[᭓᭗ 37B]
᭓᭗
ᬲᬂᬲᬥᬸ᭞ᬢᬫᬦᬦ᭄ᬰᬾᬱᬦᬶᬂᬓᬢᬸᬃ᭞ᬲᬰᬶᬱᬦᬶᬂᬬᬚ᭄ᬜ᭞ᬲᬗ᭄ᬓᬦᬶᬤᬫᭀᬫᭀᬮᬶᬄᬰᬸᬘᬶ᭞ᬚᬕᬳᬶᬓᬸ᭞ᬢᬦ᭄ᬕᭂᬮᬄᬲᬂᬢᬦ᭄ᬧᬬᬚ᭄ᬜ᭟᭐᭟ᬲᬮ᭄ᬯᬶᬭᬶᬧᬸᬦ᭄᭞
ᬪᬓ᭄ᬢᬶᬬᬚ᭄ᬜᬦᬾᬓᬳᬢᬸᬃ᭞ᬲᬫᬶᬓᬵᬃᬬ᭄ᬬᬦ᭄ᬫᬦᬄ᭞ᬳᬗ᭄ᬕᬘᬶᬢ᭄ᬢᬮᬯᬦ᭄ᬩᬸᬤ᭄ᬥᬶ᭞ᬳᭂᬦ᭄ᬢᭀᬢᬸᬳᬸ᭞ᬳᬦᬾᬗᬦ᭄ᬢᭂᬕᬂᬓᬫᭀᬓ᭄ᬱᬦ᭄᭟᭐᭟ᬩᬗᭂᬦ᭄ᬮᬸᬳᬸᬃ,ᬲᬂᬪ
ᬓ᭄ᬢᬶᬩᬳᬦ᭄ᬓᬯ᭄ᬭᬸᬄ᭞ᬓᬯ᭄ᬭᬸᬄᬓᬰᬸᬘ᭄ᬬᬦ᭄᭞ᬩᬦ᭄ᬤᬶᬂᬪᬓ᭄ᬢᬶᬳᬶᬲᬶᬦ᭄ᬕᬸᬫᬶ᭞ᬭᬾᬄᬓᬵᬃᬬ᭄ᬬᬾᬓᬸ᭞ᬫᬯᬶᬢ᭄ᬲᬓᬶᬂᬯ᭄ᬭᬸᬳᬦ᭄᭟᭐᭟ᬳᬤᬶᬩᬕᬸᬲ᭄᭞ᬪᬓ᭄ᬢᬶᬰᬾᬯᬡ
ᬧᬂᬓᬸᬓᬸᬄ᭞ᬗᬭᬧ᭄ᬪᬓ᭄ᬢᬶᬫᬃᬕ᭄ᬕ᭞ᬲ᭄ᬯᬤᬬᬮᬦ᭄ᬕᬸᬭᬸᬪᬓ᭄ᬢᬶ᭞ᬭᬾᬄᬪᬓ᭄ᬢᬾᬓᬸ᭞ᬦᬸᬤᬸᬢ᭄ᬲᬂᬚᬕᬫᬗᬚᬄ᭟᭐᭟ᬬᬦᬶᬂᬲᬵᬫ᭄ᬧᬸᬦ᭄᭞ᬫᬓ᭄ᬚᬂᬘᬶᬗᬓᬶᬩᬕᬸᬲ᭄᭞
[᭓᭘ 38A]
ᬳᬤᬚ᭄ᬭᭀᬦᬶᬗᬢ᭄ᬫ᭞ᬓᬓᬸᬯᬸᬩ᭄ᬩᬦ᭄ᬤᬾᬯᬾᬓ᭄ᬩᭂᬮᬶ᭞ᬓᬵᬮᬤᬶᬢᬸ᭞ᬓᬵᬮᬤᬶᬢᬸ᭞ᬳᬤᬶᬲᬸᬯᬸᬤ᭄ᬓᬩᬶᬗᬸᬗᬦ᭄᭟᭐᭟ᬬᬤ᭄ᬬᬲ᭄ᬢᬸᬦ᭄᭞ᬚ᭄ᬭᭀᬦᬶᬂᬤᭀᬱᬦᬾᬳᬕᬸᬂ᭞
ᬳᬤᬶᬧᬶᬦᬶᬄᬤᭀᬱ᭞ᬳᭀᬮᬶᬓᬯ᭄ᬭᬸᬳᬦ᭄ᬧᬸᬦᬶᬓᬶ᭞ᬲᬾᬲᬢ᭄ᬧ᭄ᬭᬳᬸ᭞ᬗᬮᬶᬦ᭄ᬢᬂᬲᬫᬸᬤ᭄ᬭᬤᭀᬱ᭟᭐᭟ᬓᬃᬫ᭄ᬫᬳᬶᬓᬸ᭞ᬬᬦ᭄ᬩᭀᬃᬩᭀᬃᬳᬧᬶᬦ᭄ᬓᬯ᭄ᬭᬸᬄ᭞ᬲᬶᬤ᭄ᬥᬪᬰ᭄ᬫᬶᬪᬸ
ᬢ᭞ᬓᬤᬶᬓᬬᬸᬲᬵᬓ᭄ᬱᬢ᭄ᬧᬢᬶᬲ᭄᭞ᬤᬤᭀᬲᬩᬸ᭞ᬬᬦ᭄ᬩᭀᬃᬩᭀᬃᬳᬧᬶᬫᬗᬭᬩ᭄᭟᭐᭟ᬬᭀᬕᬳᬶᬓᬸ᭞ᬦᬾᬗᬸᬯᬸᬩ᭄ᬳᬧᬶᬓᬯ᭄ᬭᬸᬄ᭞ᬓᬤᬶᬚᬓ᭄ᬱᬦᬬᬦ᭄᭞ᬍᬯᬶᬄ
ᬢᬦᬦᬜᬫᬾᬦᬶᬦ᭄᭞ᬭᬶᬂᬧᬫᬸᬧᬸᬢ᭄᭞ᬗᬮᬶᬄᬰᬸᬘᬶᬚ᭄ᬭᭀᬦᬶᬂᬚᬷᬯ᭟᭐᭟ᬦ᭄ᬢᭀᬲᬂᬢᬢᬸ᭞ᬢᬼᬩ᭄ᬚ᭄ᬭᭀᬦᬶᬂᬧᬗᬸᬕᬸ᭞ᬮᬜ᭄ᬚᬶᬢᬾᬦ᭄ᬤ᭄ᬭᬶᬬ᭞ᬓᬯᬶᬘᬓ᭄ᬱᬦᬦᬾᬧ
Page:Bali-lontar-paparikan-bagawadgita-350ppi.pdf/38
Jump to navigation
Jump to search
This page has been proofread.
