[᭑᭑ 11B]
᭑᭑
ᬮᬶᬦ᭄ᬢᬂᬲᭂᬗ᭄ᬓᬵᬫᬗ᭄ᬮᬓᭀᬦᬶᬦ᭄᭞᭖᭑᭟ᬓ᭄ᬭᬡᬚᬦᬶᬧᬶᬲ᭄ᬓᭂᬦᬂ᭞ᬫᬫᬶᬋᬗᬂᬳᬶᬦ᭄ᬤᬶᬓ᭄ᬓᬥᬃᬫ᭄ᬫᬦᬾᬚᬵᬢ᭄ᬣᬶ᭞ᬬᬦ᭄ᬳᬶᬗᬦᬦ᭄ᬲᬸᬩᬳᬤᬸᬂ᭞ᬲ᭄ᬓᭂᬦ᭄ᬫᬳᬦ᭄ᬫᬫᬶᬋᬗᬂ᭞ᬦᬄᬮᬯᬸᬢᬂᬧ᭄ᬢᬶᬦᬶᬦ᭄ᬲᬚ᭄ᬭᭀᬦᬶᬂᬓᬳ᭄ᬬᬸᬦ᭄᭞ᬓᬤᬶᬳᬸᬘᬧᬾ
ᬳᬶᬢᬸᬦ᭄ᬬᬦ᭄᭞ᬓᬺᬲᭂᬧᬂᬲᬚ᭄ᬭᭀᬦᬶᬂᬳᬢᬶ᭞᭖᭒᭟ᬅᬭᬶᬫ᭄ᬩᬯᬦᬾᬧᬕᭂᬳᬂ᭞ᬦᬾᬦᬾᬳᬮᬵᬓᬭᬲᬬᬂᬲᬚ᭄ᬭᭀᬦᬶᬂᬗᬢ᭄ᬣᬶ᭞ᬳ᭄ᬤᬫᬜᬮᬦᬂᬧᬬᬸ᭞ᬭᬶᬂᬳᬶᬓᬤᬂᬩ᭄ᬭᬬᬮᬾᬦᬦ᭄᭞ᬤᬗ᭄ᬚᭀᬢᬂᬲᬵᬃᬯ᭄ᬯᬳᬮᬫᬶᬯᬄᬍᬢᬸᬄ
᭞ᬦᬾᬦᬾᬫ᭄ᬮᬄᬓᬳᬸᬢ᭄ᬢᬫᬦ᭄᭞ᬳᭂᬦ᭄ᬢᭀᬢᬶᬯᬓᬂᬤᬶᬕᬸᬫᬶ᭞᭖᭓᭟ᬬᬦᬶᬂᬳᬶᬚᬦ᭄ᬫᬗ᭄ᬚᭀᬳᬂ᭞ᬳᬶᬓᬥᬃᬫ᭄ᬫᬦ᭄᭞ᬢᬸᬲᬶᬂᬧᬶᬲᬦ᭄ᬓᬓᬃᬤ᭄ᬥᬶᬦᬶᬦ᭄᭞ᬲᬢ᭄ᬫᬓᬢᬮᬸᬄᬲᭂᬫ᭄ᬩᬸᬳᬸᬓ᭄᭞ᬫᬶᬯᬄᬧᬤᬶᬩᬸᬩᬸᬓᬦ᭄᭞ᬢᭀᬤᬶᬓᬧᬦ᭄
ᬳᬤᬧᬘᬂᬧᬫᬸᬯᬸ᭞ᬧᬬᬸᬭᬸᬲᬓ᭄ᬢᬦ᭄ᬧᬕᬸᬡᬵ᭞ᬲᬶᬕᬸᬕ᭄ᬗᬦ᭄ᬤᬂᬗᬦ᭄ᬤᬂᬲᬳᬶ᭞᭖᭔᭟᭚ᬩ᭄ᬯᬶᬦ᭄ᬢᬸᬢᬸᬭᬂᬢᬶᬗ᭄ᬓᬄᬳᬶᬫᬦᬸᬱᬚᬦᬶ᭞ᬗᬦ᭄ᬤᬂᬗᬦ᭄ᬤᬂ᭞ᬦᬾᬲᬗᭂᬢ᭄ᬫᬸᬯᬢᬂ᭞ᬦᭀᬭᬳᬃᬣᬫ᭄ᬯᬄᬓᬵᬫᬦ᭄ᬦᬾ᭞ᬧᬧᬶᬦᭂᬄᬦᬾ
[᭑᭒ 12A]
ᬩᬯᬵᬓ᭄ᬫᬸᬧᬸᬢ᭄᭞ᬤᬶᬫᬢᬶᬦᬾᬧ᭄ᬭᬕᬢ᭄ᬫᬢᬶ᭞ᬬᬦᬶᬂᬳᬶᬤᬸᬧ᭄ᬫᬢᬶᬧ᭄ᬭᬕᬢ᭄᭞ᬓᬤᬶᬧᬤᬂᬓᬬᬸᬳᭂᬩᬸᬦ᭄᭞ᬳᬫᭀᬦ᭄ᬢᭀᬗ᭄ᬮᬄᬳᬸᬧᬫᬵ᭞ᬚᬦ᭄ᬫᬗᬯᬕ᭄᭞ᬢᭀᬓᬾᬦ᭄ᬓᬾᬦᬂᬫᬦᬸᬢᬸᬭᬶᬦ᭄᭞ᬤᬾᬦᬶᬂᬧᬧᬶᬦᭂᬳᬾ
ᬩᬯᬓ᭄᭟᭖᭕᭟ᬩ᭄ᬯᬶᬦ᭄ᬳᬤᬚᬦ᭄ᬫᬤ᭄ᬕᬓ᭄ᬢᬸᬃᬭᬶᬂᬚᬳᬶᬢ᭄᭞ᬭᬶᬂᬲᬂᬥᬃᬫ᭄ᬫ᭞ᬩᬳᬦ᭄ᬓᬧᭂᬗ᭄ᬓᬸᬗᬦ᭄᭞ᬳᬶᬥᭂᬧᬾᬢᬦᬶᬥᬃᬫ᭄ᬫᬦ᭄ᬦᬾ᭞ᬳᬶᬥᭂᬧ᭄ᬳᬯᬓᬾᬓᬢᬸᬳᬸᬢ᭄᭞ᬲᬶᬦᬄᬮᬭᬧᬘᬂᬧᬗ᭄ᬕᬶᬄ᭞ᬓᬕ᭄ᬮᬕ᭄ᬮᬭᬶᬂᬓᬯᬄ᭞ᬓ
ᬧᬦᭂᬲᬦ᭄ᬓᬯᬸᬓ᭄ᬓᬯᬸᬓ᭄᭞ᬢᭀᬩᬶᬦ᭄ᬧᬶᬤᬦ᭄ᬧᬘᬂᬲᬸᬧᬢ᭄᭞ᬤᬤᬶᬚᬦ᭄ᬫ᭞ᬓᬮᬸᬤ᭄ᬳᭂᬜᬓ᭄ᬩ᭄ᬯᬶᬦ᭄ᬫᭂᬡ᭄ᬝᬶᬓ᭄᭞ᬢᬦᬸᬭᬸᬂᬤᬤᬶᬢᬶᬃᬬ᭄ᬬᬦ᭄᭟᭖᭖᭟ᬤᬾᬦᬶᬂᬚ᭄ᬦᭂᬓ᭄ᬭᬶᬂᬢᬦ᭄ᬥᬃᬫ᭄ᬫᬦᬾᬚᬦᬶ᭞ᬬᬭᬶᬯ᭄ᬓᬲ᭄᭞ᬦᬸᬫᬶᬢᬶᬲ᭄ᬓᬢᬶᬃᬬ᭄ᬬ
ᬓ᭄᭞ᬫᬶᬯᬄᬲᬮ᭄ᬯᬶᬭᬶᬂᬧ᭄ᬭᬡᬶᬦ᭄ᬦᬾ᭞ᬤᬤᬶᬓ᭄ᬩᭀᬲᬫ᭄ᬧᬶᬳᬲᬸ᭞ᬫᬭᬤᬤᬶᬚᬦ᭄ᬫᬩᬸᬯᬶᬦ᭄᭞ᬦᬸᬫᬶᬢᬶᬲ᭄ᬭᬶᬂᬚᬦ᭄ᬫᬦᬶᬱ᭄ᬝᬵ᭞ᬓᬢ᭄ᬕᬸᬮ᭄ᬩᬦ᭄ᬮᬭᬳᬶᬗᬸᬄ᭞ᬓᬘᭂᬦ᭄ᬢᬓᬦ᭄ᬓᬸᬭᬂᬧᬗᬦ᭄᭞ᬳᬤᭀᬄᬧᬭ᭞ᬧᬘᬂᬲᬸᬓᬦᬾᬓ
Page:Bali-lontar-paparikan-sarasamuscaya-300ppi.pdf/12
Jump to navigation
Jump to search
This page has been proofread.
