[᭗᭘ 78B]
᭗᭘
ᬬᬲ᭄ᬲᬓᬶᬂᬲᬸᬭᬮᭀᬓ᭞ᬗᭂᬦ᭄ᬤᬶᬄᬤᬸᬫᬶᬮᬄ᭞ᬢᬦ᭄ᬧᬯᬢᭂᬲ᭄ᬢᬦ᭄ᬧᬢᬗ᭄ᬕᬸ᭞ᬫᬧ᭄ᬭᬭᬳᬶᬤᬳᬢ᭄ᬓᬢᬄ᭞ᬫᬚᭂᬂᬭᬶᬂᬲᬮ᭄ᬯᬶᬃᬥᬶᬓ᭄ᬯᬶᬥᬶᬓ᭄᭟᭐᭟ᬮ᭄ᬯᬶᬃᬢᬾᬚᬦ᭄ᬲᬹᬃᬬ᭄ᬬ
ᬲᬳᬲ᭄ᬭ᭞ᬦ᭄ᬤᬶᬄᬤᬸᬫᬶᬮᬄᬮᬶᬫ᭄ᬧᬤ᭄ᬓᬩ᭄ᬬᭀᬫᬵᬓᬰᬲᬫᬶ᭞ᬲᬧᬸᬦᬶᬓᬶᬩᬗᭂᬢ᭄ᬯᬶᬪᬸᬄ᭞ᬓᬳᬕᬸᬗᬦ᭄ᬯᬃᬡ᭄ᬦᬶᬦᬶᬤ᭞ᬦᬾᬫᬭᬕᬲᬂᬚᬷᬯᬫᬸᬮ᭄ᬬᬯᬵᬦᬕᬸᬂ᭞
ᬯ᭄ᬬᬧᬓᬫᬳᬵᬕᬫ᭄ᬩᬶᬭ᭞ᬦᬾᬩᬗᭂᬢ᭄ᬲᭂᬓᭂᬦ᭄ᬗᬗᭀᬩᬶᬦ᭄᭟᭐᭟ᬤᬕᬶᬗᬶᬤᬲᬂᬆᬃᬚ᭄ᬚᬸᬦ᭞ᬲ᭄ᬓᭂᬦ᭄ᬜᬶᬗᬓ᭄ᬲᬤᬕᬶᬂᬚᬕᬢᬾᬲᬫᬶ᭞ᬢ᭄ᬕᭂᬧᬶᬂᬯᬃᬡ᭄ᬦᬮᬦ᭄ᬯᬗᬸ
ᬦ᭄᭞ᬭᬯᬸᬄᬧᬯᭀᬲ᭄ᬧᬯᭀᬲᬦ᭄ᬜ᭞ᬫᬓᬲᬫᬶ᭞ᬤᬤᭀᬲᬲᬶᬓᬶᬫᬓᬸᬫ᭄ᬧᬸᬮ᭄᭞ᬚ᭄ᬭᭀᬦᬶᬗᬗ᭄ᬓᬦ᭄ᬳ᭄ᬬᬂᬢᬶᬢᬄ᭞ᬮᬸᬳᬸᬭᬶᬂᬤᬾᬯᬢᬲᬫᬶ᭟᭐᭟ᬭᬭᬶᬲᬶᬤ
[᭘᭙ 79A]
ᬲᬂᬆᬃᬚ᭄ᬚᬸᬦ᭞ᬩᬗᭂᬢ᭄ᬧᬶᬲᬦ᭄ᬭᬸᬫᬲᬓᬲᭀᬩ᭄ᬭᬶᬗ᭄ᬳᬢᬶ᭞ᬲᬸᬗ᭄ᬓᬩ᭄ᬭᭀᬫᬦᬾᬫᬩ᭄ᬭᬶᬬᬸᬓ᭄᭞ᬭᬭᬶᬲ᭄ᬫᬗᬸᬦ᭄ᬢᬸᬮᬂᬰᬶᬃᬱ᭞ᬫᬗᬪᬓ᭄ᬢᬶᬭᬶᬗᬚᭂᬂᬳᬶᬤᬳ᭄ᬬᬗᬕᬸᬂ᭞ᬲᬵ
ᬫ᭄ᬧᬸᬦ᭄ᬫᬜᬓᬸᬧᬂᬢᬗᬦ᭄᭞ᬲᬳᬫᬢᬸᬃᬲᬧᬸᬦᬶᬓᬶ᭟᭐᭟ᬚ᭄ᬭᭀᬦᬶᬗᬗ᭄ᬕᬦ᭄ᬪᬝᬵᬭ᭞ᬥᬹᬄᬳ᭄ᬬᬂᬢᬶᬢᬄᬗᬦ᭄ᬢᭂᬦᬂᬯ᭄ᬬᬓ᭄ᬢᬶ᭞ᬧᬭᬤᬾᬯᬢᬫᬓᬸᬫ᭄ᬧᬸᬮ᭄᭞ᬓ
ᬮᬶᬄᬓᬦ᭄ᬯᬢᭂᬓ᭄ᬪᬸᬢ᭞ᬦᬾᬲᬾᬬᭀᬲᬦ᭄᭞ᬳ᭄ᬬᬂᬪᬝᬵᬭᬲᬶᬤ᭄ᬥᬳᬸᬫᬸᬗ᭄ᬕᬸᬄ᭞ᬭᬶᬮᬸᬳᬸᬭᬶᬂᬧᬤ᭄ᬫᬲᬡ᭞ᬫᬳᬃᬧᬦᬵᬕᬫᬮᬶᬄ᭟᭐᭟ᬳᬸᬕᬶᬢᬶᬢ᭄ᬬᬫᬗᬦ᭄ᬢᭂᬦᬂ᭞
ᬧᬭᬕᬬᬦ᭄ᬪᬝᬵᬭᬮᬶᬫ᭄ᬧᬤ᭄ᬭᬶᬂᬲᬫᬶ᭞ᬓᬾᬢᬂᬳᬗᬦ᭄ᬯᭂᬢᭂᬂᬘᬓ᭄ᬱᬸ᭞ᬧ᭄ᬤᬭᬳᬶᬢᬦ᭄ᬓᭂᬦᬶᬯᬶᬮᬂ᭞ᬗ᭄ᬳᬶᬂᬢᬦ᭄ᬗᭂᬢᭀᬦ᭄᭞ᬲᬗ᭄ᬓᬦ᭄ᬧᬭᬦ᭄ᬫᬤ᭄ᬬᬦᬶᬧᬸᬦ᭄᭞ᬳᬗ᭄ᬕ
Page:Bali-lontar-paparikan-bagawadgita-350ppi.pdf/79
Jump to navigation
Jump to search
This page has been proofread.
