[᭙᭑ 91B]
᭙᭑
ᬱᬦᬶᬤ᭟᭐᭟ᬳᬳᭂᬗ᭄ᬓᬭᬫᬶᬯᬄᬧᬜ᭄ᬘᬤᬢᬸ᭞ᬩᬸᬤ᭄ᬥᬶᬓᬯ᭄ᬭᬸᬳᬦ᭄᭞ᬤᬰᬾᬦ᭄ᬤ᭄ᬭᬶᬬᬮᬦ᭄ᬧ᭄ᬭᬓᬺᬢ᭄ᬢᬶ᭞ᬫᬦᬄᬭᬕᬤ᭄ᬯᬾᬱᬫᬸᬯᬸᬄ᭞ᬮᬦ᭄ᬧᬜ᭄ᬘᬢᬦ᭄ᬫᬢ᭄ᬭᬳᬶᬓᬸ᭞ᬳᭂᬦ᭄ᬢᭀᬦᬾᬫ
ᬤᬦ᭄ᬩ᭄ᬬᬓ᭄ᬢ᭞ᬳᬦᬾᬫᬸᬮᬢᬦ᭄ᬧᬯᬗᬸᬦ᭄᭞ᬫᭂᬮᬄᬤᬩ᭄ᬤᬩ᭄ᬤᬩᬂᬫᬗᬃᬘ᭄ᬘ᭞ᬳᬧᬂᬤᬳᬶᬬᬤᬶᬩᬶᬂᬩᬂ᭟᭐᭟ᬯ᭄ᬦᭂᬗᬾᬮᬶᬓ᭄ᬱᬸᬓᬤᬸᬄᬓᬫᬸᬯᬸᬄ᭞ᬓᬮᬶᬄᬧᬢᬫᬸᬯᬦ᭄᭞ᬰ
ᬭᬶᬭᬮᬦᬶᬦ᭄ᬤ᭄ᬭᬶᬬᬾᬓᬶ᭞ᬓᬢ᭄ᬕᬸᬳᬦ᭄ᬮᬦ᭄ᬓᬯ᭄ᬭᬸᬄ᭞ᬘᬸᬢᭂᬢ᭄ᬩᬘᬓᬦ᭄ᬧᬸᬦᬶᬓᬸ᭞ᬭᬯᬸᬄᬓᬜ᭄ᬘᬦ᭄ᬧᬧᭀᬮᬄᬜ᭞ᬫᬦᬹᬢ᭄ᬭᬶᬂᬓᬢᬢ᭄ᬯᬦᬶᬧᬸᬦ᭄᭞ᬳᭂᬦ᭄ᬢᭀᬫᬢᭂᬕᭂᬲ᭄ᬓ᭄ᬱᬾᬢ᭄ᬭ᭞
ᬳᬧᬗᬤᬶᬢᬢᬲ᭄ᬦᬯᬂ᭟᭐᭟ᬩᬮᬧ᭄ᬓᬲᭀᬃᬳᬭᬶᬫ᭄ᬩᬯᬫᬸᬯᬸᬄ᭞ᬳᬶᬳᬫ᭄ᬲᬓ᭄ᬱᬫ᭞ᬳᬃᬚ᭄ᬚᬯᬮᬦ᭄ᬯᭂᬮᬲᬲᬶᬄ᭞ᬦᬸᬫᬸᬲ᭄ᬲᬸᬪᬓ᭄ᬢᬶᬭᬶᬂᬕᬸᬭᬸ᭞ᬓᬰᬦ᭄ᬢᬦ᭄ᬮᬦ᭄ᬩᬸᬤ᭄ᬥᬶ᭞ᬢ᭄ᬕᬸᬄ
[᭙᭒ 92A]
᭞ᬓᬚᬕ᭄ᬭᬦ᭄ᬭᬸᬫᬓ᭄ᬱᬭᬕ᭞ᬩᬘᬓᬦᬾᬗᬃᬤ᭄ᬥᬶᬮᬦ᭄ᬤᬸᬄ᭞ᬢᬸᬗ᭄ᬕᭂᬂᬗᬃᬤ᭄ᬥᬶᬓᬧᬭᬵᬣᬦ᭄᭞ᬢᬸᬃᬜᬸᬤ᭄ᬤᬶᬓᬦᬶᬰ᭄ᬭᬾᬬᬰᬦ᭄᭟᭐᭟ᬲᬸᬓᬩ᭄ᬬᬸᬤᬬᬦᬾᬢᬦ᭄ᬓᬭᬸᬗᬸ᭞ᬫᬗ᭄ᬤᬾᬳᬂ
ᬭᬕ᭞ᬲᬓᬶᬗᬶᬳᬗ᭄ᬓᬭᬩᬸᬤ᭄ᬥᬶ᭞ᬫᬬᬳᬦᬶᬢ᭄ᬬᬫᬸᬯᬸᬄ᭞ᬳᬸᬕᬶᬭᬶᬂᬓ᭄ᬱᬡᬶᬓᬮᬸᬧᬸᬢ᭄᭞ᬲᬾᬗᭂᬄᬭᬶᬂᬲᬗ᭄ᬲᬭᬚᬤ᭄ᬫ᭞ᬮ᭄ᬓᬤ᭄ᬢᬸᬯᬕᬼᬩ᭄ᬮᬫ᭄ᬧᬸᬲ᭄᭞ᬢ᭄ᬯᬭᬮᬾᬤᬂᬫᬗ᭄ᬘᬧᬂ᭞ᬲᬸᬓ
ᬦᬾᬫᬩᬮᬶᬓ᭄ᬤᬸᬄᬓ᭟᭐᭟ᬢᬦᬼᬓᭂᬢ᭄ᬭᬶᬂᬭᬩᬶᬫᬸᬯᬄᬲᬸᬦᬸ᭞ᬕ᭄ᬦᬄᬮᬦ᭄ᬧᬸᬫᬳᬦ᭄᭞ᬘᬸᬢᭂᬢ᭄ᬢᬮ᭄ᬓᭂᬢᬶᬃᬂᬦᬧᬶ᭞ᬤᭂᬕ᭄ᬤᭂᬕ᭄ᬫᬗᬋᬧᬶᬦᬸᬜ᭄ᬚᬸᬓ᭄᭞ᬳᬸᬦ᭄ᬤᬸᬓᬶᬯᬂᬤ᭄ᬬᬲ᭄ᬢᬸᬦ᭄ᬧᬢᬹᬢ᭄᭞ᬤ
ᬗ᭄ᬲᬄᬢᬗ᭄ᬓᭂᬧᬾᬦᬭᬶᬫ᭞ᬢᬦ᭄ᬗᬯᬶᬮᬂᬳᬮᬸᬄᬢᬸᬬᬸᬄ᭞ᬚᭂᬚᭂᬃᬮᬦ᭄ᬤᬸᬄᬚ᭄ᬭᭀᬦᬶᬂᬩᬾᬩᬲ᭄᭞ᬢᬦ᭄ᬭᬓᭂᬢ᭄ᬫᬭᬶᬂᬓ᭄ᬭᬶᬓᬵᬮ᭟᭐᭟ᬳᬶᬥᭂᬧᬾᬢ᭄ᬕᬸᬮ᭄ᬗᬲ᭄ᬢᬯᬳᬶᬗ᭄ᬲᬸᬦ᭄᭞ᬢᬦ᭄ᬮᬾᬗ
Page:Bali-lontar-paparikan-bagawadgita-350ppi.pdf/92
Jump to navigation
Jump to search
This page has been proofread.
