[᭘ 8B]
᭘
ᬭᬗᬳᬢ᭄ᬭᬶᬂᬓᬲᬸᬓᬦ᭄᭞ᬳᬗ᭄ᬕᬾᬦ᭄ᬕᭂᬦᬤᬤᬶᬳᬕᬸᬂ᭞ᬗᬾᬦ᭄ᬓᬾᬦ᭄ᬗᭂᬘᬧᬂᬓᬮ᭄ᬕᬦ᭄᭞ᬗᬾᬦ᭄ᬓᬾᬦᬸᬭᬶᬧ᭄᭞ᬬᬦ᭄ᬫᬤᬲᬃᬗᬸᬲᬓ᭄ᬓᬤᬂ᭟᭐᭟ᬲᬓᬢᬄᬲᬦᬾᬫᬦᬫ᭄ᬧ᭄ᬬ
ᬕ᭄᭞ᬭᬶᬂᬓᬸᬭᬸᬓ᭄ᬱᬾᬢ᭄ᬭᬦᬾᬫᬗ᭄ᬓᬶᬦ᭄᭞ᬦᬾᬲᬺᬕᭂᬧ᭄ᬚᬕᬫᬬᬸᬤ᭄ᬥ᭞ᬲᬢ᭄ᬩᬸᬢᬂᬫᬵᬲ᭄ᬫᬶᬭᬳᬶᬧᬸᬦ᭄᭞ᬗᬸᬳᬂᬓᬕ᭄ᬬᬦ᭄ᬓᬲᬸᬓᬦ᭄᭞ᬗᬸᬢᬗᬸᬭᬶᬧ᭄᭞ᬭᬾᬄᬲᬫᬶᬚᬕᬧ᭄ᬭ
ᬮᬶᬡ᭟᭐᭟ᬧᬺᬡᬄᬕᬸᬭᬸᬫ᭄ᬯᬄᬩᬧ᭞ᬧ᭄ᬚᬡᬄᬧ᭄ᬬᬦᬓ᭄ᬓᬓ᭄ᬬᬂᬫᬮᬶᬄ᭞ᬭᬭᬫᬥᬸᬘᬸᬮᬦ᭄ᬫᬢ᭄ᬯ᭞ᬲᬦᬓ᭄ᬫᬶᬢ᭄ᬭᬓᬸᬮᬯᬡ᭄ᬥᬸ᭞ᬓᬗᬦᬾᬂᬢ᭄ᬕᬮ᭄ᬧᬬᬸᬤ᭄ᬥᬦ᭄᭞ᬲᬶᬦᬄᬮ᭄ᬤᬶᬲ᭄᭞
ᬬᬦ᭄ᬫᬸᬭᬸᬲ᭄ᬬᬸᬦ᭄ᬥᬦᬾᬧᬘᬂ᭟᭐᭟ᬢᬶᬢ᭄ᬬᬂᬦ᭄ᬮᭀᬕᬲ᭄ᬜᬾᬤᬬᬂ᭞ᬲᬯᬢᭂᬓ᭄ᬧᬸᬦᬶᬓᬲᬫᬶ᭞ᬳᬶᬗ᭄ᬕ᭄ᬬᬜ᭄ᬚᬫᭀᬮᬶᬄᬓᬲᬸᬓᬦ᭄᭞ᬳᬶᬩ᭄ᬓᬶᬂᬢ᭄ᬭᬶᬮᭀᬓᬳᬶᬓᬸ᭞ᬦᬧᬶᬫᬮᬶᬄ
[᭙ 9A]
ᬲᬸᬓᬜ᭄ᬚᬕᬢ᭄᭞ᬦᬾᬳᬶᬭᬶᬓᬶ᭞ᬤ᭄ᬧᬗᬶᬧᬸᬦ᭄ᬫᬤ᭄ᬫᬂᬢᬶᬢ᭄ᬬᬂ᭟᭐᭟ᬬᬦ᭄ᬢᬶᬢ᭄ᬬᬂᬲᬶᬤ᭄ᬥᬫᬤ᭄ᬫᬂ᭞ᬧᬸᬢ᭄ᬭᬦ᭄ᬤᬺᬱ᭄ᬝᬲᬫᬶ᭞ᬤᬶᬚᬩᬕ᭄ᬬᬦᬾᬢ᭄ᬫᭀᬓᬂ᭞ᬳᭂᬜ᭄ᬘᬾᬦ᭄ᬓᬲᬸᬓᬦᬾᬧᬸ
ᬧᬸ᭞ᬳᬶᬗ᭄ᬕ᭄ᬬᬜ᭄ᬚᬳᬶᬧᬸᬦ᭄ᬤᬸᬃᬚ᭄ᬚᬦ᭞ᬬᬦ᭄ᬫᬦᬳᬶᬦ᭄᭞ᬩᬦ᭄ᬢᬲ᭄ᬢᬶᬢ᭄ᬬᬂᬫᬗ᭄ᬕᬸᬄᬤᭀᬱ᭟᭐᭟ᬤᬶᬚᬲᬶᬯᬾᬦ᭄ᬢᭂᬦ᭄ᬓᬬᭀᬕ᭄ᬬᬦ᭄᭞ᬲᬂᬫᬤ᭄ᬫᬂᬓᬸᬮᬯᬃᬕ᭄ᬕᬶ᭞ᬩᬲ᭄ᬲᭂᬓᭂᬦ᭄ᬢᬦ᭄ᬧᭀ
ᬮᬶᬄᬲᬸᬓ᭞ᬬᬾᬦ᭄ᬗᬯᬾᬦᬶᬦ᭄ᬓᬤᬗᬚᬸᬃ᭞ᬲᬢ᭄ᬜᬩᬢᬶᬦᬸᬫᬄᬓᬜ᭄ᬘᬭᬾᬄᬫᬫ᭄ᬭᬶᬄ᭞ᬦᬶᬗᭂᬳᬂᬲ᭄ᬯᬭᬫᬓᭂᬫ᭄ᬧ᭄ᬬᬂ᭟᭐᭟ᬭᬾᬳᬶᬧᬸᬦᬸᬗ᭄ᬓᬸᬮᬶᬦ᭄ᬮᭀᬩ᭞ᬓᬧ᭄ᬢᭂᬗᬶ
ᬦ᭄ᬮᬶᬫᬸᬢᬢᬶ᭞ᬢᬦ᭄ᬗᬦ᭄ᬢᭂᬦᬂᬓᬳᬶᬯᬗᬦ᭄᭞ᬲᬂᬫᬤ᭄ᬫᬂᬓᬸᬮᬯᬡ᭄ᬥᬸ᭞ᬢᬦ᭄ᬕᬗᭂᬄᬫᬭᬶᬂᬓᬤᭀᬱᬦ᭄᭞ᬲᬂᬗᬯᬾᬦᬶᬦ᭄᭞ᬫ᭄ᬭᬶᬄᬧᬢᬶᬦᬶᬂᬫᬶᬢ᭄ᬭᬦ᭄ᬬ᭟᭐᭟ᬦᬧᬶᬗᬯᬦᬂ
Page:Bali-lontar-paparikan-bagawadgita-350ppi.pdf/9
Jump to navigation
Jump to search
This page has been proofread.
