[᭖ 6B]
᭖
ᬳᬶᬗ᭄ᬕᬶᬄᬭᬢᬸᬧᬦᭂᬫ᭄ᬩᬳᬦ᭄᭞ᬤᬾᬯᬲᬂᬓᬺᬱ᭄ᬡᬪᬹᬧᬢᬶ᭞ᬲᬶᬦᬗ᭄ᬕᬄᬧ᭄ᬭᬪᬸᬘ᭄ᬬᬸᬳ᭞ᬳᬸᬢ᭄ᬢᬸᬗ᭄ᬕᬦᬶᬂᬬᬥᬸᬯᬺᬱ᭄ᬝᬶ᭞ᬳᬶᬦ᭄ᬤᬬᬂᬤᬸᬭᬸᬲᬂᬫᬗ᭄ᬓᬶᬦ᭄᭞ᬫᬃᬕ᭄ᬕᬶᬬᬂᬤᭀᬓᬭᬾᬭ
ᬢᬸ᭞ᬭᬶᬗᬋᬧ᭄ᬰᬢ᭄ᬭᬸᬭᬯᬸᬳᬂ᭞ᬭᬶᬂᬯᬢᭂᬓ᭄ᬱᬂᬲᬾᬦᬧᬢᬶ᭞ᬲᬦᬾᬓᬸᬫ᭄ᬧᬸᬮ᭄᭞ᬫᬩᬭᬶᬲ᭄ᬲᬳᬲᬜ᭄ᬚᬢ᭟᭐᭟ᬢᬶᬢ᭄ᬬᬂᬫᬼᬤ᭄ᬫᬺᬢ᭄ᬬᬓ᭄ᬱᬬᬂ᭞ᬫᬗ᭄ᬤᬢᬶᬢ᭄ᬬᬂᬢᬢᬲᬸ
ᬦᬶᬂ᭞ᬯᬢᭂᬓ᭄ᬦᬾᬲᬵᬫ᭄ᬧᬸᬦ᭄ᬲᬬᬕ᭞ᬲᬦᬾᬗᬳᬢ᭄ᬗᬤᬸᬚᬸᬭᬶᬢ᭄᭞ᬦᬾᬬᭀᬕ᭄ᬬᬧᬘᬂᬦᬦ᭄ᬤᬓᬶᬦ᭄᭞ᬭᬶᬂᬚ᭄ᬭᭀᬦᬶᬂᬢ᭄ᬕᬮ᭄ᬓᬸᬭᬸ᭞ᬭᬶᬓᬵᬮᬬᬸᬤ᭄ᬥᬦᬾᬧᬘᬂ᭞ᬗᬯᬶᬢᬶ
ᬜ᭄ᬚᬕᬓᬳᬫ᭄ᬩᬶᬮ᭄᭞ᬭᬶᬂᬧᬗ᭄ᬭᬲ᭄᭞ᬳᭀᬮᬶᬄᬲᬂᬯᬢᭂᬓ᭄ᬧᬸᬭᬸᬱ᭟᭐᭟ᬳᬸᬕᬶᬧᬶᬲᬦ᭄ᬫᬗ᭄ᬤᬾᬦ᭄ᬢᬢᬲ᭄᭞ᬢᬶᬢ᭄ᬬᬂᬦ᭄ᬤᬾᬯᬾᬓ᭄ᬫᬗ᭄ᬢᭀᬦᬶᬦ᭄᭞ᬓᬜ᭄ᬢᬦᬾᬓᬸᬫ᭄ᬧᬸ
[᭗ 7A]
ᬮᬶᬭᬶᬓ᭞ᬦᬾᬲᬵᬫ᭄ᬧᬸᬦ᭄ᬲᬫᬶᬫᬩᬭᬶᬲ᭄᭞ᬲᬦᬾᬢᬦ᭄ᬫᬩᬵᬗ᭄ᬓᬳᬸᬭᬶᬧ᭄᭞ᬗᭂᬦᭂᬫᬶᬦ᭄ᬲᬓᬧ᭄ᬢᬶᬦᬶᬧᬸᬦ᭄᭞ᬲᬢ᭄ᬓᬗ᭄ᬕᬾᬦ᭄ᬢ᭄ᬬᬕᬬᬚ᭄ᬜ᭞ᬓᬢᬸᬭᬶᬂᬲᬂᬓᬸᬭᬸᬧᬢᬶ᭞ᬲᬦᬾ
ᬍᬢᬸᬄ᭞ᬫᬗ᭄ᬤᬾᬦ᭄ᬧᭀᬮᬶᬄᬍᬕᬦ᭄ᬫᬦᬄ᭟᭐᭟ᬳᬶᬗ᭄ᬕᬶᬄᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬲᬂᬤᬺᬱ᭄ᬝᬭᬵᬲ᭄ᬢ᭄ᬭᬪᬹᬧᬢᬶ᭞ᬯᬯᬸᬲᬧᬸᬦᬶᬓᬳᬶᬤ᭞ᬲᬂᬳᬵᬃᬣᬫᬢᬸᬃᬧᬶᬳᬸᬦᬶᬂ᭞ᬲᬂᬓᬺᬱ᭄ᬡ
ᬫᬗ᭄ᬓᬶᬦ᭄ᬗᬯᬶᬢᬶᬦ᭄᭞ᬗ᭄ᬢᬾᬓᬂᬤᭀᬓᬃᬧᬸᬦᬶᬓᬸ᭞ᬦᬾᬗᬵᬮᬶᬂᬗᭂᬦ᭄ᬤᬶᬄᬤᬸᬫᬶᬮᬄ᭞ᬭᬶᬗᬋᬧ᭄ᬰᬢ᭄ᬭᬸᬦᬾᬢᬶᬢᬶᬩ᭄᭞ᬢᬸᬭᬶᬂᬲᬵᬫ᭄ᬧᬸᬦ᭄᭞ᬲᬫᬶᬯᬸᬲ᭄ᬫᬋᬧᬋᬧᬦ᭄᭟᭐᭟
ᬧᬸᬧᬸᬄᬚᬶᬦᬤ᭟᭐᭟ᬭᬶᬗᬚ᭄ᬜ᭄ᬕᬦᬺᬱᬶᬪᬶᬱ᭄ᬫ᭞ᬓᬮᬶᬄᬥᬗ᭄ᬳ᭄ᬬᬤ᭄ᬭᭀᬩᬅᬮᬶᬄ᭞ᬫᬶᬯᬄᬯᬢᭂᬓ᭄ᬱᬾᬦᬥᬶᬧ᭞ᬳᬶᬤᬲᬂᬓᬺᬱ᭄ᬡᬳᬫᬸᬯᬸᬲ᭄᭞ᬥᬹᬳᬤᬶᬲᬂᬤᬦ
Page:Bali-lontar-paparikan-bagawadgita-350ppi.pdf/7
Jump to navigation
Jump to search
This page has been proofread.
