[᭒᭙ 29B]
᭒᭙
ᬗᬳᬶᬂᬲᬂᬚᬕ᭄ᬭᬭᬶᬂᬗ᭄ᬳᬢᬶ᭞ᬳᬸᬕᬶᬳᬶᬤ᭞ᬢᬦ᭄ᬗᬃᬤ᭄ᬥᬶᬜ᭄ᬗ᭄ᬲᬂᬧᬮᬶᬂ᭟᭐᭟ᬲᬓᬜ᭄ᬘᬦ᭄ᬓᬓᭂᬜ᭄ᬘᬦᬾᬦ᭄ᬢᭀᬢᬸᬚᬸᬯᬂ᭞ᬫᬗᬶᬮᬶᬲ᭄ᬢᭂᬓᬾᬦᬶᬂᬩ᭄ᬮᬶ᭞ᬳᬢᬶᬦᬾᬢᬸᬗ᭄ᬕᬮᬂ᭞ᬧᭂ
ᬍᬗᬶᬤᬲᬂᬳ᭄ᬬᬗᬢ᭄ᬫ᭞ᬢᭂᬩᭀᬢᬓᬸᬦᬾᬲᬧ᭄ᬲᬧᬶᬦ᭄᭞ᬕ᭄ᬢᬧᬾᬓᬸᬢᬂ᭞ᬮᬯᬸᬢᬂᬫᬬᬸᬤ᭄ᬥᬳᬤᬶ᭟᭐᭟ᬲᬂᬦᬸᬳᬸᬢᬂᬦᬼᬩᬂᬧᬗᬚᬄᬓᬓ᭞ᬢᬸᬭᬶᬂᬓᬲ᭄ᬬᬫᬭᬶᬂᬧ᭄ᬭᬶᬄ᭞
ᬳᭂᬦ᭄ᬢᭀᬳᬦᬓ᭄ᬱᬤ᭄ᬬ᭞ᬩᬾᬩᬲ᭄ᬢ᭄ᬯᬭᬢ᭄ᬕᬸᬮ᭄ᬓᬃᬫ᭄ᬫ᭞ᬬᬤ᭄ᬬᬜ᭄ᬚᬋᬚᭂᬂᬫᬵᬲ᭄ᬫᬡᬶᬓ᭄᭞ᬲᬸᬓᬯᬳ᭄ᬬ᭞ᬫᬗ᭄ᬕᭂᬄᬭᬶᬂᬓᬬᬸᬦᬾᬩᬺᬱᬶᬄ᭟᭐᭟ᬲᬂᬫᬜᬾᬤᬢᬸᬮᬓ᭄ᬭᬶᬂᬧᬗᬚᬄ
ᬓᬓ᭞ᬢ᭄ᬯᬭᬭᬸᬗᬸᬢ᭄ᬯᬭᬳᬶᬲ᭄ᬭᬶᬓ᭄᭞ᬢᬦ᭄ᬫᭂᬍᬤ᭄ᬗᭂᬘᬧᬂ᭞ᬢ᭄ᬯᬭᬶᬂᬧᬗᬸᬕᬸᬦᬾᬳᬶᬮᬂ᭞ᬳᬦᬓᬾᬳᬓᬾᬢᭀᬳᬤᬶ᭞ᬲᬶᬦᬄᬩᬸᬢ᭞ᬭᬶᬂᬓᬰᬸᬘ᭄ᬬᬦ᭄ᬢᬦᬚᬶᬦ᭄᭟᭐᭟
[᭓᭐ 30A]
ᬘᭂᬧᬗᬶᬤᬲᬂᬫᬭᬕᬸᬩᬸᬤ᭄ᬥᬶᬲ᭄ᬭᬚ᭄ᬜᬦ᭄᭞ᬲᬓᬶᬂᬓᬧ᭄ᬭᬚ᭄ᬜᬦᬦ᭄ᬓᬓᬵᬃᬤ᭄ᬥᬶ᭞ᬓᬾᬢᭀᬫᬲᬶᬳᬶᬬ᭞ᬲᬯᬢᭂᬓ᭄ᬦᬾᬫᬧᬯᭀᬗᬦ᭄᭞ᬗᬦᬹᬢ᭄ᬬᭀᬦᬶᬫᬧᬓᬃᬤ᭄ᬥᬶ᭞ᬬᬦ᭄ᬫᬫᬓ᭄ᬱ
᭞ᬲᬶᬦᬄᬧᬸᬧᬸᬢ᭄ᬜᬢᬦ᭄ᬩᭂᬘᬶᬓ᭄᭟᭐᭟ᬯ᭄ᬦᭂᬂᬮᬦᬾᬮᬶᬓᬾᬭᬶᬂᬲᬃᬯ᭄ᬯᬯᬶᬱᬬ᭞ᬦᬾᬳᬤᬭᬶᬂᬓᬜ᭄ᬘᬦᬦ᭄ᬥᬶᬓ᭄᭞ᬫᬓ᭄ᬚᬗᬶᬦ᭄ᬤ᭄ᬭᬶᬬ᭞ᬲᬗ᭄ᬓᬦ᭄ᬤᬳᬶᬥᬤᬶᬜ᭄ᬭᬄ᭞ᬢ᭄ᬓᬾᬦᭂᬦ᭄ᬢᭀᬫᬓᬓ
ᬮᬶᬄ᭞ᬮ᭄ᬓᭂᬢ᭄ᬓ᭄ᬭᭀᬥ᭞ᬭᬾᬄᬳᭂᬦ᭄ᬢᭀᬧᬫ᭄ᬬᬮᬂᬲᬫᬶ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬫ᭄ᬮᬳᬦ᭄ᬗᬭᬧ᭄ᬲ᭄ᬯᬥᬃᬫ᭄ᬫ᭞ᬬᬤ᭄ᬬᬦ᭄ᬧᬸᬧᬸᬢ᭄ᬓᬶᬭᬂᬩ᭄ᬘᬶᬓ᭄᭞ᬩᬦ᭄ᬤᬶᬂᬗᬭᬧ᭄ᬧᬭᬥᬃᬫ᭄ᬫ᭞ᬬ
ᬤ᭄ᬬᬦ᭄ᬧᬭᬶᬧᬹᬃᬡ᭄ᬦᬳᬤᬶ᭞ᬬᬦ᭄ᬗᬫ᭄ᬩᬶᬮ᭄ᬧᬫᭀᬗᬦ᭄ᬤᬶᬭᬶ᭞ᬓᬤᬸᬂᬚᬗ᭄ᬫᬲᬶᬦ᭄ᬮᬫ᭄ᬧᬸᬲ᭄᭞ᬦ᭄ᬢᭀᬓᬦ᭄ᬢᬸᬦᬸᬢ᭄ᬢᬫᬬᬦ᭄᭞ᬓᬾᬢᭀᬳᬤᬶᬲᬂᬓᬶᬭᬶᬣᬶ᭞ᬩᬦ᭄ᬤᬶᬂᬩᬕᬸᬲ᭄᭞ᬪᬬ
Page:Bali-lontar-paparikan-bagawadgita-350ppi.pdf/30
Jump to navigation
Jump to search
This page has been proofread.
