[᭓ 3B]
᭓
ᬢᬶᬢ᭄ᬬᬂᬗᬸᬦᬶᬗᬬᬂᬫᬗ᭄ᬓᬶᬦ᭄᭞ᬧᬭᬧ᭄ᬭᬯᬷᬭᬦᬾᬍᬯᬶᬄ᭞ᬯᬢᭂᬓ᭄ᬧ᭄ᬭᬚᬸᬭᬶᬢ᭄ᬧᬸᬦᬶᬓᬸ᭞ᬦᬾᬤᬤᭀᬲ᭄ᬭᬋᬓ᭄ᬱᬦ᭄ᬢᬶᬢ᭄ᬬᬂ᭞ᬢᬦᬺᬋᬤ᭄ᬜᬭᬸᬯᬗᬸᬭᬶᬧ᭄᭞ᬢᬸᬭᬶᬦ᭄ᬲᬗ᭄ᬕᬸᬧ᭄᭞
ᬗᬯᬾᬓᬲᭀᬪᬕ᭄ᬬᬢ᭄ᬬᬂ᭟᭐᭟ᬥᬂᬕᬸᬭᬸᬲᬦᬾᬧ᭄ᬭᬢᬫ᭞ᬋᬱᬶᬪᬶᬱ᭄ᬫᬓᬧᬶᬂᬓᬮᬶᬄ᭞ᬳᬸᬢᬸᬗ᭄ᬕᬦᬶᬂᬓᬸᬭᬸᬓᬸᬮ᭞ᬫᬶᬯᬄᬲᬂᬓᬃᬡ᭄ᬦᬪᬹᬧᬢᬶ᭞ᬦᬾᬩᬗᭂᬢ᭄ᬢᬦ᭄ᬧ
ᬧᬓᬾᬭᬶᬂ᭞ᬥᬗ᭄ᬳ᭄ᬬᬂᬓᬺᬧᬲᬂᬯᬶᬪᬸᬄ᭞ᬧᬱ᭄ᬘᬢ᭄ᬫᬭᬶᬂᬥᬦᬹᬃᬯᬾᬤ᭞ᬅᬰ᭄ᬯᬢ᭄ᬢᬯᬶᬓᬃᬡ᭄ᬦᬫᬮᬶᬄ᭞ᬲᬫᬶᬳᬸᬗ᭄ᬕᬸᬮ᭄᭞ᬫᬶᬯᬄᬲᭀᬫᬤᬢᬧᬸᬢ᭄ᬭ᭟᭐᭟ᬓᬢᬄᬫ
ᬬᬶᬄᬯᬢᭂᬓ᭄ᬯᬷᬭ᭞ᬦᬾᬮᬕᬲ᭄ᬗᭂᬢᭀᬳᬗᬸᬭᬶᬧ᭄᭞ᬗᭂᬢ᭄ᬢᬶᬬᬂᬓᬚᬬᬦ᭄ᬢᬶᬢ᭄ᬬᬂ᭞ᬲᬫᬶᬫᬲᬜ᭄ᬚᬢᬍᬯᬶᬄ᭞ᬲᬫ᭄ᬬᬦ᭄ᬯᬕᭂᬤ᭄ᬭᬶᬂᬚᬸᬭᬶᬢ᭄᭞ᬭᬶᬂᬧᬮᬕᬦ᭄ᬲᬫᬶᬩᬸᬭᬸᬄ᭞
[᭔ 4A]
ᬧᬸᬦᬶᬓᬳᬸᬦᬶᬗᬂᬢᬶᬢ᭄ᬬᬂ᭞ᬓ᭄ᬦᬶᬧᬯᬶᬓᬦ᭄ᬲᬂᬋᬱᬶ᭞ᬫᬮᬶᬳᬶᬧᬸᬦ᭄᭞ᬲᬬᬕᬗᬶᬭᬶᬂᬧᬭᬡ᭄ᬥ᭟᭐᭟ᬫᬮᬶᬄᬳᬾᬩᭂᬓ᭄ᬚᭂᬚᭂᬮ᭄ᬯᬤ᭄ᬯ᭞ᬩᬋᬂᬓ᭄ᬱᬦ᭄ᬲᬂᬪᬶᬱ᭄ᬫᬋᬱᬶ᭞ᬓᬢᬄ
ᬢᬦ᭄ᬓᭂᬦᬶᬯᬶᬦᬶᬮᬂ᭞ᬤ᭄ᬭᬸᬯᬾᬦ᭄ᬧᬭᬡ᭄ᬥᬳᬶᬭᬶᬓᬶ᭞ᬗ᭄ᬳᬶᬂᬯᬤ᭄ᬯᬲᬦᬾᬓᬓᬢᬶᬓ᭄᭞ᬳᭀᬮᬶᬄᬲᬂᬪᬷᬫᬧᬸᬦᬶᬓᬸ᭞ᬲᬵᬫ᭄ᬧᬸᬦ᭄ᬩᬗᭂᬢ᭄ᬓᬶᬜ᭄ᬘᬶᬢ᭄ᬧᬶᬲᬦ᭄᭞ᬬᬦ᭄ᬯᬕᬄᬫᬳᬶᬦ
ᬩ᭄ᬓᭂᬦᬶ᭞ᬭᬾᬳᬶᬰᬢ᭄ᬭᬸ᭞ᬲ᭄ᬓᭂᬦᬶᬧᬸᬦᬶᬦᬩᬮ᭟᭐᭟ᬲᬧᬸᬦᬶᬓᬓᬳᬢᬸᬭᬶᬤ᭞ᬓᬦ᭄ᬫᬸᬕᬶᬳᬶᬤᬗᬭᬭᬶᬲ᭄᭞ᬚᬸᬫᬼᬕ᭄ᬚ᭄ᬭᭀᬦᬶᬂᬩᬭᬶᬲᬦ᭄᭞ᬩᬦ᭄ᬤᬶᬓᬭᬶᬗᬶᬧ᭄ᬭᬚᬸᬭᬶᬢ᭄᭞
ᬓᬮᬶᬄᬯᬢᭂᬓ᭄ᬯᬷᬭᬲᬫᬶ᭞ᬫᬗ᭄ᬤᬾᬢᬦ᭄ᬗᭂᬫ᭄ᬩᬢᬦ᭄ᬲᬸᬭᬸᬤ᭄᭞ᬗᬭᬵᬓ᭄ᬱᬲᬂᬋᬱᬶᬪᬶᬱ᭄ᬫ᭞ᬲᬂᬫᬓᬫᬹᬓ᭄ᬬᬦᬶᬂᬚᬸᬭᬶᬢ᭄᭞ᬫᬗ᭄ᬤᬾᬦ᭄ᬕᬸᬮᬸᬓ᭄᭞ᬫᬦᬹᬢ᭄ᬮᬶᬗ᭄ᬕᬶᬄᬲᭀᬯᬂᬲᭀ
Page:Bali-lontar-paparikan-bagawadgita-350ppi.pdf/4
Jump to navigation
Jump to search
This page has been proofread.
