[᭕ 5B]
᭕
᭞ᬲᬂᬦᬓᬸᬮᬲᬋᬗᬶᬭᬶᬂ᭞ᬲᬸᬗᬸᬲᬸᬕᭀᬱᬓᬳᬸᬧᬶᬦ᭄᭞ᬲᬂᬲᬤᬾᬯᬢᬍᬃᬗᭂᬧᬸᬢ᭄᭞ᬲᬸᬗᬸᬲᬶᬫᬡᬶᬧᬸᬱ᭄ᬧᬓ᭞ᬲ᭄ᬯᬭᬦ᭄ᬬᬫᬯᬦ᭄ᬢᬶ᭞ᬜᭂᬭᬶᬢ᭄ᬗᭂᬮᬸᬃ᭞
ᬲᬦ᭄ᬢᭂᬃᬭᬯᬸᬄᬓᬪ᭄ᬬᭀᬫᬵᬓᬰ᭟᭐᭟ᬯᬢᭂᬓ᭄ᬚᬸᬭᬸᬧᬦᬄᬧᬰ᭄ᬘᬢ᭄᭞ᬓᬰᬶᬭᬵᬚᬦᬾᬫᬫᬶᬫ᭄ᬧᬶᬦ᭄᭞ᬰ᭄ᬭᬷᬓᬡ᭄ᬥᬶᬫᬳᬵᬧᬸᬭᬸᬱ᭞ᬫᬶᬯᬄᬧ᭄ᬭᬯᬷᬭᬲᬢ᭄ᬬᬦᬶ᭞
ᬦᬾᬢᬦ᭄ᬕᬫ᭄ᬧᬂᬚᬕᬦᬸᬗ᭄ᬓᬸᬮ᭄᭞ᬤᬺᬱ᭄ᬝᬤ᭄ᬬᬸᬫ᭄ᬦᬯᬶᬭᬵᬣ᭞ᬦᬾᬘᬕᭂᬃᬗ᭄ᬢᭀᬳᬗᬸᬭᬶᬧ᭄᭞ᬲᬫᬶᬳᬶᬗ᭄ᬓᬸᬧ᭄᭞ᬤᬸᬍᬕ᭄ᬭᬶᬂᬯᬢᭂᬓ᭄ᬓᭀᬭᬯ᭟᭐᭟ᬳᬶᬗ᭄ᬕᬶᬄᬭᬢᬸᬧᬦᭂ
ᬫ᭄ᬩᬳᬦ᭄᭞ᬲᬂᬤᬺᬱ᭄ᬝᬭᬵᬱ᭄ᬝ᭄ᬭᬪᬹᬧᬢᬶ᭞ᬧᬸᬦᬶᬓᬲᬂᬤ᭄ᬭᬸᬧᬤ᭞ᬫᬶᬯᬄᬲᬸᬢ᭄ᬭᬦ᭄ᬤ᭄ᬭᭀᬧᬤᬶ᭞ᬮᬮᬶᬫᬓᬢᬄᬜᬲᬫᬶ᭞ᬧᬥᬫᬲᬜ᭄ᬚᬢᬓᬸᬓᬸᬄ᭞ᬫᬮᬶᬄᬧᬸᬢ᭄ᬭᬦ᭄ᬫ᭄ᬯᬄ
[᭖ 6A]
ᬲᬸᬩᬤ᭄ᬭ᭞ᬲᬂᬪᬷᬫᬦ᭄ᬬᬧᬧᬲᬶᬄ᭞ᬦᬾᬢᬦ᭄ᬲᬗ᭄ᬕᬸᬧ᭄᭞ᬬᬦ᭄ᬜᭂᬦᭂᬂᬤᬤᭀᬲ᭄ᬧᬘᬸᬡ᭄ᬥᬂ᭟᭐᭟ᬫᬗ᭄ᬓᬶᬦ᭄ᬲᬫᬶᬮᬸᬫᬓ᭄ᬱᬡ᭞ᬲᬶᬦᬋᬗᬦ᭄ᬲᭀᬫ᭄ᬧ᭄ᬭᬾᬢᬾᬓᬸᬧᬶᬦ᭄᭞ᬲ᭄ᬯᬭᬦ᭄ᬜ
ᬗᭂᬫ᭄ᬧᭂᬗᬶᬜ᭄ᬚᬕᬢ᭄᭞ᬯᬢᭂᬓ᭄ᬩᬸᬭᭀᬦ᭄ᬫᬶᬯᬄᬧᬓ᭄ᬱᬶ᭞ᬲᬫᬶᬭᬭᬸᬤ᭄ᬧᬓᬶᬕ᭄ᬓᬶᬕ᭄᭞ᬓᬂᬢ᭄ᬗᬳᬮᬲ᭄ᬜᬮᬸᬓ᭄ᬱᬸᬓ᭄᭞ᬋᬱᬺᬱ᭄ᬯᬢᭂᬓᬶᬂᬧ᭄ᬭᬯᬷᬭ᭞ᬯᬯᭂᬗ᭄ᬓᭀᬦᬶᬂᬓᬸᬭᬸᬧᬢᬶ᭞ᬫᬓ
ᬤᬶᬦᬶᬧᬸᬦ᭄᭞ᬧᬸᬢ᭄ᬭᬧᬸᬢ᭄ᬭᬦ᭄ᬤᬺᬱ᭄ᬝ᭄ᬭ᭟᭐᭟ᬫᬗ᭄ᬓᬶᬦᬶᬤᬲᬂᬆᬃᬚ᭄ᬚᬸᬦ᭞ᬲᬵᬫ᭄ᬧᬸᬦ᭄ᬭᬶᬂᬤᭀᬓᬃᬫᬮᬶᬗ᭄ᬕᬶᬄ᭞ᬧᬢᬓᬦᬾᬯᬸᬲ᭄ᬓᬸᬫ᭄ᬮᬩ᭄᭞ᬫᬘᬶᬘᬶᬭᬾᬦ᭄ᬯ᭄ᬭᬾᬧᬸᬢᬶᬄ᭞ᬲ
ᬓᬾᬗᬶᬭᬶᬓᬫᬗᬓ᭄ᬱᬶ᭞ᬯᬢᭂᬓ᭄ᬓᭀᬭᬯᬓᬤᬸᬮᬸ᭞ᬫᬩᬭᬶᬲ᭄ᬲᬺᬕᭂᬧ᭄ᬲᬜ᭄ᬚᬓ᭞ᬭᬭᬶᬲᬶᬤᬲᬂᬓᬶᬭᬶᬣᬶ᭞ᬗᬫ᭄ᬩᬶᬮ᭄ᬩᬸᬲᬸᬃ᭞ᬲᬳᬫᬢᬸᬃᬧᬢᭂᬮᬦᬦ᭄᭟᭐᭟
Page:Bali-lontar-paparikan-bagawadgita-350ppi.pdf/6
Jump to navigation
Jump to search
This page has been proofread.
