫᬳᬶᬦᬸᬫᬶᬢᬶᬲ᭄᭞ᬬᬦ᭄ᬢᬦᬵᬗᬸᬦ᭄ᬢᬧᬩ᭄ᬭᬢ᭞ᬉᬭᬶᬧ᭄ᬮ᭄ᬯᬶᬃᬢᬦ᭄ᬧᬢᬸᬯᬸᬄ᭟᭒᭖᭒᭟
ᬧᬹᬡ᭄ᬬᬢᬮᬕᬵᬢᬦᬶᬮᬶᬂ᭞ᬫᬓᬫᬶᬯᬄ᭞ᬓᬢ᭄ᬓᬾᬂᬫᬧᬹᬡ᭄ᬬᬲᬸᬫᬸᬃ᭞ᬤᬾᬯᬕᬻᬳᬫᬶᬯᬄᬉᬮᬸᬮ᭄᭞ᬫᬶᬯᬄᬫᬧᬹᬡ᭄ᬬᬦᬲᬶ᭞ᬧᬹᬡ᭄ᬬᬮᬕᬸᬧᬯᬶᬭᬫᬦ᭄᭞ᬲᬧ᭄ᬭᬓᬭᬦᬾᬳᬸᬫᬸᬭᬹᬩ᭄᭞ᬧᬢᬦᬶᬕᬶᬮᬂᬕᬸᬫᬶᬮᬂ᭞ᬲᬫᬶᬧᬹᬃ
ᬢ᭄ᬢᬓᬳᬤᬦᬶᬦ᭄᭞ᬧᬹᬃᬢ᭄ᬢᬦᬾᬮᬶᬯᬢ᭄ᬳᬸᬢ᭄ᬢᬫ᭞ᬧᬹᬃᬢ᭄ᬢᬦᬾᬜᬦ᭄ᬤᬂᬧᬶᬢᬸᬳᬸ᭟᭒᭖᭓᭟ᬬᬦ᭄ᬳᬶᬚᬦ᭄ᬫᬢᭀᬦ᭄ᬤᬾᬦ᭄ᬧᬲ᭄ᬢᬶ᭞ᬭᬶᬂᬧ᭄ᬭᬚ᭄ᬜᬦ᭄᭞ᬓᬺᬢ᭄ᬢᬓᬺᬢ᭄ᬬᬦᬾᬲᬸᬭᬸᬤ᭄᭞ᬘᬢᬹᬃᬯᬃᬕ᭄ᬕᬵᬫᬲᬶᬄᬲᬸᬭᬸᬤ᭄᭞ᬤᬸᬭᬸᬂᬲᬫᬶᬓᬳᬸ
ᬦᬶᬗᬶᬦ᭄᭞ᬳᭂᬦ᭄ᬢᭀᬲᬶᬦᬄᬕ᭄ᬢᬧ᭄ᬧᬶᬲᬦ᭄᭞ᬬᬾᬦ᭄ᬫᬢᬶᬮᬶᬯᬢᬶᬂᬢᬓᬸᬢ᭄᭞ᬬᬦᬶᬂᬳᬶᬤᬲᬂᬧ᭄ᬭᬚ᭄ᬜᬦ᭄᭞ᬲᬾᬤᬦᬾᬢ᭄ᬯᬄᬓᬳᬢᬶᬳᬢᬶ᭞ᬓᬺᬢ᭄ᬢ᭄ᬬᬘᬢᬸᬃᬯᬃᬕ᭄ᬕᬢᬢᬲ᭄᭞ᬲᬂᬇᬱ᭄ᬝᬫᬗᬡ᭄ᬝᬶᬤᬶᬢᬸ᭟᭒᭖᭔᭟ᬬᬦᬶᬂ
Page:Bali-lontar-paparikan-sarasamuscaya-300ppi.pdf/43
Jump to navigation
Jump to search
This page has been proofread.
