[᭑᭗ 17B]
᭑᭗
ᬳᬦ᭄ᬫᭂᬲ᭄ᬯᬂ᭟᭙᭒᭟ᬢᬦ᭄ᬦᬺᬱᬗ᭄ᬲᬳᭂᬦ᭄ᬢᭀᬫᬤᬦ᭄ᬥᬃᬫ᭄ᬫᬚᬵᬢᬶ᭞ᬬᬦᬶᬂᬓ᭄ᬮᬦ᭄᭞ᬰᬓ᭄ᬢᬶᬓᬳᬸᬘᬧᬂ᭞ᬬᬦ᭄ᬩᬶᬱᬗᬩᬳᬯᬓᬾ᭞ᬫ᭄ᬯᬄᬳᬶᬗᭂᬢ᭄ᬓᬾᬦ᭄ᬢᬸᬢᬸᬃ᭞ᬲᬤ᭄ᬬᬦᬯᬂᬳᬢ᭄ᬫᬚᬵᬢᬶ᭞ᬲᬸᬓ᭄ᬱ᭄ᬫᬦᬶᬂᬳ
ᬢ᭄ᬫᬢᬢ᭄ᬯ᭞ᬭᬳᬲ᭄ᬬᬚ᭄ᬜᬦᬓᬯᬸᬯᬸᬲ᭄᭞ᬬᬦᬶᬂᬲᬶᬤ᭄ᬥᬗᬗ᭄ᬕᭀᬦ᭄ᬲᬢ᭄ᬬ᭞ᬳᭂᬦ᭄ᬢᭀᬩ᭄ᬭᬢ᭞ᬧᬮᬶᬂᬳᬸᬢ᭄ᬢᬫᬤᬶᬕᬸᬫᬶ᭞ᬓ᭄ᬭᬡᬲᬢ᭄ᬬᬦᬾᬚᬮᬦᬂ᭟᭙᭓᭟ᬳᬶᬦᬺᬲᬗ᭄ᬲᬳᬮᬦ᭄ᬜᬦᬾᬲᬧᬸᬦᬶᬓᬶ
ᬢᬦ᭄ᬓᭂᬲᬸᬓᬦ᭄᭞ᬭᬶᬂᬚᬕᬢᬾᬓᭀᬘᬧ᭄᭞ᬭᬶᬂᬲᬂᬗᬕᭂᬫᬂᬥᬃᬫ᭄ᬫᬦ᭄ᬦᬾ᭞ᬳᬶᬤᬲᬶᬫ᭄ᬧᬂᬢ᭄ᬯᬭᬓᬳ᭄ᬬᬸᬦ᭄᭞ᬭᬶᬲᬓ᭄ᬱᬢ᭄ᬜᬶᬫ᭄ᬧᬗᬶᬦ᭄ᬤ᭄ᬯᬶ᭞ᬗᬸᬗ᭄ᬲᬶᬲᬸᬫᬸᬃᬢᬦ᭄ᬧᬢᭀᬬ᭞ᬳᭂᬦ᭄ᬢᭀᬓᬸᬤ᭄ᬬᬂᬢ᭄ᬯᬭᬮᬘᬸᬃ
᭞ᬲᬂᬦᬺᬲᬂᬗ᭄ᬲᬤᬳᬢ᭄ᬳᬮ᭞ᬦᬾᬭᬶᬂᬚᬕᬢ᭄᭞ᬢ᭄ᬯᬭᬳᬤᬫᬦ᭄ᬫᭂᬦᬶᬦ᭄᭞ᬤᬾᬦᬶᬂᬤᬳᬢ᭄ᬫᭀᬫᬸᬃᬓ᭄ᬓ᭟᭙᭔᭟ᬬᬦ᭄ᬲᬂᬥᬃᬫ᭄ᬫᬤᬳᬢ᭄ᬳᬸᬢ᭄ᬢᬫᬦᬾᬯ᭄ᬬᬓ᭄ᬢᬶ᭞ᬓᬯᬵᬱ᭄ᬝᬦᬦ᭄᭞ᬍ
[᭑᭘ 18A]
ᬯᬶᬄᬓᭀᬧᬲᬫᬦ᭄᭞ᬓ᭄ᬭᬡᬳᬾᬮᬶᬂᬭᬶᬂᬭᬕᬦ᭄ᬦᬾ᭞ᬳᬸᬦᬶᬂᬫᬧᬶᬢᬸᬢᬸᬃ᭞ᬬᬦ᭄ᬢᬦ᭄ᬤᬶᬗᬂᬤᬳᬢ᭄ᬍᬯᬶᬄ᭞ᬭᬶᬂᬳᬶᬤᬵᬦᬧᬹᬡ᭄ᬬᬧᬹᬡ᭄ᬬ᭞ᬧᬶᬢ᭄ᬯᬶᬭᬶᬂᬓᬾᬃᬣᬶᬢᬸᬳᬸ᭞ᬳ᭄ᬦᬸᬍᬯᬶᬳᬦ᭄ᬤᬶᬤᬵᬦᬵ᭞ᬨᬮᬲ᭄ᬯᬃᬕ᭄ᬕᬦᬾᬉ
ᬘ᭄ᬙᬧᬥᬓᬳᬸᬗ᭄ᬲᬶ᭞ᬧᬥᬓᬲᭀᬭᬦ᭄ᬭᬶᬂᬳᬶᬤᬫ᭟᭙᭕᭟ᬭᬾᬄᬲᬂᬤᬢᬬᬦ᭄ᬢᬦ᭄ᬤᬫᬦᬸᬮᬸᬭᬶᬦ᭄᭞ᬲᬶᬦᬄᬓ᭄ᬭᭀᬥ᭞ᬳᭂᬗ᭄ᬓᬾᬦ᭄ᬫᬤᬦ᭄ᬤᬢ᭞ᬧ᭄ᬭᬪᬹᬯᬶᬃᬬ᭄ᬬᬓᬯᬵᬱ᭄ᬝᬦᬶᬦ᭄᭞ᬓ᭄ᬭᬡᬤᬫᬦᬾᬓᬯᬸᬯᬸᬲ᭄᭞
ᬫᬗᬮᬳᬂᬤᬵᬦᬲᬸᬕᬶᬄ᭞ᬯᬶᬭᬾᬄᬢᬦ᭄ᬓᬢᬫᬦ᭄ᬓ᭄ᬭᭀᬥ᭞ᬬᬦ᭄ᬲᬗᬕᭂᬫ᭄ᬤᬫᬲᬤᬸ᭞ᬫᬜᭂᬗ᭄ᬕᬸᬄᬳᬢ᭄ᬫᬦᬾᬢᬸᬗ᭄ᬕᬮ᭄᭞ᬦᬾᬤᬶᬚᬕᬢ᭄᭞ᬓᬢ᭄ᬓᬾᬂᬩᬩᬸᬭᭀᬦ᭄ᬧ᭄ᬭᬡᬷ᭞ᬢ᭄ᬯᬭᬳᬤᬫᬩᬶᬦᬬᬦ᭄᭟᭙᭖᭟
ᬧᬩᬺᬲᬶᬳᬦ᭄ᬲᬹᬓ᭄ᬱ᭄ᬫᬬᬂᬦᬾᬚᬦᬶ᭞ᬩᭀᬬᬧᬶᬲᬦ᭄᭞ᬦᬾᬫᬦ᭄ᬤᬸᬲ᭄ᬤᬶᬳᬯᬓ᭄᭞ᬫᬓ᭄ᬭᬡᬩᬺᬲᬶᬳᬯᬓᬾ᭞ᬧᬶᬢ᭄ᬯᬶᬫᬲᬩᬸᬦ᭄ᬫᬲᬸᬢ᭄ᬲᬸᬢ᭄᭞ᬳᬼᬄᬜᬗ᭄ᬮᬶᬂᬢᬦ᭄ᬧᬤᬓᬶ᭞ᬬᬦᬾᬤᬶᬢ᭄ᬗᬄᬳ᭄ᬦᬸᬭᬸᬲᬓ᭄᭞ᬩᭀᬬᬫ
Page:Bali-lontar-paparikan-sarasamuscaya-300ppi.pdf/18
Jump to navigation
Jump to search
This page has been proofread.
