[᭙᭔ 94B]
᭙᭔
ᬱᬧᬸᬦᬶᬓᬸ᭞ᬦᬾᬗᬯᬾᬲᬶᬤ᭄ᬥᬫᬗ᭄ᬕᬸᬳᬂ᭞ᬗ᭄ᬘᬧᬂᬳᬶᬲᬸᬓᬤᬸᬄᬓ᭟᭐᭟ᬧᬸᬭᬸᬱᬚ᭄ᬭᭀᬦᬶᬂᬧ᭄ᬭᬓᬺᬢ᭄ᬢᬶᬫᬸᬗ᭄ᬕᬸᬄ᭞ᬤᬶᬢᬸᬫᬗ᭄ᬘᬧᬂ᭞ᬢ᭄ᬭᬶᬕᬸᬡᬦᬾᬯᬶᬢ᭄ᬧ᭄ᬭᬓᬺᬢ᭄ᬢᬶ᭞ᬬᬦ᭄ᬤᬶᬢᬸᬚᬦ᭄ᬢᭀᬲ᭄ᬫ
ᬢ᭄ᬕᬸᬮ᭄᭞ᬧᬗᬯᬶᬦᬂᬮ᭄ᬓᬤ᭄ᬢᬸᬫ᭄ᬩᬸᬄ᭞ᬫᬗᬯᬶᬦᬂᬧᬹᬦᬃᬪᬯ᭞ᬲᬸᬓᬤᬸᬄᬓᬫᬵᬢᬶᬳᬶᬤᬸᬧ᭄᭞ᬦᬶᬱ᭄ᬝᬓᬮᬯᬦᬸᬢ᭄ᬢᬫ᭞ᬗᬦᬹᬢᬶᬦ᭄ᬓᬃᬫ᭄ᬫᬩᭀᬩᭀᬢᬦ᭄᭟᭐᭟ᬤᬸᬓ᭄ᬳ᭄ᬬᬂᬧᬸᬭᬸᬱ
ᬭᬶᬗᬗ᭄ᬕᬫᬸᬗ᭄ᬕᬸᬄ᭞ᬲᬓ᭄ᬱᬶᬓᬲᭂᬗ᭄ᬕᬸᬳᬂ᭞ᬧᬫ᭄ᬭᬢ᭄ᬬᬓ᭄ᬱᬬᬓᬤᬮᬶᬄ᭞ᬳᬸᬕᬶᬫᬭᬗ᭄ᬕᬓᬯᬸᬯᬸᬲ᭄᭞ᬢᬍᬃᬧᬗᬯᬯᬳᬕᬸᬂ᭞ᬭᬸᬫᬮᬧᬭᬫᬳᬢ᭄ᬫ᭞ᬧᬭᬫᬪᭀᬓ᭄ᬢᬓᬲᭂ
ᬗ᭄ᬕᬸᬄ᭞ᬳᬶᬤᬫᬗ᭄ᬕᭂᬄᬫᬫᬸᬧᬸᬯᬂ᭞ᬗ᭄ᬳᬶᬂᬫᬗ᭄ᬕᭂᬄᬳᬶᬤᬦᬶᬃᬫᬮ᭟᭐᭟ᬳᬯᬦᬦ᭄ᬲᬂᬚᬢᬶᬢᭂᬢᭂᬲ᭄ᬯ᭄ᬭᬸᬄ᭞ᬓᬢᬢ᭄ᬯᬦ᭄ᬧᬸᬭᬸᬱ᭞ᬮᬯᬦ᭄ᬓᬢᬢ᭄ᬯᬦ᭄ᬧ᭄ᬭᬓᬺᬢ᭄ᬢᬶ᭞ᬭᬯᬸᬳᬶᬂᬲᬕᬸᬡᬦᬶᬧᬸᬦ᭄᭞ᬫᬶ
[᭘᭕ 95A]
ᬯᬄᬧᬸᬦᬃᬪᬯᬲᬸᬯᬸᬤ᭄᭞ᬓᬾᬦ᭄ᬓᬾᬜ᭄ᬚᬘᬭᬦᬶᬤᬸᬧᬾ᭞ᬭᬾᬄᬩᬶᬩᬶᬢ᭄ᬓᬃᬫ᭄ᬫᬧᬸᬯᬸᬲ᭄᭞ᬩᭀᬃᬩᭀᬃᬳᬧᬶᬦ᭄ᬓᬧ᭄ᬭᬚ᭄ᬜᬦᬦ᭄᭞ᬫᬫᬶᬜᬓ᭄ᬓᬩᬶᬚᬓ᭄ᬱᬦᬦ᭄᭟᭐᭟ᬫᬮᬭᬧᬦ᭄ᬬᭀ
ᬕᬤ᭄ᬬᬦᬓᬸᬓᬸᬄ᭞ᬳᬤᬓᬃᬫ᭄ᬫᬬᭀᬕ᭞ᬓᬯ᭄ᬭᬸᬄᬫᬓᬧᬶᬭᬦ᭄ᬢᬶ᭞ᬲᬗ᭄ᬓ᭄ᬬᬬᭀᬕᬦ᭄ᬢᭀᬓᬤᬸᬮᬸᬄ᭞ᬪᬓ᭄ᬢᬶᬬᭀᬕᬩ᭄ᬯᬶᬦ᭄ᬩᬕᬸᬲ᭄᭞ᬳᬤᬫᬦᬸᬗ᭄ᬕᬮᬂᬚᬷᬯ᭞ᬭᬶᬗᬶᬤᬳ᭄ᬬᬂᬚᬷ
ᬯᬳᬕᬸᬂ᭞ᬫᬮᬭᬧᬦ᭄ᬩᬳᬜ᭄ᬚᬷᬯ᭞ᬓ᭄ᬢᬶᬳᬤᬶᬤᬦᬜ᭄ᬚᬬ᭟᭐᭟ᬳᬶᬧᬭᬚᬦ᭄ᬫᬦᬾᬢᭀᬦ᭄ᬤᬾᬦ᭄ᬫᬫ᭄ᬧᬸᬄ᭞ᬗᬯᬶᬮᬗᬶᬦ᭄ᬬᭀᬕ᭞ᬓᬧ᭄ᬭᬚ᭄ᬜᬦᬦ᭄ᬫᬶᬦᬓᬤᬶ᭞ᬤᬤᬶᬫᬲᬶ
ᬲᬓᬶᬂᬘᬸᬘᬸᬤ᭄᭞ᬲᬸᬤ᭄ᬥᬤ᭄ᬥᬪᬓ᭄ᬢᬶᬭᬶᬂᬕᬸᬭᬸ᭞ᬳᭂᬦ᭄ᬢᭀᬓᬳᬗ᭄ᬕᭂᬄᬧᬗᬜ᭄ᬘᬦ᭄᭞ᬪᬓ᭄ᬢᬶᬦ᭄ᬜᬫᬭᬶᬂᬳ᭄ᬬᬗᬕᬸᬂ᭞ᬳᬶᬬᬫᬲᬶᬄᬲᬶᬤ᭄ᬥᬧᬘᬂ᭞ᬫᬦᬸᬚᬸᬚᬕᬢ᭄ᬦᬶᬃᬫᬮ᭟ᬳᬤᬶ
Page:Bali-lontar-paparikan-bagawadgita-350ppi.pdf/95
Jump to navigation
Jump to search
This page has been proofread.
