[᭙᭓ 93B]
᭙᭓
ᬓ᭄᭞ᬢᬦ᭄ᬲᬶᬤ᭄ᬥᬦᬯᬂᬓᬯ᭄ᬭᬸᬄ᭞ᬢᬦ᭄ᬫᬫ᭄ᬧᬸᬄᬳᬶᬘᬓ᭄ᬱᬸᬜᬶᬗᬓ᭄᭞ᬲᬗᬶᬭᬸᬂᬩᬦ᭄ᬲᬶᬤ᭄ᬥᬗᬫ᭄ᬮᬸᬂ᭞ᬳᬶᬭᬲᬓᬲᬾᬧ᭄ᬗ᭄ᬭᬲᬬᬂ᭞ᬳᬶᬤᬳᬶᬤᭀᬄᬦᬗ᭄ᬳᬶᬂᬧᬳᭂᬓ᭄᭟᭐᭟ᬢᬦ᭄ᬲᬶ
ᬤ᭄ᬥᬩᬕᬶᬲ᭄ᬩᬶᬢ᭄ᬮᬤᬕᬸᬫ᭄᭞ᬦᬗ᭄ᬳᬶᬂᬫᬧᭀᬯᭀᬲᬦ᭄᭞ᬚ᭄ᬭᭀᬦᬶᬂᬓᬜ᭄ᬘᬦ᭄ᬫᬳᬸᬭᬶᬧ᭄᭞ᬫᬓᬧᬗ᭄ᬩᬦ᭄ᬧᬓᬸᬓᬸᬄ᭞ᬧᬜᬶᬧ᭄ᬢᬲᬮ᭄ᬯᬶᬭᬶᬂᬢᬸᬫ᭄ᬩᬸᬄ᭞ᬳᬸᬕᬶᬭᬸᬫᬕᬧ᭄ᬭᬮᬷᬡ᭞ᬳᬶᬤᬯᬶᬗᬶ
ᬤ᭄ᬥᬳᬢ᭄ᬲᬭᬸ᭞ᬦᬗ᭄ᬳᬶᬂᬳᬶᬤᬧᬮᬶᬂᬲᬶᬦᬄ᭞ᬯᬶᬭᬾᬄᬢᬦᭂᬦ᭄ᬢᬸᬓᬶᬦᬧ᭟᭐᭟ᬢᬾᬚᬦ᭄ᬲᬓᬜ᭄ᬘᬦ᭄ᬢᬾᬚᬧᬸᬦᬶᬓᬸ᭞ᬳᬶᬤᬓᬧ᭄ᬭᬚ᭄ᬜᬦᬦ᭄᭞ᬗᬯᬯᬳᬯᬶᬤ᭄ᬬᬲᬫᬶ᭞ᬳᬶᬤ
ᬧᬢᬶᬢᬶᬲ᭄ᬓᬯ᭄ᬭᬸᬄ᭞ᬦᬾᬬᭀᬕ᭄ᬬᬳᬸᬦᬶᬗᬶᬦ᭄ᬢᬸᬚᬸ᭞ᬳᬶᬤᬦᬾᬫᬗ᭄ᬕᭂᬄᬫᬮᬶᬗ᭄ᬕ᭞ᬭᬶᬗᬶᬥᭂᬧ᭄ᬲᬃᬯ᭄ᬯᬢᬸᬫᬸᬯᬸᬄ᭞ᬳᬶᬤᬳᬤᬤᬶᬚᬤᬶᬚ᭞ᬦᬗ᭄ᬳᬶᬂᬢ᭄ᬯᬭᬓᬯᬾᬦ᭄ᬢᭂᬦᬂ᭟᭐᭟
[᭙᭔ 94A]
ᬓ᭄ᬱᬾᬢ᭄ᬭᬮᬦ᭄ᬚ᭄ᬜᬦᬚ᭄ᬦᬾᬬᬾᬳᬶᬓᬸ᭞ᬘᬭᬲᬤᬭᬡ᭞ᬲᬸᬩᬧᬶᬤᬃᬣᬬᬂᬩ᭄ᬮᬶ᭞ᬓ᭄ᬱᬾᬢ᭄ᬭᬓᬮᬗᬦ᭄ᬩᬕᬸᬲ᭄᭞ᬚ᭄ᬜᬦᬫᬤᬦ᭄ᬓᬯ᭄ᬭᬸᬄ᭞ᬚ᭄ᬦᬾᬬᬓᬂᬓᬶᬓᬯ᭄ᬭᬸᬳᬦ᭄᭞ᬬᬾᬦᬶᬂᬰᬶᬱ᭄ᬬ
ᬲᬶᬤ᭄ᬥᬢᬸᬳᬸ᭞ᬢ᭄ᬓᬾᬦᬶᬂᬳᭂᬦ᭄ᬢᭀᬫᬓ᭄ᬚᬂ᭞ᬜᬦ᭄ᬤᬂᬭᬯᬸᬄᬭᬶᬗᬶᬓᬓ᭟᭐᭟ᬥᬹᬄᬳᬤᬶᬰ᭄ᬯᬾᬢᬯᬢᬦᬩᬕᬸᬲ᭄᭞ᬧ᭄ᬭᬓᬺᬢ᭄ᬢᬶᬧᬸᬭᬸᬱ᭞ᬳᭂᬦ᭄ᬢᭀᬫᬸᬮᬢᬦ᭄ᬧᬓᬯᬶᬢ᭄᭞ᬩ᭄ᬯᬶᬦᬶᬬᬤᬶᬳ
ᬧᬂᬢᬳᬸ᭞ᬳᭂᬦ᭄ᬢᭀᬦᬾᬓᬜ᭄ᬘᬦ᭄ᬫᬯᬗᬸᬦ᭄᭞ᬫᬶᬯᬄᬓᬜ᭄ᬘᬦ᭄ᬓᬕᬸᬡᬦ᭄ᬜ᭞ᬦᬾᬫᬤᬦ᭄ᬢ᭄ᬭᬶᬕᬸᬡᬳᬶᬓᬸ᭞ᬲᬢ᭄ᬯᬭᬚᬄᬮᬯᬦ᭄ᬢᬫᬄ᭞ᬲᬓᬶᬂᬧ᭄ᬭᬓᬺᬢ᭄ᬢᬶᬯᬶᬚᬶᬮ᭄ᬜ᭟᭐᭟ᬧ᭄ᬭᬓᬺᬢ᭄ᬢᬶᬳ
ᬦ᭄ᬢᬓᬭᬡᬓᬲᭂᬗ᭄ᬕᬸᬄ᭞ᬲᬗ᭄ᬓᬦᬶᬂᬰᬭᬷᬭ᭞ᬓᬃᬫ᭄ᬫᬮᬦ᭄ᬯᭀᬄᬜᬦᬾᬫᬮᬶᬄ᭞ᬓᬃᬫ᭄ᬫᬇᬦ᭄ᬤ᭄ᬭᬶᬬᬧᬸᬦᬶᬓᬸ᭞ᬩᬸᬤ᭄ᬥᬷᬦ᭄ᬤ᭄ᬭᬶᬬᬮᬦ᭄ᬲᬂᬗᬓᬸ᭞ᬧ᭄ᬭᬓᬺᬢ᭄ᬢᬶᬦᬾᬫᬗᬤᬓᬂ᭞ᬗ᭄ᬳᬶᬂᬲᬂᬧᬸᬭᬸ
Page:Bali-lontar-paparikan-bagawadgita-350ppi.pdf/94
Jump to navigation
Jump to search
This page has been proofread.
