Page:Bali-lontar-paparikan-sarasamuscaya-300ppi.pdf/20

From Wikisource
Jump to navigation Jump to search
This page has been proofread.

[᭑᭙ 19B]
᭑᭙
ᬢ᭄ᬯᬭᬳ᭄ᬜᬓ᭄ᬧᬢᬶᬗᬸᬕᬸ᭞ᬭᬶᬂᬥᬃᬫ᭄ᬫᬦᬶᬂᬓᬃᬫ᭄ᬫᬨᬮ᭞ᬓᬾᬢᭀᬤᬾᬯᬵ᭞ᬕ᭄ᬦᭂᬧᬯᬶᬮᬗᬦ᭄ᬲᬫᬶ᭞ᬦᬾᬦᬾᬧᭂᬲᬸᬳᬸᬮᬶᬂᬫᬦᬄ᭟᭑᭐᭒᭟ᬳᬸᬮᬶᬂᬫᬸᬜᬶᬦᬾᬚᬦᬶᬩ᭄ᬯᬦ᭄ᬳᬶᬢᬸᬗᬶᬦ᭄᭞ᬓᭀᬘᬧ᭄‌ᬧ
ᬢ᭄ᬧᬢ᭄᭞ᬳ᭄ᬥᬫᬸᬚᬃᬳᬮ᭞ᬫᬶᬯᬄᬕᬗ᭄ᬲᬸᬮ᭄ᬧᬫᬸᬜᬶᬦ᭄ᬦᬾ᭞ᬫᬫᬶᬲᬸᬦᬳ᭄ᬥᬮᬚᬸ᭞ᬳ᭄ᬥᬩᭀᬩᬤ᭄ᬢᭂᬓᬾᬦ᭄ᬫᬸᬜᬶ᭞ᬧᬶᬢᬢ᭄ᬳᬸᬕᬶᬦᬾᬦᬾᬧᬢ᭄ᬧᬢ᭄᭞ᬳ᭄ᬥᬫ᭄ᬩᬳᬂᬓᬦ᭄ᬢᬶᬧᭂᬲᬸ᭞ᬲᬶᬤ᭄ᬥᬬᬂᬳᬸᬕᬶᬫᬢᬶᬬᬂ᭞ᬳᬧᬂ
ᬳᬶᬮᬂ᭞ᬳᬶᬗᭂᬢᬂᬳᬸᬕᬶᬲᬲᬳᬶ᭞ᬕᬶᬲᬶᬩᬸᬢᬶᬢᬶᬂᬢ᭄ᬓᭂᬓᬂ᭟᭑᭐᭓᭟ᬬᬦ᭄ᬤᬶᬲᭀᬮᬄᬦᬾᬦᬾᬜᬦ᭄ᬤᬂᬧᬶᬢᭂᬢᬶᬦ᭄᭞ᬳ᭄ᬤᬧᬶᬲᬦ᭄᭞ᬗᬫᬢᬶᬫᬢ᭄ᬬᬂ᭞ᬦᬾᬦᬾᬢᭀᬂᬗᬤᬕᬸᬡᬦ᭄ᬦᬾ᭞ᬳ᭄ᬥᬫᬫᬾᬕᬮ᭄ᬫᬫᭂ
ᬗ᭄ᬓᬸᬂ᭞ᬳ᭄ᬤᬯᬦᬾᬦ᭄ᬢᬦ᭄ᬧᬳᬶᬦ᭄ᬤᬶᬓ᭄᭞ᬓᭀᬱᬾᬦ᭄ᬢᬦ᭄ᬲᬄᬫᬫ᭄ᬭᬶᬓᭀᬱ᭞ᬳᭂᬦ᭄ᬢᭀᬫᬤᬦ᭄ᬲᭀᬮᬄᬲᬶᬕᬸᬕ᭄᭞ᬕ᭄ᬦᭂᬧ᭄ᬫᬯᬶᬮᬂᬳᬤᬰ᭞ᬓᬳᬤᬦᬦ᭄᭞ᬓᬵᬃᬫ᭄ᬫᬧᬝᬵᬫᬓᬲᬫᬶ᭞ᬫᬤᬦ᭄ᬧᬫᭀᬢᭀᬂᬇᬦ᭄ᬤ᭄ᬭᬶ
[᭒᭐ 20A]
ᬬ᭟᭑᭐᭔᭟ᬤᬾᬦᬶᬂᬲᬶᬦᬄᬲᬓᬶᬂᬲᭀᬮᬄᬳᬶᬥᭂᬧ᭄ᬫᬸᬜᬶ᭞ᬫᬗ᭄ᬭᬦᬬᬂ᭞ᬳᬶᬤᬤᬦᬾᬦᬯᬂ᭞ᬳᬮᬳᬬᬸᬦ᭄ᬤᬾᬯᬾᬓᬾ᭞ᬗᭂᬧᬸᬲ᭄ᬳᬦᬓ᭄ᬲᬓᬶᬂᬢ᭄ᬮᬸ᭞ᬳᭂᬦ᭄ᬢᭀᬓ᭄ᬭᬡᬩᬸᬓᬚᬦᬶ᭞ᬦᬾᬳᬬᬸᬳᬸᬕᬶᬕ᭄ᬮᬭᬂ᭞ᬳᬶᬥᭂᬧ᭄ᬲᭀᬮᬄᬫᬸ
ᬜᬶᬳᬤᬸᬂ᭞ᬕᬯᬾᬦᬶᬦ᭄ᬲᬭᬢᬂᬧᬶᬲᬦ᭄᭞ᬳᬧᬂᬲᬶᬤ᭄ᬥ᭞ᬦᬾᬦᬾᬢ᭄ᬮᬸᬫ᭄ᬭᬕᬉᬭᬶᬧ᭄᭞ᬩ᭄ᬓᭂᬮ᭄ᬫᬗᬸᬗ᭄ᬲᬶᬓᬲ᭄ᬯᬃᬕ᭄ᬕᬦ᭄᭟᭑᭐᭕᭟ᬫᬤᬸᬃᬕ᭄ᬕᬫᬦᬾᬢᬢ᭄ᬮᬸᬫᬗᬃᬤ᭄ᬥᬶᬦᬶᬦ᭄᭞ᬫᬗ᭄ᬤᬲᬶᬤ᭄ᬥ᭞ᬍᬯᬶᬳᬶᬂᬕᬕᬸᬡᬵᬦ᭄᭞ᬢᬶᬕ
ᬰᬓ᭄ᬢᬶᬕᬕᬸᬡ᭄ᬦᬦᬾ᭞ᬳ᭄ᬤᬕᬫ᭄ᬧᬂᬳᬾᬮᬄᬗᬓᬸ᭞ᬗᬸᬮᬳᬂᬧᬬᬸᬫᬫᬸᬜᬶ᭞ᬧᬶᬢ᭄ᬯᬶᬦᬾᬫᬜᬶᬤ᭄ᬥᬬᬂ᭞ᬫᬗᬕᭂᬫ᭄ ᬦᬾᬢᬢ᭄ᬮᬸ᭞ᬲᬶᬕᭂᬫᬂᬳᬸᬕᬶᬲᬶᬕᭂᬫᬂ᭞ᬯᬶᬭᬾᬄᬲᭂᬗ᭄ᬓ᭞ᬓᬾᬯᭂᬄᬧᬶᬲᬦ᭄ᬩᬦ᭄ᬤᬦ᭄ᬤᬓᬶᬦ᭄᭞ᬯᬶᬭᬾᬄᬳᭀ
ᬓᬤᬶᬓᬶᬮᬧ᭄᭟᭑᭐᭖᭟ᬲᬓᬶᬂᬫᬦᬄᬧᬗᬸᬕᬸᬦᬾᬮᬶᬦ᭄ᬢᬂᬧᬲ᭄ᬢᬶ᭞ᬫᬫᬕᭂᬳᬂ᭞ᬲᬶᬦᬄᬲᬓᬾᬂᬫᬦᬄ᭞ᬫᬦᬤᬶᬮᬗ᭄ᬕᭂᬂᬳᬚ᭄ᬜᬦᬾ᭞ᬬᬦᬶᬂᬲᬸᬩᬧᬕᭂᬄᬦ᭄ᬭᬸᬲ᭄᭞ᬲᬚᬬᬂᬮᬯᬸᬢ᭄ᬕᬯᬾᬦᬶᬦ᭄᭞ᬲᬶᬦᬄᬧᬶᬲᬦ᭄ᬫᬜᬶ