Page:Bali-lontar-paparikan-bagawadgita-350ppi.pdf/90

[᭘᭙ 89B]
᭘᭙
᭞ᬫᬶᬯᬄᬲᬂᬢᬦ᭄ᬕᭀᬤᬜ᭄ᬚᬕᬢ᭄᭞ᬩᭂᬩᬲ᭄ᬲᬓᬶᬂᬲᬸᬓᬤᬸᬄᬓ᭞ᬓ᭄ᬮᬾᬲ᭄ᬲᬓᬶᬂᬢᬓᬸᬢ᭄ᬓ᭄ᬭᭀᬥ᭞ᬢ᭄ᬯᬭᬧᬜ᭄ᬚᬓᬂᬫᬢ᭄ᬲᬃᬬ᭄ᬬ᭞ᬦᬸᬮᬤᬚᬓᬦ᭄ᬲᬂᬗᬓᬸ᭞ᬚᬢᬶᬬᬲᬬᬗᬂ
ᬓᬓ᭟᭐᭟ᬳᭂᬦ᭄ᬢᭀᬲᬂᬢᬦ᭄ᬕᬢ᭄ᬕᬢ᭄ᬧ᭄ᬭᬶᬄ᭞ᬚ᭄ᬭᭀᬦᬶᬂᬪᬓ᭄ᬢᬶᬤ᭄ᬬᬓ᭄ᬱ᭞ᬚᬢᬶᬢ᭄ᬯᬭᬓ᭄ᬦᬕᭀᬤ᭞ᬢᬦ᭄ᬫᬫ᭄ᬭᬶᬕᬧᬦᬧᬦ᭄᭞ᬳᬦᬾᬢᬶᬩᬭᬶᬗᬯᬓ᭄ᬜ᭞ᬰᬶᬱ᭄ᬬᬦᬾᬳᬓᬾᬢᭀᬩ
ᬕᬸᬲ᭄᭞ᬲ᭄ᬓᭂᬦ᭄ᬓᬲᬬᬗᬂᬓᬓ᭟᭐᭟ᬲᬂᬢᬦ᭄ᬧᬘᬸᬦ᭄ᬤᬗᬂᬲ᭄ᬤᬶᬄ᭞ᬢᬸᬃᬢ᭄ᬯᬭᬧᬜ᭄ᬚᬓᬂᬓ᭄ᬭᭀᬥ᭞ᬢ᭄ᬯᬭᬧᬋᬓᬦᬶᬦ᭄ᬤᬶᬃᬬ᭞ᬢᬦ᭄ᬗᭂᬤᭀᬢᬗᬧᬦᬧᬦ᭄᭞ᬮᬸᬓᬢ᭄ᬲᬓᬶᬂᬭᬕᬤ᭄ᬯᬾ
ᬱ᭞ᬢᬼᬩ᭄ᬲᬸᬪᬓ᭄ᬢᬶᬫᬜᬸᬗ᭄ᬲᬸᬂ᭞ᬳᬶᬬᬫᬸᬮᬓᬲᬬᬗᬂ᭟᭐᭟ᬳᬦᬓᬾᬢᬦ᭄ᬧᬶᬮᬶᬄᬓᬲᬶᬄ᭞ᬳᬶᬥᭂᬧᬾᬩᬦ᭄ᬩᬦ᭄ᬦᬭᬫ᭄ᬧ᭞ᬫᬋᬧ᭄ᬫᬭᬶᬂᬰᬢ᭄ᬭᬸᬫᬶᬢ᭄ᬭ᭞ᬤᬗ᭄ᬲᬄᬩᬳᬦ᭄ᬜ
[᭙᭐ 90A]
ᬦᬭᬶᬫ᭞ᬧᬦᬦ᭄ᬤᬶᬗᬶᬦ᭄ᬲᬸᬓᬤᬸᬄᬓ᭞ᬓᬦᬶᬱ᭄ᬝᬬᬂᬮᬦ᭄ᬓᬚᬸᬂᬚᬸᬂ᭞ᬓ᭄ᬮᬾᬲ᭄ᬲᬓᬶᬗᬗᭀᬢ᭄ᬫᬦᬄ᭟᭐᭟ᬳᭂᬦ᭄ᬢᭀᬲᬂᬢᬦ᭄ᬦᭂᬕᬸᬮ᭄ᬤᬶᬭᬶ᭞ᬫᬭᬶᬂᬤᬾᬰᬓᬵᬮᬧᬢ᭄ᬭ᭞ᬲᬂᬩ
ᬚᭂᬕ᭄ᬚ᭄ᬭᭀᬦᬶᬂᬫᬦᬄ᭞ᬢᬦ᭄ᬕᬸᬜ᭄ᬚᬶᬢᬂᬲᬸᬓᬤᬸᬄᬓ᭞ᬳᬶᬗ᭄ᬕ᭄ᬬᬦ᭄ᬓᬧᬸᬚᬶᬘᬾᬤ᭞ᬚᬕ᭄ᬩᬦ᭄ᬩᬦ᭄ᬲᬸᬪᬓ᭄ᬢᬶᬫᬸᬮᬸᬲ᭄᭞ᬯ᭄ᬬᬦ᭄ᬢᭀᬲᬬᬗᬂ᭟᭐᭟ᬦᬗ᭄ᬳᬶᬂᬲᬂᬲᬺᬤ᭄ᬥᬩᬸᬤ᭄ᬥᬶ᭞
ᬗᬶᬦᬸᬢᬶᬦ᭄ᬢᬢ᭄ᬯᬓᬥᬃᬫ᭄ᬫᬦ᭄᭞ᬳᬦᬾᬮᬗ᭄ᬕᭂᬂᬧᬭᬶᬧᬹᬃᬡ᭄ᬦ᭞ᬩᬸᬓᬳᬦᬾᬓᬧᬶᬤᬃᬣ᭞ᬗᬶᬮᬶᬲ᭄ᬫᬦᬸᬚᬸᬳᬶᬓᬓ᭞ᬓᬳᬗ᭄ᬕᬾᬦ᭄ᬧᬢᬶᬢᬶᬲᬕᬸᬂ᭞ᬦ᭄ᬢᭀᬧᬮᬶᬂᬲᬬᬗᬂᬓ
ᬓ᭟᭐᭟ᬧᬫᬸᬧᬸᬢ᭄ᬭᬯᬸᬳᬶᬭᬶᬓᬶ᭞ᬫᬾᬫᬢ᭄ᬕᭂᬲ᭄ᬪᬓ᭄ᬢᬶᬬᭀᬕ᭞ᬯᬭᬳᬶᬤᬰ᭄ᬭᬷᬓᬾᬰᬯ᭞ᬫᬦᬓᬭᬶᬂᬲᬂᬆᬃᬚ᭄ᬚᬸᬦ᭞ᬗᬶᬭᬶᬂᬦᬾᬫᬗ᭄ᬓᬶᬦ᭄ᬓᬯᬶᬢᬂ᭞ᬯᬶᬪᬕᬬᭀᬕᬧᬸ