[᭔᭓ 43B]
᭔᭓
ᬳᭂᬦ᭄ᬢᭀᬲᬦ᭄ᬬᬲᬶᬦ᭄ᬓᬲᭂᬗ᭄ᬕᬸᬄ᭞ᬳᬸᬕᬶᬲᬂᬬᭀᬕᬷᬯᬲ᭄ᬢᬦ᭄ᬜ᭞ᬩᭀᬬᬳᬶᬧᬸᬦ᭄᭞ᬲᬂᬦᬸᬮᬓᭀᬫᬧᬸᬦᬶᬓᬸ᭞ᬩᭀᬬᬲᬂᬫᬦᬸᬮᬓ᭄ᬬᬚ᭄ᬜ᭞ᬩᭀᬬᬲᬂᬦᬸᬮᬓ᭄ᬭᬶᬂᬪᬓ᭄ᬢᬶ᭟
᭐᭟ᬳᭂᬦ᭄ᬢᭀᬲᬂᬫᬮᬲᬂᬭᬕ᭞ᬲᬓᬶᬂᬓᬵᬃᬬ᭄ᬬᬧᬢᭂᬄᬭᬶᬂᬭᬕᬦ᭄ᬲᬂᬬᭀᬕᬷ᭞ᬦᬾᬫᬓᬵᬃᬬ᭄ᬬᬢᬦ᭄ᬢᭂᬕᬸᬮ᭄᭞ᬳᭂᬦ᭄ᬢᭀᬳᬤᬶᬤᬦᬜ᭄ᬚᬬ᭞ᬢ᭄ᬯᬭᬲᬶᬤ᭄ᬥ᭞ᬓᬤᬦᬶᬦ᭄ᬬᭀ
ᬕᬷᬧᬸᬦᬶᬓᬸ᭞ᬬᬦᬶᬂᬢ᭄ᬯᬭᬫᬜᬶᬤ᭄ᬥᬬᬂ᭞ᬗᬸᬢᬗᭂᬤᭀᬢᬾᬭᬶᬂᬧ᭄ᬭᬶᬄ᭟᭐᭟ᬓᬜ᭄ᬘᬦ᭄ᬫᬸᬦᬶᬗᬭᬧ᭄ᬬᭀᬕ᭞ᬓᬵᬃᬬ᭄ᬬᬳᬶᬓᬸ᭞ᬓᬵᬃᬬ᭄ᬬᬳᬶᬓᬸᬩᬦ᭄ᬢᬲ᭄ᬓᬲᭂᬗ᭄ᬕᬸᬄᬧᬶᬭᬦ᭄ᬢᬶ᭞
ᬬᬾᬦᬶᬂᬭᬕᬦᬾᬯᬸᬲ᭄ᬧᬸᬢᬸᬲ᭄᭞ᬯᬸᬲ᭄ᬫᭀᬮᬶᬄᬤᭂᬕ᭄ᬫᭂᬚ᭄ᬜᬦ᭞ᬓᬮᬦ᭄ᬫᬸᬳᬦ᭄᭞ᬓᬳᬗ᭄ᬕᭂᬄᬧᬶᬭᬦ᭄ᬢᬶᬢᬸᬫᬸᬲ᭄᭞ᬳᬓᬾᬢᭀᬳᬤᬶᬲᬂᬧᬵᬃᬣ᭞ᬢᬦ᭄ᬜᬦ᭄ᬤᬂᬓᬾᬫ᭄ᬧᭂᬤᬶ
[᭔᭔ 44A]
ᬳᬢᬶ᭟᭐᭟ᬬᬾᬦᬵᬳᬶᬂᬲᬵᬫ᭄ᬧᬸᬜ᭄ᬚᬢᬶᬩᬾᬩᬲ᭄᭞ᬓᬮᬶᬲ᭄ᬓᬦ᭄ᬢᬲ᭄ᬭᬶᬲᬓᬜ᭄ᬘᬦ᭄ᬓᬵᬃᬬ᭄ᬬᬤᭀᬢ᭄ᬧ᭄ᬭᬶᬄ᭞ᬧᬜ᭄ᬘᬾᬦ᭄ᬤ᭄ᬭᬶᬬᬲᬸᬩᬲᬸᬯᬸᬤ᭄᭞ᬭᬓᭂᬢ᭄ᬭᬶᬂᬧᬜ᭄ᬘᬯᬶᬱᬬ᭞ᬲᬗᬓᬾᬢᭀ
ᬲᬂᬓᬮ᭄ᬧᬦᬶᬤᬯᬸᬲ᭄ᬭᬭᬸᬤ᭄᭞ᬦᬾᬤᬤᬶᬫᬾᬫᬾᬦ᭄ᬤᭀᬢ᭄ᬮᭀᬪ᭞ᬲᬗ᭄ᬓᬦ᭄ᬫᭀᬮᬶᬄᬫᬳᬵᬬᭀᬕᬶ᭟᭐᭟ᬲᬸᬩᬦ᭄ᬲᬂᬓᬮ᭄ᬧᬦᬾᬧᬸᬦᬄ᭞ᬦ᭄ᬢᭀᬲᬂᬚᬶᬯᬗᬭᬕᬗᬃᬯᬢ᭄ᬤᬶ
ᬭᬶ᭞ᬩ᭄ᬤᬶᬂᬬᬦᬯᬶᬤ᭄ᬬᬦᬾᬓᬦ᭄ᬢᬸᬦ᭄᭞ᬲᬂᬚᬷᬯᬜᬢ᭄ᬭᬸᬦᬶᬦ᭄ᬤᬷᬯ᭞ᬭᬾᬄᬚᬢᬶᬦ᭄ᬜ᭞ᬯᬦ᭄ᬢᬄᬲᬂᬚᬷᬯᬧᬸᬦᬶᬓᬸ᭞ᬫᬯᬓ᭄ᬫᬸᬲᬸᬄᬮᬯᬦ᭄ᬭᭀᬯᬂ᭞ᬫᬋᬧ᭄ᬭᬶᬂᬲᬂᬚᬷᬯᬳᬤᬶ᭟᭐᭟ᬚᬷ
ᬯᬦᬾᬬᬦ᭄ᬯᬸᬲᬯᬯ᭞ᬭᬕᬗ᭄ᬭᬕᬲᬂᬚᬷᬯᬲᬬᬂᬭᬶᬂᬤᬶᬭᬶ᭞ᬦᬗ᭄ᬳᬶᬂᬬᬦ᭄ᬲᬂᬚᬶᬯᬤᬸᬭᬸᬂ᭞ᬗᬯᬯᬚᬷᬯᬗᬭᬕ᭞ᬤᬤᬶᬰᬢ᭄ᬭᬸᬫᬋᬧ᭄ᬭᬶᬂᬚᬶᬯᬧᬸᬦᬶᬓᬸ᭞ᬬᬦ᭄ᬢᬦ᭄ᬫᬫ᭄ᬓᭂᬓᬶᬫ
Page:Bali-lontar-paparikan-bagawadgita-350ppi.pdf/44
Jump to navigation
Jump to search
This page has been proofread.
