Page:Bali-lontar-paparikan-sarasamuscaya-300ppi.pdf/30

From Wikisource
Jump to navigation Jump to search
This page has been proofread.

[᭒᭙ 29B]
᭒᭙
ᬦ᭄ᬳᬶᬕᬸᬫᬶ᭞ᬫᬯ᭄ᬢᬸᬫᬶᬢ᭄ᬬ᭞ᬫᬸᬜᬶᬦᬾᬢ᭄ᬯᬭᬫᬳᬶᬲᬶ᭟᭑᭗᭐᭟ᬚᬦ᭄ᬫᬩᭀᬩᬤ᭄ᬢᬦᬸᬭᬸᬂᬫᬗ᭄ᬕᬶᬄᬦᬭᬓ᭞ᬥᬾᬯᬾᬓ᭄ᬜᬦᬾᬓᬓᬵᬃᬤ᭄ᬥᬶᬦᬶᬦ᭄᭞ᬫᬗ᭄ᬤᬾᬦᬾᬓᬓᬯᬄ᭞ᬳᬮᬕᬸᬫᬶᬦᬾᬫᬓ᭄ᬚᬂ᭞ᬢᬦ᭄ᬯᬗ᭄ᬤᬾᬧᬘᬂᬓᬩᬸᬓ᭄ᬢᬶ᭞ᬢ
ᬗᬭᬶᬦ᭄ᬧᬶᬲᬦ᭄᭞ᬳᬸᬘᬧ᭄‌ᬩᭀᬕ᭄ᬩᭀᬕᬾᬳᬶᬫ᭄ᬧᬲᬶᬦ᭄᭟᭑᭗᭑᭟ᬫᬸᬜᬶᬲᬢ᭄ᬬᬳᭂᬦ᭄ᬢᭀᬦᬾᬜᬦ᭄ᬤᬂᬧᭂᬲᬸᬯᬂ᭞ᬳ᭄ᬤᬫᬗᬸᬘᬧ᭄ᬗᬫᬢᬶ᭞ᬳ᭄ᬤᬗᬸᬧᭂᬢ᭄‌ᬜᬘᬤ᭄᭞ᬦᬾᬭᬳᬬᬸᬳᬸᬕᬶᬧ᭄ᬭᬶᬳᬂ᭞ᬳ᭄ᬤᬗᬸᬘᬧ᭄ᬢᬦ᭄ᬧᬰ᭄ᬭᬸᬢᬶ᭞
ᬳ᭄ᬤᬦᬺᬲᬗ᭄ᬲ᭞ᬳ᭄ᬤᬧᬢᬶᬓ᭄ᬭᭀᬥᬓ᭄ᬭᭀᬥᬳᬶᬦ᭄᭟᭑᭗᭒᭟ᬳ᭄ᬤᬧᬶᬲᬦ᭄ᬫᬶᬲᬸᬦᬫᬗᬤᬸᬳᬦ᭞ᬫᬦ᭄ᬭᬡᬬᬂᬳᬦᬓ᭄ᬧᬮᬶᬂ᭞ᬗ᭄ᬕᬯᬾᬭᬸᬱᬓ᭄ᬚᬕᬢ᭄᭞ᬳᬫᭀᬦ᭄ᬢᭀᬳᬶᬗᭂᬢᬂᬧᬶᬲᬦ᭄᭞ᬫᬸᬜᬶᬦᬾᬜᬦ᭄ᬤᬂᬧᬶᬢᭂᬢᬶᬦ᭄᭞ᬳ᭄ᬤ
ᬗᬸᬘᬧᬂ᭞ᬭᬶᬂᬳᬶᬤᬤᬦᬾᬳᬶᬧᬸᬦ᭄ᬲᬫᬶ᭟᭑᭗᭓᭟ᬦᬄᬓᬓᬾᬦᬾᬧᬫᬃᬕ᭄ᬕᬶᬦ᭄ᬳᬶᬤᬲᬂᬲᬢ᭄ᬬ᭞ᬫᬢᬓᬾᬦ᭄ᬮᬯᬸᬢ᭄ᬦᬸᬢᬸᬭᬶᬦ᭄᭞ᬗᬸᬤ᭄ᬬᬂᬫᬕ᭄ᬚᭂᬕᬦ᭄᭞ᬳᬚᬓ᭄ᬮ᭄ᬬᬸᬫᬯᬶᬭᬱ᭞ᬦᬄᬦᬶᬭᬫᬢᬓᭀᬦ᭄ᬚᬦᬶ᭞ᬓ᭄ᬦᬦᬢ
[᭓᭐ 30A]
ᬲᬂ᭞ᬲᬳᬸᬢᬶᬦ᭄ᬚᬩ᭄ᬲᬶᬓ᭄ᬩᭂᬲᬶᬓ᭄᭟᭑᭗᭔᭟ᬘᬳᬶᬦᬯᬂᬰᬲ᭄ᬢ᭄ᬭᬦᬾᬫᬳᬤᬦ᭄ᬉᬢ᭄ᬢᬫ᭞ᬳᭂᬗ᭄ᬓᬾᬦ᭄ᬳᭂᬱᬰ᭄ᬜᬦᬾᬚᬵᬢᬶ᭞ᬧᬲᬳᬸᬭᬾᬫᬗᬯᬕ᭄᭞ᬲᬧᬲᬶᬭᬳᬸᬦᬶᬂᬭᬶᬂᬱᬰ᭄᭞ᬳᬶᬦ᭄ᬤᬶᬬᬂᬦ᭄ᬤᬶᬓᬬᬂᬫᬗ᭄ᬓᬶᬦ᭄᭞ᬲᬂ
ᬲᬢ᭄ᬬᬗᬸᬘᬧ᭄᭞ᬭᬭᬶᬲ᭄ᬗᬸᬭᬸᬓ᭄ᬫᬦᬸᬢᬸᬭᬶᬦ᭄᭟᭑᭗᭕᭟ᬚᬵᬢᬶᬦ᭄ᬜᬦᬾᬲᬢ᭄ᬬᬳᬤ᭄ᬯᬦᬾᬢ᭄ᬕᭂᬲᬂ᭞ᬩᭀᬕ᭄ᬩᭀᬕ᭄‌ᬢᬦ᭄ᬮᬶᬜᭀᬓ᭄ᬓᬤᬤᬶᬦ᭄᭞ᬢᬸᬳᬸᬦᬾᬢᬦ᭄ᬲᬢ᭄ᬬ᭞ᬬᬦ᭄ᬲᬸᬩᬫᬨᬮᬫ᭄ᬮᬄ᭞ᬳᭂᬦ᭄ᬢᭀᬦ᭄ᬫᬤᬵᬦ᭄ᬲᬢ᭄ᬬ
ᬚᬵᬢᬶ᭞ᬫᬸᬜᬶᬮᬶᬜᭀᬓᬦ᭄᭞ᬨᬮᬫ᭄ᬮᬄᬳᬾᬧᬢᬶᬢᬶᬲ᭄᭟᭑᭗᭖᭟ᬦᬄᬩ᭄ᬯᬢᬂᬦᬾᬫᬤᬦ᭄ᬳᬶᬩᬸᬝᬵᬇᬢ᭞ᬩᭀᬕ᭄ᬩᭀᬕᬾᬫᬓ᭄ᬭᬡᬦ᭄ᬩᭂᬘᬶᬓ᭄᭞ᬳ᭄ᬤᬢ᭄ᬯᬭᬢᬺᬱ᭄ᬡᬵ᭞ᬢ᭄ᬓᬾᬦ᭄ᬧ᭄ᬭᬡᬶᬲᬵᬃᬯ᭄ᬯᬪᬯ᭞ᬤᬾᬦᬶᬂᬚᬶᬯ᭄ᬯᬳᬢ᭄ᬫᬍ
ᬯᬶᬄ᭞ᬫᬓ᭄ᬭᬡᬫ᭄ᬮᬄ᭞ᬳᬶᬚᬶᬯᬢ᭄ᬯᬄᬦᬲᬵᬭᬶᬦ᭄᭟᭑᭗᭗᭟ᬢ᭄ᬯᬄᬳᬶᬚᬶᬯᬫᬫᬕᭂᬳᬂᬳᬶᬘᬢᬸᬃᬯᬃᬕ᭄ᬕ᭞ᬥᬃᬫ᭄ᬫᬅᬃᬣᬓᬵᬫᬫᬮᬶᬄ᭞ᬫᭀᬓ᭄ᬱᬫᬉᬢ᭄ᬢᬫ᭞ᬬᬦ᭄ᬲᬂᬫᬗᬶᬮᬗᬂᬚᬶᬯ᭞ᬲᬶᬦᬄᬳᬶᬮᬂᬫᬓᬲᬫᬶ᭞ᬳᬶᬩᬸᬝᬵᬇ