[᭗᭖ 76B]
᭗᭖
ᬕᬓᬲᭂᬗ᭄ᬕᬸᬄ᭞ᬫᬸᬕᭂᬂᬋᬱᭂᬧ᭄ᬲᬂᬫᬗ᭄ᬭᬸᬗᬸ᭞ᬫᬗ᭄ᬓᬶᬦ᭄ᬗᬶᬭᬶᬂᬫᬗᬯᬶᬢᬂ᭞ᬳᬶᬤᬤᬦᬾᬫᬧᬯᬸᬭᬸᬓ᭄᭞ᬳᬸᬧᬡᬶᬱᬤ᭄ᬓᬧᬶᬂᬲᭀᬮᬲ᭄᭞ᬯᬶᬰ᭄ᬯᬭᬹᬧᬤᬃᬧᬡᬬᭀᬕ᭟᭐᭟
ᬧᬸᬧᬸᬄᬧᬗ᭄ᬓᬸᬃ᭟᭐᭟ᬦᬾᬫᬗ᭄ᬓᬶᬦᬶᬤᬲᬂᬧᬵᬃᬣ᭞ᬭᬭᬶᬲ᭄ᬫᬢᬸᬃᬥᬹᬄᬭᬢᬸᬲᬂᬳᬭᬶᬫᬹᬃᬢ᭄ᬢᬶ᭞ᬲᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᬗ᭄ᬮᬸᬗ᭄ᬲᬸᬃ᭞ᬤᬕᬶᬂᬫᬯᬶᬲᬶᬓ᭄ᬯᬘᬦ᭞ᬦᬾᬗᭂᬦᬶᬦᬶᬦ᭄
ᬳᬤ᭄ᬬᬵᬢ᭄ᬫᬢᬢ᭄ᬯᬮᬸᬳᬸᬃ᭞ᬳᬶᬘᬮ᭄ᬓᬩᬶᬗᬸᬗᬦ᭄ᬢᬶᬢ᭄ᬬᬂ᭞ᬲ᭄ᬯᬾᬘ᭄ᬘᬦᬶᬭᬓᬸᬗᬯᬶᬦᬶᬦ᭄᭟᭐᭟ᬮ᭄ᬓᬤ᭄ᬓᬮᬶᬄᬓᬧᬭᬮᬷᬡ᭞ᬲᬩᬘᬓᬦ᭄ᬲᬃᬯ᭄ᬯᬯᬾᬦ᭄ᬢᭂᬦᬾᬳᬶᬭᬶᬓᬶ᭞
ᬓᬮᬶᬄᬓᬕᬸᬗᬦ᭄ᬲᬂᬧ᭄ᬭᬪᬸ᭞ᬲᬦᬾᬮᬗ᭄ᬕᭂᬂᬧᬭᬶᬧᬹᬃᬡ᭄ᬫ᭞ᬲᬵᬫ᭄ᬧᬸᬦᬢᬶᬄᬢᬶᬢ᭄ᬬᬂᬫᬭᬶᬕᬶᬫ᭄ᬫᬗ᭄ᬭᬸᬗᬸ᭞ᬲᬓᬶᬂᬯᬘᬦᬦ᭄ᬲᬂᬦᬵᬣ᭞ᬦᬾᬲᬢ᭄ᬲᬩᭂᬄᬲᬜ᭄ᬚᬶᬯᬦᬶ᭟᭐᭟ᬥᬹᬄ
[᭗᭗ 77A]
ᬭᬢᬸᬲᬂᬫᬳᬵᬲᬗ᭄ᬓᬦ᭄᭞ᬚᬢᬶᬧᬶᬲᬦ᭄ᬗᭂᬦᬶᬦᬶᬦᬗ᭄ᬕᬦ᭄ᬲᬂᬍᬯᬶᬄ᭞ᬓᬤᬶᬦᬾᬓᬯ᭄ᬤᬃᬲᬵᬫ᭄ᬧᬸᬦ᭄᭞ᬗ᭄ᬳᬶᬂᬢᬶᬢ᭄ᬬᬂᬫᬼᬤ᭄ᬗᬦ᭄ᬢᭂᬦᬂ᭞ᬓᬰᬸᬘ᭄ᬬᬦ᭄ᬳᬗ᭄ᬕᬦᬶᬭᬢᬸᬳ᭄ᬬᬂ
ᬳᬕᬸᬂ᭞ᬳᬶᬭᬢᬸᬲᬂᬧᬸᬭᬸᬱᭀᬢ᭄ᬢᬫ᭞ᬦᬭᬫᬸᬮ᭄ᬬᬯᬵᬦ᭄ᬧᬶᬦᬹᬚᬶ᭟᭐᭟ᬭᬢᬸᬲᬂᬫᬳᬵᬓᬯᬰ᭞ᬬᬦᬶᬂᬯᬾᬦ᭄ᬢᭂᬦ᭄ᬓᬬᭀᬕ᭄ᬬᬦᬶᬦᬶᬧᬱ᭄ᬝᬤᬓᬶ᭞ᬲᬸᬲᬤ᭄ᬬᬲᬶᬤ᭄ᬥᬫ
ᬫᬗ᭄ᬕᬸᬄ᭞ᬓᬤᬶᬲᬦᬾᬓᬩᭀᬩᭀᬢᬂ᭞ᬗ᭄ᬕᬶᬄᬤᬸᬭᬸᬲᬂ᭞ᬲᬶᬦᬳᬂᬚᬷᬯᬦᬾᬳᬕᬸᬂ᭞ᬦᬾᬮᬗ᭄ᬕᭂᬂᬢᬸᬃᬧᬭᬶᬧᬹᬃᬡ᭄ᬦ᭞ᬥᬹᬄᬭᬢᬸᬲᬂᬫᬳᬬᭀᬕᬶ᭟᭐᭟ᬲᬂᬓᬺᬱ᭄ᬡᬭᬭᬶ
ᬲ᭄ᬫᬰᬩ᭄ᬥ᭞ᬥᬹᬄᬆᬃᬚ᭄ᬚᬸᬦᬯᬸᬢᬂᬚᬦᬶᬢᬶᬗ᭄ᬳᬮᬶᬦ᭄᭞ᬓᬰᬸᬘ᭄ᬬᬦ᭄ᬭᬕᬦᬶᬗ᭄ᬲᬸᬦ᭄᭞ᬧᬜᬓᬸᬲᬦ᭄ᬧᬜᬶᬬᬸᬳᬦ᭄᭞ᬫᬢ᭄ᬕᭂᬧᬦ᭄ᬦᬾᬳ᭄ᬩᭂᬓ᭄ᬯᬃᬡ᭄ᬦᬶᬮᬦ᭄ᬯᬗᬸᬦ᭄᭞ᬓ
Page:Bali-lontar-paparikan-bagawadgita-350ppi.pdf/77
Jump to navigation
Jump to search
This page has been proofread.
