[᭔᭕ 45B]
᭔᭕
ᬕᬸᬘᬦ᭄ᬜ᭞ᬗᬭᬭᬶᬲ᭄ᬫᬬᭀᬕᬦᬸᬫᬸᬲ᭄᭞ᬫᬺᬱᬶᬳᬂᬳᬶᬤᬳ᭄ᬬᬂᬚᬷᬯ᭞ᬭᬶᬂᬚᬷᬯᬳᬕᬸᬂᬧᬂᬦᬸᬗ᭄ᬕᬶᬮ᭄᭟᭐᭟ᬭᬕᬩᬳᬸᬮᬯᬦ᭄ᬰᬭᬷᬭ᭞ᬚᭂᬕ᭄ᬚᭂᬕᭂᬦ᭄ᬤᭂᬕ᭄ᬧᬮᬶᬄᬢ᭄ᬯᬭᬓ᭄ᬮ
ᬲᬓ᭄ᬓᭂᬮᬶᬲᬶᬓ᭄᭞ᬢ᭄ᬯᬭᬢᭀᬮᬄᬢᭀᬮᬶᬄᬦᬸᬚᬸ᭞ᬯᬦ᭄ᬢᬄᬭᬶᬗᬕ᭄ᬭᬦᬲᬶᬓᬘᬾᬘᬶᬗᬓᬾᬢᬦ᭄ᬲᬋᬗᭂᬦ᭄ᬤᬸᬓ᭄ᬢᬸᬃᬩᬮᬸᬢ᭄᭞ᬦᬗ᭄ᬳᬶᬂᬫᬲᬶᬄᬧᬗ᭄ᬤᬗᬸᬦ᭄ᬤᬧ᭄᭞ᬓᬾᬢᭀ
ᬳᬤᬶᬲ᭄ᬦᬕ᭄ᬢᬧᬢᬶ᭟᭐᭟ᬤᭂᬕ᭄ᬤᭂᬕ᭄ᬤᬬᬸᬄᬢ᭄ᬯᬭᬳᭀᬩᬄ᭞ᬫᬦᬸᬗ᭄ᬕᬶᬮᬂᬫᬦᬄᬘᬶᬢ᭄ᬢᬩᬸᬤ᭄ᬥᬶᬗᬶᬮᬶᬲ᭄᭞ᬢ᭄ᬯᬭᬭᬸᬫ᭄ᬩᬂᬢ᭄ᬯᬭᬩᬶᬗᬸᬂ᭞ᬩᬩᬦ᭄ᬢᭂᬍᬓ᭄ᬢᭂᬓᬂᬧ᭄ᬭᬡ᭞ᬓᬤᬶᬭᬕ
ᬦ᭄ᬲᬂᬲᬸᬓ᭄ᬮᬩ᭄ᬭᬵᬳ᭄ᬫᬘᬃᬬ᭄ᬬᬾᬓᬸ᭞ᬗᬯᬯᬾᬓᬫᬯᬶᬱᬬ᭞ᬳᬶᬦ᭄ᬤᬶᬓᬾᬫᬦᬸᬚᬸᬩ᭄ᬮᬶ᭟᭐᭟ᬲᬂᬬᭀᬕᬶᬦᬾᬫᬾᬘᬸᬦ᭄ᬤᬗᬂ᭞ᬭᬵᬚᬾᬦ᭄ᬤ᭄ᬭᬶᬬᬚᬷᬯᬦ᭄ᬜᬫᬵᬩᬶᬄᬲ
[᭔᭖ 46A]
ᬳᬶᬲᬳᬶ᭞ᬚᬦ᭄ᬢᭀᬲ᭄ᬢ᭄ᬯᬭᬲᬶᬤ᭄ᬥᬭᬸᬦ᭄ᬢᬸᬄ᭞ᬭᬶᬗᭀᬫ᭄ᬩᬓ᭄ᬭᬕᬤ᭄ᬯ᭄ᬯᬾᬱ᭞ᬤᭂᬕ᭄ᬤᭂᬜᬩ᭄ᬭᬦ᭄ᬫᬢᬶᬢᬶᬲ᭄ᬚᬢᬶᬦᬶᬂᬮᬦ᭄ᬤᬸᬄ᭞ᬲᬶᬤ᭄ᬥᬳᬭᭀᬓ᭄ᬭᬶᬂᬦᬶᬃᬯᬦ᭞ᬦᬾᬳᬤᬤᬶᬭᬕᬦ᭄ᬩᭂᬮᬶ᭟᭐᭟
ᬤᬸᬄᬳᬤᬶᬲᬂᬤᬦᬜ᭄ᬚᬬ᭞ᬲᬂᬫᬬᭀᬕᬢᬦ᭄ᬧᬶᬲᬦ᭄ᬤᬤᬶᬗᬸᬮᬸᬭᬶᬦ᭄᭞ᬫᬋᬧ᭄ᬫᬭᬶᬂᬧᬗᬦ᭄ᬓᬶᬦᬸᬫ᭄᭞ᬩᬲ᭄ᬫᬓᭂᬦ᭄ᬢᬢ᭄ᬯᬭᬫ᭄ᬮᬄ᭞ᬩᬲ᭄ᬫᬕᬤᬂᬩᬲ᭄ᬓᬺᬦ᭄ᬧᬸᬍᬲ᭄ᬮᬸᬯᬸᬂ᭞ᬫᬲᬶ
ᬳᬧᬂᬲᬤᬭᬦ᭞ᬳᬸᬦ᭄ᬤᬸᬓᬾᬫᬗ᭄ᬮᬓ᭄ᬱᬡᬳᬶᬦ᭄᭟᭐᭟ᬳᬶᬦ᭄ᬤᬶᬓᬾᬫᬧᬧᬗᬦᬦ᭄᭞ᬧᬍᬲ᭄ᬩᬗᬸᬦ᭄ᬫᬓᬵᬃᬬ᭄ᬬᬮᬦ᭄ᬗᭂᬮᬶᬧᬸᬃᬤᬶᬭᬶ᭞ᬫᬭᬶᬂᬧᬯᬦ᭄ᬗᬦ᭄ᬫᬦᬹᬢ᭄᭞ᬫᬗ᭄ᬤᬢ
ᬜ᭄ᬚᬢᭀᬲ᭄ᬗ᭄ᬭᬸᬩᬾᬤ᭞ᬬᬾᬦᬶᬂᬓᬾᬢᭀᬢᬗ᭄ᬓᭂᬧᬾᬫᬬᭀᬕᬩᬕᬸᬲ᭄᭞ᬲᬶᬦᬄᬮᬓᬃᬫᬜᬶᬤᬬᬂ᭞ᬗᬶᬮᬗᬂᬓᬦ᭄ᬡᬦ᭄ᬧᬶᬦᬩ᭄ᬤᬩ᭄᭟᭐᭟ᬢᬦ᭄ᬢᭂᬓᭂᬓ᭄ᬩᬦ᭄ᬫᭂᬓᭂᬓ᭄ᬫᬦᬄ
Page:Bali-lontar-paparikan-bagawadgita-350ppi.pdf/46
Jump to navigation
Jump to search
This page has been proofread.
