[᭕᭖ 56B]
᭕᭖
ᬬᬓᬲᭂᬗ᭄ᬕᬸᬄ᭞ᬦᬧᬶᬫᬤᬦᬤᬶᬦᬤᬶᬪᬸᬢ᭞ᬫᬶᬯᬄᬳᬤᬶᬤᬾᬯᬳᬶᬓᬸ᭞ᬩᬶᬗᬸᬂᬢᬶᬢ᭄ᬬᬂᬫᬗ᭄ᬭᬲᬬᬂ᭞ᬚᬦ᭄ᬢᭀᬲ᭄ᬩᬸᬯᬸᬢ᭄ᬫᬦᬄᬢᬶᬢ᭄ᬬᬂ᭟᭐᭟ᬲᬫᬮᬶᬄᬦᬧᬶᬳᬤ᭄ᬬᬚ᭄ᬜᬦᬳᬶ
ᬓᬸ᭞ᬤᬸᬓᬦᬭᬶᬗᬗ᭄ᬕ᭞ᬫᬶᬯᬄᬲᬯᬸᬲ᭄ᬗᬯᬯᬤᬶᬭᬶ᭞ᬭᬶᬦᬦ᭄ᬤᭂᬲᬶᬧᬸᬦᬾᬮᬫ᭄ᬧᬸᬲ᭄᭞ᬲᬧᬸᬦᬧᬶᬳᬦ᭄ᬢᬸᬓᬶᬧᬸᬦ᭄᭞ᬳᬸᬦᬶᬂᬭᬶᬂᬭᬕᬦ᭄ᬲᬂᬦᬵᬣ᭞ᬤᬸᬭᬸᬲ᭄ᬧᬲ᭄ᬯᬾᬘᬦ᭄ᬤᬾᬯᬵ
ᬕᬸᬂ᭞ᬭᬸᬯᬢ᭄ᬧ᭄ᬢᭂᬂᬫᬦᬄᬢᬶᬢ᭄ᬬᬂ᭞ᬓ᭄ᬦᬶᬲᬶᬤ᭄ᬥᬫᭀᬮᬶᬄᬕᬮᬂ᭞ᬥᬹᬄᬳᬤᬶᬲ᭄ᬯᬾᬢᬯᬳᬦᬩᬕᬸᬲ᭄᭞ᬲᬂᬯ᭄ᬬᬧᬶᬯ᭄ᬬᬧᬓ᭞ᬫᬳᬵᬳᬕᬸᬂᬫᬳᬰᬸᬘᬶ᭞ᬳᭂᬦ᭄ᬢᭀᬳ᭄ᬬᬂᬩ᭄ᬭᬵᬳ᭄ᬫ
ᬮᬸᬳᬸᬃ᭞ᬳᬤ᭄ᬬᬢ᭄ᬫᬦᬾᬧᬸᬦᬶᬓᬸ᭞ᬲᬭᬶᬲ᭄ᬓᬶᬓᬦᬶᬂᬚᬕᬢ᭄᭞ᬓ᭄ᬭᬬᬰᬓ᭄ᬢᬶᬦᬶᬂᬳ᭄ᬬᬗᬕᬸᬂ᭞ᬦᬾᬗᬤᬓᬂᬲᬮ᭄ᬯᬶᬃᬳᬤ᭞ᬳᭂᬦ᭄ᬢᭀᬦᬾᬫᬢ᭄ᬕᭂᬲ᭄ᬓᬃᬫ᭄ᬫ᭟᭐᭟ᬧ᭄ᬭᬢᬶᬯᬶᬳ
[᭕᭗ 57A]
ᬧᬄᬢᬾᬚᬳᬓᬰᬩᬬᬸ᭞ᬲᬩᬲᬓᬦ᭄ᬕᬦᬮ᭄᭞ᬳᬤᬶᬪᬸᬢᬦ᭄ᬢᭀᬓᬤᬦᬶᬦ᭄᭞ᬗ᭄ᬳᬶᬂᬮ᭄ᬯᬶᬃᬩᬶᬩᬶᬢᬾᬳᬮᬸᬲ᭄᭞ᬲᬂᬚᬷᬯᬫᬓᬤᬶᬦᬶᬧᬸᬦ᭄᭞ᬳᭂᬦ᭄ᬢᭀᬫᬤᬦᬵᬤᬶᬦᬾᬯ᭞
ᬳᬤ᭄ᬬᬚ᭄ᬜᬦᬾᬧᬸᬦᬶᬓᬸ᭞ᬬᬚ᭄ᬜᬪᬓ᭄ᬢᬶᬦᬾᬤᬶᬭᬕ᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬳᬶᬓᬓ᭟᭐᭟ᬜᬾᬚᬭᬶᬓᬵᬮᬦᬦ᭄ᬤᭂᬲ᭄ᬮᬫ᭄ᬧᬸᬲ᭄᭞ᬲᬤᬸᬓ᭄ᬬᬫᬦᬶᬗ᭄ᬕᬮ᭄᭞ᬲ᭄ᬢᬸᬮᬰᬭᬷᬭᬦ᭄ᬜᬳᬤᬶ᭞
ᬦᬸᬫ᭄ᬧᬼᬓᬶᬗᭂᬢ᭄ᬫᬭᬶᬗᬶᬗ᭄ᬲᬸᬦ᭄᭞ᬢᬦ᭄ᬭᬸᬫ᭄ᬩᬂᬩ᭄ᬬᬧᬭᬓᬳ᭄ᬬᬸᬦ᭄᭞ᬳᭂᬦ᭄ᬢᭀᬲᬶᬦᬄᬢᬦᬮᬗᬦ᭄᭞ᬫᬭᬶᬂᬳᬶᬓᬓᬫᬦᬸᬚᬸ᭞ᬓᬾᬢᭀᬧᬶᬲᬦᬤᬶᬧᬵᬃᬣ᭞ᬳ᭄ᬤᬳᬤᬶᬳᬶᬫ
ᬳᬶᬫ᭟᭐᭟ᬳᬧᬳᬦᬾᬤᬤᬶᬳᬘᭂᬧ᭄ᬓᬬᬸᬦ᭄᭞ᬤᬸᬓ᭄ᬫᭂᬲᬢ᭄ᬚᬷᬯᬦᬾ᭞ᬓᬾᬢᭀᬦᬾᬚᬕᬓᬧᬗ᭄ᬕᬶᬄ᭞ᬬᬦ᭄ᬤᬾᬯᬓᬳᬘᭂᬧ᭄ᬤᬶᬢᬸ᭞ᬲᬶᬦᬄᬭᬶᬂᬤᬾᬯᬫᬦᬸᬚᬸ᭞ᬬᬾ
Page:Bali-lontar-paparikan-bagawadgita-350ppi.pdf/57
Jump to navigation
Jump to search
This page has been proofread.
