[᭔᭐ 40B]
᭔᭐
ᬢᬶᬧᭀᬘᭀᬮ᭄ᬳ᭄ᬤᬗᬶᬢᬸᬂ᭞ᬮᬯᬸᬢᬂᬚᬮᬦᬂᬧᬬᬹ᭞ᬳᬶᬤᬵᬦᬫᬶᬯᬄᬳᬶᬧᬹᬡ᭄ᬬ᭞ᬲᭀᬓ᭄ᬓᬃᬤ᭄ᬥᬶᬦᬶᬦ᭄ᬤᭀᬕᬾᬦ᭄ᬫᬮᬸ᭞ᬲᬲᬶᬤ᭄ᬥᬲᬶᬤ᭄ᬥᬬᬦ᭄ᬩᬓᬢ᭄᭞ᬓᬾᬢᭀᬧᬢᬹᬢᬾᬚᬮᬦᬂ᭟᭒᭔᭗᭟ᬬᬦ᭄ᬫᬤᬵᬦᬲᬫ᭄ᬧᬶᬫ᭄ᬯᬄᬍᬫ᭄ᬩᬸ᭞ᬫ᭄ᬯᬄ
ᬫᬵᬲ᭄ᬧᬤᬵᬦᬦᬾ᭞ᬓᬢ᭄ᬓᬾᬂᬫᬤᬵᬦᬕᬸᬫᬶ᭞ᬳᭂᬦ᭄ᬢᭀᬨᬮᬧᬤᬳᬬᬸ᭞ᬫᬗ᭄ᬕᬶᬄᬲ᭄ᬯᬃᬕ᭄ᬕᬓᬧᬸᬗ᭄ᬓᬸᬃ᭞ᬳᬶᬤᬦᬧᬯᬓ᭄ᬧᬗᭂᬦ᭄ᬢᬲ᭄᭞ᬫᬗᬶᬮᬂᬲᬃᬯ᭄ᬯᬍᬢᬸᬄ᭞ᬍᬢᬸᬄᬭᬶᬂᬳᬗ᭄ᬕᬰᬭᬶᬭ᭞ᬧᬫᬹᬓ᭄ᬱᬳᬜᬸᬢ᭄ᬳᬶᬮᬂ᭟᭒᭔᭘᭟ᬤᬵᬦ
ᬧᬹᬡ᭄ᬬᬦᬾᬓᬧᬵᬢᬹᬢ᭄ᬳᬬᬸ᭞ᬲᬃᬯ᭄ᬯᬉᬢ᭄ᬢᬫᬦᬾ᭞ᬳ᭄ᬫᬵᬲ᭄ᬧᬶᬭᬓ᭄ᬤᭀᬤᭀᬢ᭄ᬫᬡᬶᬓ᭄᭞ᬲᭀᬘᬫᬸᬣ᭄ᬬᬲᬵᬃᬯ᭄ᬯᬳᬬᬸ᭞ᬢᬦᬄᬢ᭄ᬕᬮ᭄ᬘᬭᬶᬓ᭄ᬧᬵᬢᬹᬢ᭄᭞ᬳᭂᬦ᭄ᬢᭀᬦᬾᬜᬦ᭄ᬤᬂᬤᬵᬦᬬᬂ᭞ᬯᬶᬭᬾᬄᬫᬤᬦ᭄ᬩ᭄ᬭᬡᬳᬶᬥᬸᬧ᭄᭞ᬬ
ᬦ᭄ᬲᬸᬩᬧᬥᬚᬮᬦᬂ᭞ᬩ᭄ᬭᬡᬫᬢᬶᬬᬦ᭄ᬢᭀᬗᭀᬲᬂ᭟᭒᭔᭙᭟ᬬᬦ᭄ᬜᬮᬦᬂᬫᬤᬵᬦᬩᬦ᭄ᬍᬫ᭄ᬩᬸ᭞ᬓᬧᬶᬮᬯᬃᬡ᭄ᬦᬦᬾ᭞ᬳᭂᬦ᭄ᬢᭀᬩ᭄ᬯᬶᬦ᭄ᬪᬹᬰᬡᬳᬶᬦ᭄᭞ᬳ᭄ᬫᬵᬲ᭄ᬗᬗ᭄ᬕᭀᬦ᭄ᬢᬸᬂᬢᬸᬂᬢᬡ᭄ᬥᬸᬓ᭄᭞ᬫᬓᬫ᭄ᬩᭂᬦ᭄ᬫᬶᬯᬄᬫᬲᬩᬸᬓ᭄᭞ᬪᭀ
[᭔᭑ 41A]
ᬚᬡᬫᬶᬯᬄᬕᬕᬡ᭄ᬥᬦ᭄᭞ᬳᬕᬸᬂᬨᬮᬯ᭄ᬓᬲ᭄ᬢᭂᬧᬸᬓ᭄᭞ᬍᬫ᭄ᬩᬸᬦᬦ᭄ᬤᬶᬦᬶᬳᬶᬦᬸᬘᬧ᭄᭞ᬳᬲᬶᬂᬢᬕᬶᬄᬲᬸᬩᬳᬤᬵ᭟᭒᭕᭐᭟ᬬᬦ᭄ᬫᬤᬵᬦᬩᭀᬭᬾᬄᬫᬶᬬᬶᬓ᭄ᬚ᭄ᬦᬸ᭞ᬲᬩᬸᬓ᭄ᬫ᭄ᬯᬄᬓᬫ᭄ᬩᭂᬦᬾ᭞ᬳᬲᬶᬂᬫᬗᬾᬦᬓᬶᬦ᭄ᬓᬸᬮᬶᬢ᭄᭞
ᬓᬾᬦᬾᬨᬮᬯ᭄ᬓᬲ᭄ᬢᭂᬧᬸᬓ᭄᭞ᬚ᭄ᬕᬾᬕ᭄ᬩᬕᬸᬲ᭄ᬮᬶᬢᬸᬳᬬᬸ᭞ᬭᬸᬧᬦᬾᬗᬯᬾᬧᬓᬾᬦᬓ᭄᭞ᬲᭀᬮᬳᬾᬗ᭄ᬕᬯᬾᬳᬸᬮᬗᬸᬦ᭄᭞ᬳᬍᬧ᭄ᬧᬗᬸᬲ᭄ᬳᬲᬶᬂᬗᬸᬘᬧ᭄᭞ᬢ᭄ᬯᬭᬧᬢᬶᬓᭂᬲᬓᬶᬢᬦ᭄᭟᭒᭕᭑᭟ᬳ᭄ᬦᬾᬳᬤᬦᬵᬦ
ᬧᬮᬶᬂᬳᬮᬸᬄ᭞ᬳᬦ᭄ᬢᭂᬂᬓᬫᬸᬮᬦ᭄ᬦᬾ᭞ᬤᬸᬮᬸᬭᬶᬦ᭄ᬫᬦᬳᬾᬳ᭄ᬦᬶᬂ᭞ᬓᬬᭂᬳᬦ᭄ᬧᬜ᭄ᬘᭀᬭᬦ᭄ᬯᬗᬸᬦ᭄᭞ᬩᬮᬾᬤᬵᬦᬫᬵᬃᬕ᭄ᬕᬭᬸᬭᬸᬂ᭞ᬤᬫᬃᬲᬮᬯᬲ᭄ᬤᬶᬫᬵᬃᬕ᭄ᬕ᭞ᬫᬢᬾᬚᬨᬮᬓᬧᬸᬗ᭄ᬓᬸᬃ᭞ᬓᬤᬂᬯᬃᬕ᭄ᬕᬧᬥᬢᬺᬱ᭄ᬡᬵ᭞ᬯ᭄ᬮᬲ᭄ᬫᬦᬸᬮᬸᬂᬲ
ᬢᬢ᭟᭒᭕᭒᭟ᬬᬦ᭄ᬭᬶᬂᬲᬂᬩ᭄ᬭᬵᬳ᭄ᬫᬡᬫᬧᬹᬡ᭄ᬬᬧᬬᬸᬂ᭞ᬳᬬᬸᬢ᭄ᬯᬄᬨᬮᬦᬾ᭞ᬭᬶᬯ᭄ᬓᬲᬦ᭄ᬧᬘᬂᬢᬫ᭄ᬧᬶ᭞ᬲ᭄ᬯᬃᬕ᭄ᬕᬦ᭄ᬇᬦ᭄ᬤ᭄ᬭᬦᬾᬓᬚᬸᬚᬸᬃ᭞ᬲᬂᬳᬢ᭄ᬫᬫᬗ᭄ᬕᬶᬄᬭᬳᬬᬸ᭞ᬯᬶᬤ᭄ᬬᬤᬭᬶᬯᬶᬤ᭄ᬬᬤᬭ᭞ᬤᬶᬢᬸᬫᬫᬹᬚᬶᬫᬜᬸᬗ᭄ᬲᬸᬂ᭞ᬧᬜ᭄ᬚ
Page:Bali-lontar-paparikan-sarasamuscaya-300ppi.pdf/41
Jump to navigation
Jump to search
This page has been proofread.
