Page:Bali-lontar-paparikan-bagawadgita-350ppi.pdf/40

From Wikisource
Jump to navigation Jump to search
This page has been proofread.

[᭓᭘ 38B]
᭓᭘
ᬲᬶᬢᬫ᭄ᬩᭂᬢ᭄ᬗᭀᬃᬢᬬᬂ᭞ᬳᬶᬦ᭄ᬤᬶᬓ᭄ᬩᬶᬦᬦ᭄ᬜᬧᬸᬦᬶᬓᬶ᭞ᬲᬗ᭄ᬓ᭄ᬬᬮᬯᬦ᭄ᬓᬃᬫ᭄ᬫᬬᭀᬕ᭞ᬩᭀᬩᬵᬲᬩᬩᬯᭀᬲ᭄ᬲᬂᬲᬥᬸ᭞ᬬᬦᬶᬂᬩᬶᬮᬶᬄᬢᬸᬗ᭄ᬕᬶᬮ᭄ᬲᬶᬤ᭄ᬥ᭞ᬓᬫᬃᬕ᭄ᬕᬶᬦᬶᬦ᭄᭞ᬯᭀᬄ
ᬦᬾᬓᬓᬮᬶᬄᬓ᭄ᬦᬶᬬᬂ᭟᭐᭟ᬕ᭄ᬦᬳᬾᬲᬦᬾᬓ᭄ᬦᬶᬬᬂ᭞ᬳᭀᬮᬶᬄᬭᬕᬦ᭄ᬲᬂᬲᬦ᭄ᬬᬲᬶᬚ᭄᭞ᬲᬶᬬᭀᬕᬶᬢᬍᬃᬗᭂᬦᬶᬬᬂ᭞ᬬᬦᬶᬤᬲᬂᬚᬕ᭄ᬭᬳᬦ᭄ᬤᬸᬮᬸ᭞ᬳᬶᬦ᭄ᬤᬶᬓ᭄ᬬᭀᬕᬮᬯ
ᬦ᭄ᬲᬗ᭄ᬓ᭄ᬬ᭞ᬯᬦ᭄ᬢᬄᬢᬸᬗ᭄ᬕᬶᬮ᭄᭞ᬢᬦ᭄ᬧᬢᬹᬢ᭄ᬬᬾᬦᬶᬂᬧᬮᬲᬂ᭟᭐᭟ᬲᬂᬲᬦ᭄ᬬᬓᬬᬾᬦᬶᬂᬢ᭄ᬯᬭ᭞ᬗᬫᬃᬕ᭄ᬕᬶᬦᬶᬦ᭄ᬬᭀᬕᬳᬤᬶ᭞ᬲᬶᬦᬄᬲᬸᬓᬶᬮ᭄ᬓᬓ᭄ᬦᬶᬬᬂ᭞ᬢᬢᬸᬚᭀᬦᬶ
ᬪᬧᬸᬦᬶᬓᬸ᭞ᬲᬗ᭄ᬓᬦ᭄ᬫᬮᬄᬬᬜ᭄ᬘᭂᬧᬸᬓᬂ᭞ᬬᭀᬕᬫᬸᬦᬶ᭞ᬕ᭄ᬮᬶᬲᬭᭀᬓ᭄ᬭᬶᬳ᭄ᬬᬂᬢᬶᬢᬄ᭟᭐᭟ᬦ᭄ᬢᭀᬳᬶᬤᬲᬂᬓᬵᬃᬫ᭄ᬫᬬᭀᬕ᭞ᬦᬾᬲᬵᬫ᭄ᬧᬸᬦ᭄ᬗᬯᬰᬤᬶᬭᬶ᭞ᬚᬷᬯᬢᬺ
[᭓᭙ 39A]
ᬲᬶᬄᬚᬶᬦᬾᬦ᭄ᬤ᭄ᬭᬶᬬ᭞ᬚᬷᬯᬦᬶᬤᬦᬾᬧᬸᬦᬶᬓᬸ᭞ᬳᬸᬕᬶᬤᬤᭀᬲ᭄ᬚᬷᬯᬜ᭄ᬚᬕᬢ᭄᭞ᬬᬤ᭄ᬬᬧᬶᬦ᭄᭞ᬗᬫ᭄ᬩᬶᬮ᭄ᬓᬵᬃᬬ᭄ᬬᬢᬦ᭄ᬓᬩᬱ᭄ᬝ᭟᭐᭟ᬬᬦᬶᬤᬲᬂᬬᭀᬕᬶᬓᬃᬫ᭄ᬫ᭞ᬦᬾᬳᬸᬦᬶᬂᬭᬶᬂ
ᬥᬃᬫ᭄ᬫᬚᬢᬶ᭞ᬭᬸᬫᬲᬢ᭄ᬢᬦ᭄ᬗᬸᬤ᭄ᬬᬂᬗᬸᬤ᭄ᬬᬂ᭞ᬤᬸᬓ᭄ᬜᬶᬗᬓ᭄ᬩᬸᬲᬸᬦ᭄ᬫᬗᬫ᭄ᬩᬸᬂ᭞ᬤᬸᬓ᭄ᬱᬶᬋᬧ᭄ᬮᬸᬗ᭄ᬳᬵᬫᬗᬶᬳᬦ᭄᭞ᬫᬗᬦ᭄ᬫᬮᬶᬄ᭞ᬭᬸᬫᬲᬢ᭄ᬳᬦ᭄ᬗᬭᬲᬧ᭟᭐᭟ᬓᬵᬮᬳᬶᬤᬫᬯᬘᬦ
᭞ᬫᬕᬫ᭄ᬮᬦ᭄ᬫᬗ᭄ᬮᬾᬩᬶᬦ᭄᭞ᬗᬸᬗ᭄ᬓᬩ᭄ᬮᬦ᭄ᬦᬸᬢᬸᬰ᭄ᬘᬘᬶᬗᬓ᭄᭞ᬧᬦᬫ᭄ᬧᬾᬦᬶᬤᬭᬶᬂᬓᬬᬸᬦ᭄᭞ᬩᬦ᭄ᬢᬲᬶᬧᬜ᭄ᬘᬇᬦ᭄ᬤ᭄ᬭᬶᬬ᭞ᬫᬧᬓᬃᬤ᭄ᬥᬶ᭞ᬗᬢ᭄ᬧᬶᬦᬜ᭄ᬘᬯᬶᬱᬬ᭟᭐᭟ᬲᬂᬫᬓᬵᬃ
ᬬ᭄ᬬᬗᭂᬗ᭄ᬕᬸᬄᬬᬚ᭄ᬜ᭞ᬦᬾᬬᭀᬕ᭄ᬬᬓᬢᬸᬃᬭᬶᬂᬭᬶᬥᬷ᭞ᬢᬦ᭄ᬫᭂᬭᬶᬳᬂᬓᬃᬫ᭄ᬫᬨᬮ᭞ᬦᬾᬢᬶᬩᬭᬶᬂᬤᬾᬯᬾᬓᬶᬧᬸᬦ᭄᭞ᬢᬦ᭄ᬓᬮᬜ᭄ᬘᬄᬧᬧᬤᭀᬱ᭞ᬦ᭄ᬢᭀᬬᬧᬲ᭄ᬢᬶ᭞ᬫᭂᬦ᭄ᬢᬲ᭄ᬭᬶᬂᬤᬯᬸ