Page:Bali-lontar-paparikan-bagawadgita-350ppi.pdf/8

From Wikisource
Jump to navigation Jump to search
This page has been proofread.

[᭗ 7B]

ᬜ᭄ᬚᬬ᭞ᬮᬯᬸᬢ᭄ᬘᬶᬗᬓᬶᬦ᭄᭞ᬯᬢᭂᬓ᭄ᬱᬂᬓᬸᬭᬸᬲᬫ᭄ᬬᬦ᭄᭟᭐᭟ᬭᬭᬶᬲᬶᬤᬲᬂᬨᬮ᭄ᬕᬸᬡ᭞ᬗᬯᬶᬢ᭄ᬫᬜᬶᬗᬓ᭄ᬦᬾᬫᬗ᭄ᬓᬶᬦ᭄᭞ᬧᬺᬡᬳᬚᬶᬫᬶᬯᬄᬓᬓ᭄ᬬᬂ᭞ᬧᬺᬡᬄᬭ
ᬭᬫᬮᬦ᭄ᬕᬸᬭᬸ᭞ᬓᬓᬲᬶᬳᬦᬓᬫᬶᬲᬦ᭄᭞ᬘᬸᬘᬸᬫᬮᬶᬄ᭞ᬢᬦᬤᭀᬄᬭᬶᬂᬧᬓᬥᬗᬦ᭄᭟᭐᭟ᬕᬸᬕᬶᬲᬂᬰ᭄ᬯᬾᬢᬯᬳᬦ᭞ᬜᬶᬗᬓ᭄ᬓᬸᬮᬯᬦ᭄ᬥᬸᬯᬃᬕ᭄ᬕᬶ᭞ᬯᬾ
ᬦ᭄ᬢᭂᬦ᭄ᬓᬧᬺᬡᬄᬫᬢᬸᬯ᭞ᬲᬫ᭄ᬢᭀᬦ᭄ᬤᬶᬥᬃᬫ᭄ᬫᬲᬸᬯᬸᬄ᭞ᬫᬓᬲᬫᬶᬯᬸᬲ᭄ᬫᬲ᭄ᬮᬕ᭄᭞ᬲᬂᬫᬩᬭᬶᬲ᭄᭞ᬭᬶᬂᬢ᭄ᬗᬄᬢ᭄ᬕᬮ᭄ᬧᬬᬸᬤ᭄ᬥᬦ᭄᭟᭐᭟ᬦᬤᬓᬶᬤᬫᬧᬗᭂᬦᬦ᭄᭞ᬓᬲᬸᬲᬸ
ᬧᬦ᭄ᬯᭂᬮᬲᬶᬄ᭞ᬭᬭᬶᬲ᭄ᬫᬢᬸᬃᬤᬸᬕᬤᬸᬕ᭞ᬥᬹᬄᬭᬢᬸᬲᬂᬓᬺᬱ᭄ᬡᬧ᭄ᬭᬪᬹ᭞ᬩᬯᬸᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞ᬓᬸᬮᬯᬃᬕ᭄ᬕᬶ᭞ᬲᬬᬕᬲᬚᬕᬸᬫᬬᬸᬤ᭄ᬥ᭟᭐᭟ᬤᬾᬯᬾᬓ᭄ᬢᬶᬢ᭄ᬬᬂ
[᭘ 8A]
ᬮ᭄ᬫᭂᬢ᭄ᬧᬶᬲᬦ᭄᭞ᬩᬶᬩᬶᬄᬢᬶᬢ᭄ᬬᬂᬗ᭄ᬢᬸᬄᬲᬫᬶ᭞ᬗ᭄ᬢᭀᬃᬤᬾᬯᬾᬓᬾᬲᬫ᭄ᬬᬦ᭄᭞ᬲᬸᬗ᭄ᬓᬩ᭄ᬩᬸᬮᬸᬦ᭄ᬢᬶᬢ᭄ᬬᬂᬭᬢᬸ᭞ᬮᬾᬮᭀᬭᬲᬢᬦ᭄ᬧᬚᬷᬯ᭞ᬲᬸᬓᬸᬧᬦᬶ᭞ᬢ᭄ᬯᬭᬲᬶᬤ᭄ᬥᬫ
ᬓ᭄ᬭᬶᬧᬶᬢᬦ᭄᭟᭐᭟ᬩᬸᬲᬸᬃᬢᬶᬢ᭄ᬬᬂᬦᬤᬓ᭄ᬓᭂᬘᬕ᭄᭞ᬲᬓᬾᬂᬮᬶᬫᬦ᭄ᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬓᬸᬮᬶᬢ᭄ᬭᬲᬓᬤᬶᬩᭀᬃᬩᭀᬃ᭞ᬓᬦ᭄ᬢᭀᬲ᭄ᬢᬦ᭄ᬫᬫ᭄ᬧᬸᬄᬫᬚᬸᬚᬸᬓ᭄᭞ᬫᬦᬳᬾ
ᬩᬗᭂᬢ᭄ᬧ᭄ᬭᬧᬜ᭄ᬘ᭞ᬮᬶᬧᬸᬢ᭄ᬧᬮᬶᬂ᭞ᬢᬦ᭄ᬫᬓᬦ᭄ᬢᭂᬦ᭄ᬧᬚᬕᬢᬦ᭄᭟᭐᭟ᬭᬢᬸᬲᬂᬫᬥᬸᬲᬸᬤᬦ᭞ᬤᬸᬃᬦᬶᬫᬶᬢ᭄ᬢᬓᬦ᭄ᬢᭂᬦ᭄ᬫᬗ᭄ᬓᬶᬦ᭄᭞ᬩᬗᭂᬢ᭄ᬫᬧᬰᬦᬳᬮ᭞ᬬ
ᬦ᭄ᬢᬶᬢ᭄ᬬᬂᬓᬦ᭄ᬢᭀᬲ᭄ᬓᬤᬸᬭᬸᬲ᭄᭞ᬗᬫᬤ᭄ᬫᬂᬲᬦᬓ᭄ᬓᬤᬂ᭞ᬓᬸᬮᬯᬃᬕ᭄ᬕᬶ᭞ᬦᬦ᭄ᬤᭂᬲ᭄ᬭᬶᬓᬵᬮᬦᬶᬂᬬᬸᬤ᭄ᬥ᭟᭐᭟ᬢᬦ᭄ᬗᭂᬤᭀᬢ᭄ᬢᬶᬢ᭄ᬬᬂᬭᬶᬂᬫᬦᬄ᭞ᬢᬦ᭄ᬫᭂᬍᬤ᭄ᬜᭂᬦᭂᬂᬪᬹᬧᬢᬶ᭞ᬢ᭄ᬯ