[᭒᭒ 22B]
᭒᭒
ᬓᬾᬃᬣᬶ᭞ᬲᬶᬦᬄᬲ᭄ᬯᬃᬕ᭄ᬕᬦᬾᬫᬘᬤᬂ᭟᭑᭑᭗᭟ᬫᬓ᭄ᬭᬡᬦ᭄ᬜᬢ᭄ᬕᬸᬮ᭄ᬢ᭄ᬓᭂᬓᬂᬢᬮᬶᬦᬶᬦ᭄᭞ᬧᬶᬲᬚᬬᬂ᭞ᬳᬶᬥᭂᬧᬾᬫᬭᭀᬜ᭄ᬘᬄ᭞ᬫ᭄ᬯᬄᬳᬶᬧᬜ᭄ᬘᬳᬶᬦ᭄ᬤ᭄ᬭᬶᬬᬦ᭄ᬦᬾ᭞ᬳ᭄ᬤᬫᬗ᭄ᬮᬸᬫ᭄ᬩᬃᬫᬫᬸᬭᬸᬕ᭄᭞ᬳᬶᬮᬳᬶᬮᬓᬯᬱ᭄ᬝᬦᬶᬦ᭄᭞
ᬢᬦ᭄ᬦᬸᬭᬸᬗᬦ᭄ᬓ᭄ᬦᬳᬸᬘᬧ᭄᭞ᬤᬤᬶᬓᬾᬯᭂᬳᬾᬓᬢ᭄ᬧᬸᬓ᭄᭞ᬤᬶᬚᬓᬲᬸᬓᬦᬾᬚ᭄ᬫᬓ᭄᭞ᬳᬤᭀᬄᬧᬭ᭞ᬭᬶᬂᬯᬰᬡᬵᬫᬗ᭄ᬕᬶᬄᬩ᭄ᬘᬶᬓ᭄᭞ᬩᬸᬮᬓ᭄ᬩᬮᬶᬓ᭄ᬫᬲᬶᬄᬳᬮ᭟᭑᭑᭘᭟ᬬᬦᬶᬂᬳᬤᬚᬦ᭄ᬫᬲᬢᬢᬳᬶᬭᬶ᭞ᬢ᭄ᬓᬾᬦ᭄ᬳᬦᬓ᭄
ᬕᬶᬮᬫᬗᬦ᭄ᬢᭂᬦᬂ᭞ᬳᬦᬓ᭄ᬲᬸᬕᬶᬄᬫ᭄ᬯᬄᬯᬶᬃᬬ᭄ᬬᬦᬾ᭞ᬳᬦᬓ᭄ᬩᬕ᭄ᬬᬭᬸᬧᬩᬕᬸᬲ᭄᭞ᬲᬤ᭄ᬬᬲᬬᬂᬫ᭄ᬯᬄᬓᬧᬹᬚᬶ᭞ᬳᬲᬶᬂᬲᭀᬮᬄᬓᬇᬃᬱ᭄ᬬᬂ᭞ᬯᭀᬂᬲᬗ᭄ᬲᬭᬯᬵᬲ᭄ᬢᬦᬶᬧᬸᬦ᭄᭞ᬲᬓᬶᬢ᭄ᬜᬦᬾᬢᬦ᭄ᬢᬶᬦᬫ᭄ᬩᬦ᭄᭞ᬫᬗ᭄ᬕᬶᬄᬳᬾᬭᬂ᭞ᬭᬶᬂᬓ
ᬯᬳᬾᬤᬤᬶᬳᭂᬦ᭄ᬢᬶᬧ᭄᭞ᬳᬾᬯᭂᬄᬓᬢᬶᬩᬦ᭄ᬧᬗᭂᬦ᭄ᬢᬲ᭄᭟᭑᭑᭙᭟ᬳᬲᬶᬂᬳᬦᬭᬸᬧᬫᬩᬬᬸᬤᬶᬕᬸᬫᬶ᭞ᬧᬯᬓᬦ᭄ᬬ᭞ᬢ᭄ᬯᬄᬭᬶᬂᬅᬓ᭄ᬱᬫᬯᬵᬦ᭄᭞ᬳᬋᬧᬂᬳᬸᬕᬶᬓ᭄ᬮᬦ᭄ᬦᬾ᭞ᬉᬧᬲᬫᬵᬳᬗ᭄ᬕᬾᬦ᭄ᬧᬶᬓᬸᬓᬸᬄ᭞ᬬᬦ᭄
[᭒᭓ 23A]
ᬲᬶᬤ᭄ᬥᬩᬳᬦ᭄ᬜᬮᬦᬶᬦ᭄᭞ᬓ᭄ᬮᬦ᭄ᬫ᭄ᬯᬄᬫᬸᬧᬰᬫᬵ᭞ᬅᬓ᭄ᬱᬫᬯᬦᬾᬄᬢᬸᬳᬸ᭞ᬲᬶᬄᬫᬦᬶᬜ᭄ᬘᬧ᭄ᬲ᭄ᬯᬃᬕ᭄ᬕᬦ᭄᭞ᬫᬗ᭄ᬕᬶᬄᬲᬸᬓ᭞ᬤᬾᬦᬶᬂᬦᬸᬳᬸᬢ᭄ᬫᬃᬕ᭄ᬕᬩ᭄ᬘᬶᬓ᭄᭞ᬲᬶᬦᬄᬮᬦᬸᬲ᭄ᬭᬶᬂᬚᬮᬜ᭄ᬚᬮᬦ᭄᭟᭑᭒᭐᭟ᬲᬂᬓ᭄ᬱᬫᬦᬾ
ᬫᬤᬦ᭄ᬫᬲ᭄ᬫᬡᬶᬓ᭄ᬍᬯᬶᬄ᭞ᬢ᭄ᬯᬄᬜᬶᬤᬬᬂ᭞ᬫᬗ᭄ᬮᬯᬦ᭄ᬳᬶᬦ᭄ᬤ᭄ᬭᬶᬬ᭞ᬬᬤᬶᬦ᭄ᬓᬳᬸᬘᬧ᭄ᬰᬓ᭄ᬢᬶᬦᬾ᭞ᬳᭂᬦ᭄ᬢᭀᬩ᭄ᬓᭂᬮ᭄ᬗᬮᬶᬄᬳᬗ᭄ᬓᬸᬄ᭞ᬢ᭄ᬯᬭᬳᬤᬫᬜᬫᬾᬦᬶᬦ᭄᭞ᬬᬥᬶᬍᬯᬶᬄᬓᬫᭀᬢ᭄ᬢᬫᬦ᭄᭞ᬬᬦ᭄ᬗᬕᬾᬦ᭄ᬤᭀᬂᬫᬲᬶᬄᬳᬬᬸ
᭞ᬳᬲᬶᬂᬮᬓᬸᬫᬧᬭᬦ᭄᭞ᬢ᭄ᬯᬭᬓᬾᬫᬤ᭄᭞ᬤᬾᬦᬶᬂᬗᬩᬰ᭄ᬭᬡᬩ᭄ᬘᬶᬓ᭄᭞ᬢᭀᬂᬫᬧᬶᬮᬶᬄᬧᬤᬾᬯᬰᬦ᭄᭟᭑᭒᭑᭟ᬲᬂᬓ᭄ᬱᬫᬯᬦ᭄ᬭᬶᬲᬓ᭄ᬱᬢᬂᬧᬺᬣᬶᬯᬶ᭞ᬫᬸᬓ᭄ᬮᬦ᭄᭞ᬢ᭄ᬯᬭᬩᬶᬱᬧᬶᬯᬮ᭄᭞ᬢ᭄ᬓᬮᬲ᭄ᬬᬧᬦᬧᬶ
ᬦ᭄ᬦᬾ᭞ᬬᬤᬶᬦ᭄ᬳᬮᬢ᭄ᬯᬶᬳᬬᬸ᭞ᬧᬦᬲ᭄ᬢᬶᬲ᭄ᬢ᭄ᬯᬄᬓᬢᬫ᭄ᬧᬶ᭞ᬬᬦ᭄ᬢᬦ᭄ᬗᬫᭀᬓ᭄ᬱᬫᬯᬦ᭄᭞ᬲᬶᬦᬄᬢᬸᬗ᭄ᬓᬲᬾᬓᬢ᭄ᬧᬸᬓ᭄᭞ᬤᬶᬚᬗᬮᬶᬄᬧᬲ᭄ᬯᬶᬢ᭄ᬭᬬᬦ᭄᭞ᬬᬦᬶᬂᬢᬸᬗ᭄ᬓᬲ᭄᭞ᬭᬶᬂᬲᬵᬃᬯ᭄ᬯᬯᬾᬦ᭄ᬢᭂᬦᬾᬲᬫᬶ᭞ᬢᬦᬸᬭᬸᬂ
Page:Bali-lontar-paparikan-sarasamuscaya-300ppi.pdf/23
Jump to navigation
Jump to search
This page has been proofread.
