[᭙ 9B]
᭙
ᬫ᭄ᬩ᭄ᬭᬸᬓ᭄ᬢᬓᬶᬮ᭄᭞᭔᭗᭟ᬳᬸᬤᬸᬄᬘ᭄ᬦᬶᬂᬧ᭄ᬬᬦᬓ᭄ᬩᬧ᭞ᬳ᭄ᬤᬧᬶᬲᬦ᭄ᬳᬶᬘ᭄ᬦᬶᬂᬧ᭄ᬭᬲᬗ᭄ᬕᬩᬦ᭄ᬦᬶ᭞ᬭᬶᬂᬳᬶᬤᬲᬂᬫ᭄ᬭᬕᬧᬸᬢᬸᬲ᭄᭞ᬫᬓᬤᬶᬭᬶᬂᬲᬂᬓᬯᬶᬢᬦ᭄᭞ᬳᬦᬓ᭄ᬮᬶᬗ᭄ᬲᬶᬃᬲᬼᬕᬂᬫᬢᬸᬃᬫᬗ᭄ᬮᬸᬗ᭄ᬲᬸᬃ᭞ᬫᬗ᭄ᬤᬳᬶᬘ
ᬮᬸᬕ᭄ᬭᬵᬯᬭᬄ᭞ᬲ᭄ᬓᭂᬦᬂᬚᬵᬘᬳᬶᬦᬗ᭄ᬓᬶᬮ᭄᭞᭔᭘᭟ᬯᬶᬭᬾᬄᬳᬶᬥᬃᬫ᭄ᬫᬧᬸᬦᬶᬓ᭞ᬬᬾᬦ᭄ᬲᬳᬶᬳᬂ᭞ᬧᬥᬮᬯᬦ᭄ᬳᬶᬮᬮᬶᬧᬶ᭞ᬢᭀᬂᬲᬶᬤᬩᬦ᭄ᬦ᭄ᬗᭂᬃᬤᬶᬢᬸ᭞ᬲᬕᬾᬢ᭄ᬭᬯᬸᬄᬳᬸᬮᬶᬂᬓᬚ᭞ᬳᬸᬮᬶᬂᬓ᭄ᬮᭀᬤ᭄ᬳᬸᬮᬶᬂ
ᬓᬗᬶᬦ᭄ᬯᬸᬮᬶᬂᬓᬯᬸᬄ᭞ᬲᬕᬾᬢ᭄ᬫᬗᬃᬬ᭄ᬬᬦ᭄ᬤᬶᬢ᭄ᬗᬄ᭞ᬓᬾᬯᭂᬄᬧᬘᬂᬫᬗᬶᬗᭂᬢᬶᬦ᭄᭞᭔᭙᭟ᬢᬶᬦ᭄ᬤᬶᬳᬂᬳᬸᬕᬶᬦᬾᬤᬤ᭄ᬯ᭞ᬢ᭄ᬯᬄᬳᭂᬦ᭄ᬢᭀᬓᬳᬸᬘᬧ᭄ᬳᬸᬢ᭄ᬢᬫᬦ᭄ᬦᬾᬤᬶᬦᬶ᭞ᬰ᭄ᬭᬸᬢᬶᬗᬭᬦ᭄ᬯᬾᬤᬘᬢᬸᬃ᭞ᬲ᭄ᬫᬺᬢᬶᬢᭀ
ᬲᬂᬳ᭄ᬬᬂᬰᬲ᭄ᬢᬺ᭞ᬳ᭄ᬬᬂᬲ᭄ᬫᬺᬢᬶᬫᬓᬫᬶᬯᬄ᭞ᬯᬾᬤᬘᬢᬸᬃ᭞ᬳᭂᬦ᭄ᬢᭀᬢ᭄ᬭᬶᬚᬶᬯᬦ᭄ᬚᬕᬢ᭄᭞ᬜᬦ᭄ᬤᬂᬳ᭄ᬢᬸᬢ᭄ᬳᬶᬭᬶᬂᬲᬫᬶ᭞᭕᭐᭟ᬯᬶᬭᬾᬄᬳᬶᬤᬫᬗ᭄ᬭᬡᬬᬂ᭞ᬳᬲᬶᬂᬕᬯᬾᬫᬲᬦ᭄ᬤᬗᬦ᭄ᬲᬂᬳ᭄ᬬᬂᬓᬮᬶᬄ᭞ᬲᬂᬓᬮᬶᬄᬫᬗᬶ
[᭑᭐ 10A]
ᬘ᭄ᬙᬾᬦ᭄ᬳᬬᬸ᭞ᬳᬬᬸᬧᬸᬧᬸᬢ᭄ᬓᬳᬸᬘᬧᬂ᭞ᬧᬗᬸᬘᬧᬾᬲ᭄ᬯᬃᬕ᭄ᬕᬳᬸᬢ᭄ᬢᬫᬓᬚᬸᬚᬸᬃ᭞ᬜᬸᬚᬸᬃᬫᬸᬮᬶᬄᬲᬓᬶᬂᬲ᭄ᬯᬃᬕ᭄ᬕᬦ᭄᭞ᬫᬸᬮᬶᬳᬾᬫᬯᬦ᭄ᬢᬸᬦ᭄ᬫᬮᬶᬄ᭞᭕᭑᭟ᬲᬂᬳ᭄ᬬᬂᬯᬾᬤᬗᬯᬾᬦ᭄ᬢᭂᬦᬂ᭞ᬘᬢᬸᬃᬯᬃᬡ᭄ᬦᬘᬢᬸᬃᬳᬰ᭄ᬭ
ᬫᬫᬓᬤᬶ᭞ᬘᬘᬓᬦ᭄ᬳᬰ᭄ᬭᬫᬳᬶᬢᬸᬂ᭞ᬩ᭄ᬭᬳ᭄ᬫᬵᬘᬭᬶᬕ᭄ᬭᬳᬵᬲ᭄ᬣ᭞ᬪᬶᬓ᭄ᬲᬸᬓᬵᬫᬮᬶᬄᬓᬯᬸᬯᬸᬲ᭄᭞ᬲᬫᬶᬧᬸᬧᬸᬓ᭄ᬓᬧᬸᬢᬸᬲᬦ᭄᭞ᬲᬂᬳ᭄ᬬᬂᬯᬾᬤᬗᬫᬶᬫᬶᬢᬶᬦ᭄᭞᭕᭒᭟ᬓ᭄ᬭᬡᬳᬸᬢ᭄ᬢᬫᬳ᭄ᬬᬂᬯᬾᬤ᭞ᬓᬤ
ᬲᬭᬶᬦ᭄ᬳᬦ᭄ᬢᬸᬓ᭄ᬳᬶᬣᬶᬬᬲᬵᬯᬶᬤᬶ᭞ᬲᬂᬳ᭄ᬬᬂᬧᬸᬭᬵᬡᬫᬤᬸᬮᬸᬃ᭞ᬫᬦᬸᬮᬸᬭᬶᬦ᭄ᬲᬂᬳ᭄ᬬᬂᬯᬾᬤ᭞ᬓ᭄ᬭᬡᬓᬸᬓᬸᬄ᭞ᬧᬗᬸᬜ᭄ᬘᬃᬳ᭄ᬬᬂᬯᬾᬤᬧᬵᬢᬹᬢ᭄᭞ᬳᬲᬶᬤ᭄ᬥᬵᬲᬶᬤ᭄ᬥᬶᬳᬲᬶᬂᬗᬸᬘᬧ᭄᭞ᬓ᭄ᬭᬡᬳᬬᬸᬫᬓᬲᬫᬶ᭞᭔᭕
᭟ᬬᬦᬶᬂᬓᬶᬭᬂᬲᬂᬳ᭄ᬬᬂᬯᬾᬤ᭞ᬢᬢ᭄ᬯᬳᬚᬶᬢᬦ᭄ᬧᬤᬲᬃᬢᬦ᭄ᬧᬓᬡ᭄ᬝᬶ᭞ᬲᬂᬳ᭄ᬬᬂᬯᬾᬤ᭄ᬥᬵᬕ᭄ᬢᬧ᭄ᬢᬓᬸᬢ᭄᭞ᬯ᭄ᬥᬦᬦ᭄ᬦᬾᬫᬓᬯᬸᬓᬦ᭄᭞ᬳᬶᬗ᭄ᬕᬶᬄᬭᬢᬸᬧᬸᬓᬸᬮᬸᬦ᭄ᬪᬝᬵᬭᬧᬸᬢᬸᬲ᭄᭞ᬲᬫ᭄ᬧᬸᬦᬂᬳᬸᬕᬶᬲᬫ᭄ᬧᬸ
Page:Bali-lontar-paparikan-sarasamuscaya-300ppi.pdf/10
Jump to navigation
Jump to search
This page has been proofread.
