[᭙᭘ 98B]
᭙᭘
ᬧᬓᬶᬮᬶᬢ᭄᭞ᬧᬫᭂᬤ᭄ᬩᭂᬤᬶᬢ᭄ᬭᬶᬕᬸᬡ᭟᭐᭟ᬕᬸᬡᬦ᭄ᬩᬤ᭄ᬥᬶᬲᬢ᭄ᬯᬦ᭄ᬢᭀᬳᬤᬶ᭞ᬩᬗᭂᬢ᭄ᬫᬸᬮ᭄ᬬ᭞ᬗᬯᬶᬦᬂᬲᬶᬢᬾᬚ᭞ᬫᬶᬯᬄᬓᬲᭂᬕ᭄ᬭᬦ᭄ᬫᬮᬶᬄ᭞ᬫᬗᬯᬶᬦᬗᬶᬥᭂᬧ᭄ᬮᬸᬳᬸᬃ᭞ᬫ
ᬋᬧ᭄ᬭᬶᬂᬳᬶᬓᬜ᭄ᬘᬦᬸᬭᬶᬧ᭄᭞ᬦᬗ᭄ᬳᬶᬂᬩᬶᬲᬫᬫᬗ᭄ᬓᭂᬤᬂ᭞ᬭᬶᬂᬭᬲᬲᬤ᭄ᬬᬧᬸᬦᬶᬓᬸ᭞ᬫᬶᬯᬄᬫᬭᬶᬂᬓᬯᭂᬭᬸᬳᬦ᭄᭞ᬦᬾᬫᬕᭀᬮᬓ᭄᭞ᬚ᭄ᬭᭀᬦᬶᬂᬲᬸᬓᬦᬾᬤᬶᬦᬶ᭞ᬓᬾᬢᭀ
ᬳᬶᬤᬤᬦᬜ᭄ᬚᬬ᭟᭐᭟ᬕᬸᬡᬦ᭄ᬭᬚᬄᬢᬗ᭄ᬲᭂᬄᬳᬸᬢ᭄ᬲᬳᬧ᭄ᬭᬶᬄ᭞ᬳ᭄ᬤᭀᬢ᭄ᬗᬳᬢ᭄᭞ᬫᬼᬤ᭄ᬫᬶᬯᬄᬩ᭄ᬤᬓ᭄᭞ᬫᬋᬧ᭄ᬭᬶᬗᬶᬤᬸᬧᬾᬤᬶᬤᬶ᭞ᬦᬗ᭄ᬳᬶᬂᬬᬦ᭄ᬢᭀᬫᬗ᭄ᬮᬶᬧᬸᬢ᭄᭞ᬲᬂᬚᬷ
ᬯᬳᬦᬾᬫᬮᬶᬗ᭄ᬕᬶᬄ᭞ᬚ᭄ᬦᭂᬓ᭄ᬫᬶᬗ᭄ᬕᬰᬭᬷᬭ᭞ᬢ᭄ᬕᬸᬮ᭄ᬓᬵᬃᬬ᭄ᬬᬬᬓᬤᬸᬭᬸᬲ᭄᭞ᬳᬧᬦ᭄ᬭᬸᬫᬲᬲᬂᬚᬷᬯ᭞ᬦᬾᬫᬓᬵᬃᬬ᭄ᬬ᭞ᬢᬮᬶᬭᬶᬂᬓᬚᬢᬾᬦᬶᬦ᭄ᬤᬶᬓ᭄᭞ᬲᬂᬧ᭄ᬭᬓᬺᬢ᭄ᬢᬶᬦᬾ
[᭙᭙ 99A]
ᬫᬓᬵᬃᬬ᭄ᬬ᭟᭐᭟ᬕᬸᬡᬦ᭄ᬢᬫᬄᬳᬶᬤᬧᬗᬸᬦᬶᬗᬶᬦ᭄᭞ᬦ᭄ᬢᭀᬮ᭄ᬓᬤᬦ᭄᭞ᬲᬂᬳ᭄ᬬᬗᬯᬶᬤ᭄ᬬ᭞ᬦᬾᬫᬸᬮᬢᬦ᭄ᬳᬢᬾᬦᬾᬮᬶᬂ᭞ᬬᬦ᭄ᬮᬘᬸᬃᬳᭂᬦ᭄ᬢᭀᬗᬮᬶᬧᬸᬢ᭄᭞ᬲᬂᬯᬳᬦᬾᬲ᭄ᬣᬶ
ᬢᬶ᭞ᬫᬭᬶᬂᬲ᭄ᬢᬸᬮᬰᬭᬷᬭ᭞ᬩᬶᬲᬤᬤᬶᬕ᭄ᬭᬶᬂᬩᬶᬗᬸᬂ᭞ᬩ᭄ᬮᭀᬕ᭄ᬗᭂᬓᭀᬄᬮᬸᬤᬶᬦ᭄ᬬᬧ᭄᭞ᬧᬧᭂᬢ᭄ᬗᬦ᭄᭞ᬢᬦ᭄ᬩᬶᬲᬫᬫᬤᬶᬳᬶᬦ᭄ᬤᬶᬓ᭄᭞ᬳᭂᬜ᭄ᬘᬾᬦ᭄ᬧᬢᬹᬢ᭄ᬳᭂᬜ᭄ᬘᬾᬦᬶᬯᬂ᭟᭐᭟ᬧᬗ᭄ᬭᬸ
ᬩᬾᬤᬦ᭄ᬕᬸᬡᬦ᭄ᬲᬢ᭄ᬯᬦᬾᬳᬤᬶ᭞ᬫᬫᬗ᭄ᬓᭂᬤᬂ᭞ᬭᬶᬂᬭᬲᬲᬸᬲᬤ᭄ᬬ᭞ᬗ᭄ᬳᬶᬂᬬᬳᬶᬭᬚᬄᬫᬗ᭄ᬮᬶᬮᬶᬢ᭄᭞ᬢᬗ᭄ᬲᭂᬄᬫᬓᬵᬃᬬ᭄ᬬᬓᬳᬸᬤᬸᬄ᭞ᬫᬕᬶᬬᭂᬢ᭄ᬩᬳᬦ᭄ᬫᬧ᭄ᬭᬶᬄ᭞ᬗ᭄ᬳᬶᬂᬬ
ᬦ᭄ᬢᬫᬄᬗ᭄ᬭᬸᬩᬾᬤ᭞ᬓᬚᬕ᭄ᬭᬦᬾᬲᬶᬦᬄᬲᬫ᭄ᬧᬸᬦ᭄᭞ᬘᬧ᭄ᬮᭀᬓ᭄ᬢᭀᬜᬓᬩᬶᬗᬸᬗᬦ᭄᭞ᬓᬦ᭄ᬢᬶᬳᭂᬗ᭄ᬲᬧ᭄᭞ᬬᬾᬦᬶᬂᬩᬗᬸᬦ᭄ᬧᬢᬶᬲ᭄ᬗᬶᬧᬶ᭞ᬳᬶᬗᭂᬢᬾᬲᬫᬃᬢᬸᬃᬓ
Page:Bali-lontar-paparikan-bagawadgita-350ppi.pdf/99
Jump to navigation
Jump to search
This page has been proofread.
