[᭘᭗ 87B]
᭘᭗
ᬦ᭄ᬢᭀᬲᬪᬓ᭄ᬢᬶᬲᬸᬤᬺᬤ᭄ᬥ᭞ᬲᬦᬾᬗᬶᬮᬶᬲ᭄ᬢᬦ᭄ᬫᬘᬫ᭄ᬧ᭞ᬳᬶᬥᭂᬧᬾᬫᬭᬶᬂᬳᬶᬓᬓ᭞ᬲᬤᬸᬓᬶᬓᬓᬫᬭᬕ᭞ᬯᬢᭂᬓ᭄ᬯᬢᬭᬧᬸᬦᬶᬓᬸ᭞ᬳᭂᬦ᭄ᬢᭀᬫᬸᬮ᭄ᬬᬚ᭄ᬭᭀᬦᬶᬂ
ᬬᭀᬕ᭟᭐᭟ᬳᬸᬕᬶᬳᭂᬦ᭄ᬢᭀᬲᬂᬫᬓ᭄ᬢᬶᬦᬶᬦ᭄᭞ᬪᬝᬵᬭᬤᬸᬓ᭄ᬢᬦ᭄ᬧᬭᬹᬧ᭞ᬲᬦᬾᬮᬗ᭄ᬕᭂᬂᬧᬭᬶᬧᬹᬃᬡ᭄ᬦ᭞ᬯ᭄ᬬᬧᬓᬦᬶᬃᬫᬮᬰᬸᬦ᭄ᬬ᭞ᬳᬦᬾᬢᬦ᭄ᬲᬶᬤ᭄ᬥᬓ᭄ᬦᭂᬳᬂ᭞ᬢᬦ᭄ᬫᬭ
ᬕᬓᬶᬭᬂᬭᬗ᭄ᬓᬸᬂ᭞ᬫᬗ᭄ᬕᭂᬄᬤᭂᬕ᭄ᬤᭂᬕ᭄ᬢ᭄ᬯᬭᬳᭀᬩᬄ᭟᭐᭟ᬫᬮᬭᬧᬦ᭄ᬗᬢᭂᬤ᭄ᬧ᭄ᬭᬶᬄ᭞ᬗᬺᬢᬶᬦ᭄ᬤᬶᬃᬬᬯᬶᬱᬬ᭞ᬢᬦ᭄ᬤᭀᬗ᭄ᬲᭀᬓ᭄ᬭᬭᬤ᭄ᬯᬾᬱ᭞ᬳᬲᬶᬄᬫᬭᬶᬂᬲᬃᬯ᭄ᬯᬪᬸᬢ᭞
ᬫᬶᬲᬭᬢᬶᬢᬯᬰᬦ᭞ᬳᬦᬲᬾᬳᬓᬾᬢᭀᬢᬸᬳᬸ᭞ᬲᬶᬤ᭄ᬥᬳᬭᭀᬓ᭄ᬭᬶᬗᬶᬓᬓ᭟᭐᭟ᬩᬦ᭄ᬢᬲ᭄ᬲᬶᬦᬄᬍᬩᬶᬄᬲᬸᬮᬶᬢ᭄᭞ᬦ᭄ᬢᭀᬲᬂᬜ᭄ᬫᭂᬩᬳᬶᬓᬓ᭞ᬲ
[᭘᭘ 88A]
ᬤᬸᬓᬼᬮᬶᬫᬵᬯᬓ᭄ᬰᬹᬦ᭄ᬬ᭞ᬳᬦᬾᬢ᭄ᬯᬭᬓᬮ᭄ᬓᬤᬂ᭞ᬲᬶᬦᬄᬓ᭄ᬢᬶᬮ᭄ᬓᬓ᭄ᬦᬶᬬᬂ᭞ᬬᬦ᭄ᬓᬦ᭄ᬢᬸᬦᬶᬧᬸᬦ᭄ᬓᬯᭂᬗ᭄ᬓᬸ᭞ᬳᭀᬮᬶᬄᬲ᭄ᬢᬸᬮᬰᬭᬷᬭ᭟᭐᭟ᬓᬗ᭄ᬤᬶᬂᬲᬂᬲᬸᬂᬗᬼᬂᬤᬶᬩᬢᬶ᭞
ᬯᬦ᭄ᬢᬄᬫᬦᬸᬚᬸᬳᬶᬓᬓ᭞ᬓᬵᬮᬫᬗ᭄ᬭᬯᭀᬲ᭄ᬫᬲᭀᬮᬄ᭞ᬫᬫᬦᬄᬫᬶᬯᬄᬫᬬᭀᬕ᭞ᬫᬲᬫᬵᬥᬶᬮᬦ᭄ᬫᬢᬧ᭞ᬫᬩ᭄ᬭᬢᬫᬬᬚ᭄ᬜᬫᬸᬳᬸᬄ᭞ᬓᬗ᭄ᬕᬾᬦ᭄ᬪᬓ᭄ᬢᬶᬭᬶ
ᬗᬶᬓᬓ᭟᭐᭟ᬦᬓᬾᬚᬢᬶᬫᬗᬶᬮᬶᬲ᭄᭞ᬲᬸᬪᬓ᭄ᬢᬶᬦᬸᬚᬸᬳᬶᬓᬓ᭞ᬲᬶᬦᬄᬕ᭄ᬮᬶᬲ᭄ᬩᭂᬮᬶᬧᬘᬂ᭞ᬦᬶᬗ᭄ᬢᬶᬗᬂᬦᬾᬩᬲᬂᬳᬶᬬ᭞ᬳᬸᬮᬶᬲᬗ᭄ᬲᬭᬲᬵᬕᬭ᭞ᬲᬓᬾᬂᬫᬵᬢᬶᬮ᭄ᬓ
ᬤᬶᬤᬸᬧ᭄᭞ᬓᭀᬢᭀᬓᬤᬶᬤᬦᬜ᭄ᬚᬬ᭟᭐᭟ᬗ᭄ᬲᬶᬓᬂᬓᬬᬸᬦᬶᬬᬤᬶ᭞ᬢᬸᬫᬕᬼᬓᬂᬫᬭᬶᬂᬳᬶᬓᬓ᭞ᬓᬮᬶᬄᬓᬧ᭄ᬭᬚ᭄ᬜᬦᬶᬤᬾᬯ᭞ᬭᬶᬂᬭᬕᬦ᭄ᬩᭂᬮᬶᬮᬶᬗ᭄ᬕᬬᬂ᭞ᬳᭂᬦ᭄ᬢᭀ
Page:Bali-lontar-paparikan-bagawadgita-350ppi.pdf/88
Jump to navigation
Jump to search
This page has been proofread.
