[᭔᭒ 42B]
᭔᭒
᭞ᬲᬸᬩᬦᬧᬓ᭄ᬓᬲᬶᬤ᭄ᬥᬬᬦ᭄᭞ᬢᬸᬃᬗ᭄ᬭᬭᬶᬲ᭄᭞ᬳᬭᭀᬓ᭄ᬭᬶᬂᬚᬢᬶᬦᬶᬂᬲᬸᬓ᭄ᬮ᭟᭐᭟ᬲᬂᬲᬥᬸᬦᬾᬲᬵᬫ᭄ᬧᬸᬦ᭄ᬧᬹᬃᬡ᭄ᬦ᭞ᬭᬸᬫ᭄ᬩᬂᬤᭀᬱᬦ᭄ᬜᬯᬸᬲ᭄ᬮᬶᬲᬶᬓ᭄᭞ᬭᬶᬂᬓᬬᬸᬦ᭄ᬲᬵᬫ᭄ᬧᬸ
ᬦ᭄ᬫᬦᬸᬗ᭄ᬕᬮ᭄᭞ᬭᬸᬫᬲᬲᬲᬤ᭄ᬬᬦ᭄ᬭᬸᬲᬓ᭄᭞ᬗᬫᬃᬕ᭄ᬕᬶᬦᬶᬦ᭄ᬓᬧᬭᬫᬃᬣᬦ᭄᭞ᬦᬸᬮᬸᬂᬕᬸᬫᬶ᭞ᬳᬕᬸᬫᭀᬮᬶᬄᬓᬦᬶᬃᬫᬮᬦ᭄᭟᭐᭟ᬲᬂᬲᬵᬫ᭄ᬧᬸᬦ᭄ᬫ᭄ᬩᬾᬘᬸᬦ᭄ᬤᬂᬫᬦᬄ᭞ᬭᬕ
ᬤᭀᬢ᭄ᬮᬦ᭄ᬫᭀᬫᭀᬮᬶᬮᬶᬚ᭄᭞ᬜᬶᬗᬓᬶᬤᬲᬂᬳ᭄ᬬᬂᬚᬷᬯ᭞ᬭᬶᬂᬭᬕᬦᬶᬤᬫᬗᬸᬯᬸᬩ᭄᭞ᬲᬂᬓᬾᬢᭀᬫᭀᬮᬶᬄᬦᬶᬯᬦ᭞ᬓᬦ᭄ᬢᬸᬦᬸᬭᬶᬧ᭄᭞ᬢᬦ᭄ᬧᬮᬲ᭄ᬭᬶᬂᬚᬢᬶᬦ᭄ᬲᬸ
ᬓ᭟᭐᭟ᬧᬭᬗ᭄ᬓᬶᬢᬶᬦ᭄ᬤ᭄ᬭᬶᬬᬯᬶᬱᬬ᭞ᬭᬶᬲᬵᬫ᭄ᬧᬸᬦ᭄ᬢᬢᬲ᭄ᬗᬭᬭᬶᬲ᭄᭞ᬫᬼᬲ᭄ᬮᬦᬶᬂᬮᬮᬢ᭞ᬫᬧ᭄ᬭᬡᬬᬫᬫᬗ᭄ᬮᬯᬸᬢ᭄᭞ᬫᬋᬘᬓᬫᬫᬸᬭᬓ᭞ᬓᬸᬫ᭄ᬪᬫᬮᬶᬄ᭞ᬫ
[᭔᭓ 43A]
ᬫᬼᬗᬕ᭄ᬭᬦᬲᬶᬓ᭟᭐᭟ᬲᬶᬤ᭄ᬥᬦᬾᬫ᭄ᬗᭂᬓᬶᬦ᭄ᬤ᭄ᬭᬶᬬ᭞ᬫ᭄ᬩᭂᬓᭂᬤᭀᬢ᭄ᬢᬓᬸᬢ᭄ᬫᬮᬶᬄ᭞ᬫ᭄ᬩᬾᬓ᭄ᬫᭀᬫᭀᬭᬲᬫᬦᬄ᭞ᬲᬂᬚᬷᬯᬤᬶᬓᬵᬮᬤᬶᬢᬸ᭞ᬲᬸᬮᬸᬓ᭄ᬦᬸᬚᬸᬓᬮ᭄ᬧᬲᬦ᭄᭞ᬭᬾᬄᬲᬂᬰᬸ
ᬘᬶ᭞ᬦᬶᬢ᭄ᬬᬲᬗᬫᭀᬂᬦᬶᬃᬫ᭄ᬫᬮ᭟᭐᭟ᬲᬲᬸᬩᬦ᭄ᬢᬯᬗᬶᬓᬓᬫᬾᬦᬫ᭄ᬧᬶᬬᬚ᭄ᬜᬮᬦ᭄ᬪᬓ᭄ᬢᬶ᭞ᬦᬫ᭄ᬧᬶᬩ᭄ᬭᬢᬢᬧᬬᭀᬕ᭞ᬯ᭄ᬬᬧᬶᬯ᭄ᬬᬧᬓᬯᬶᬪᬸᬄ᭞ᬤᬤᬶᬫᬜᬶᬧ᭄ᬢᬲᬓ
ᬜ᭄ᬘᬦ᭄᭞ᬳᬶᬬᬧᬲ᭄ᬢᬶ᭞ᬫᭀᬮᬶᬄᬩᬾᬩᬲ᭄ᬲᬸᬓᬲᬸᬤ᭟᭐᭟ᬓᬃᬫ᭄ᬫᬲᬦ᭄ᬬᬲᬬᭀᬕ᭞ᬧᬸᬧᬸᬢ᭄ᬓᬧᬶᬤᬃᬣᬲᬫᬶ᭞ᬳᭀᬮᬶᬳᬶᬤᬲᬂᬓᬾᬰᬯ᭞ᬭᬶᬗᬶᬤᬂᬧᬵᬃᬣᬳᬶᬓᬸ᭞
ᬫᬸᬕᬶᬋᬱᭂᬧ᭄ᬲᬂᬫᬶᬋᬗᬂ᭞ᬗᬯᬘᬾᬦᬶᬦ᭄᭞ᬗᬶᬭᬶᬂᬫᬸᬭᬸᬓ᭄ᬥ᭄ᬬᬦᬬᭀᬕ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟᭐᭟ᬥᬹᬄᬳᬤᬶᬲᬂᬤᬦᬜ᭄ᬚᬬ᭞ᬲᬂᬫᬓᬵᬃᬬ᭄ᬬᬢᬦ᭄ᬫᭂᬍᬤ᭄ᬭᬶᬂᬧ᭄ᬭᬶᬄᬤᬶᬭᬶ᭞
Page:Bali-lontar-paparikan-bagawadgita-350ppi.pdf/43
Jump to navigation
Jump to search
This page has been proofread.
