Page:Bali-lontar-paparikan-bagawadgita-350ppi.pdf/29

From Wikisource
Jump to navigation Jump to search
This page has been proofread.

[᭒᭘ 28B]
᭒᭘
ᬬᬾᬦᬶᬂᬦᬳᬦ᭄ᬩᭂᬮᬢ᭄ᬯᬭᬗᬫ᭄ᬩᬶᬮ᭄ᬓᬵᬃᬬ᭄ᬬ᭞ᬫᬋᬧ᭄ᬭᬶᬂᬲᬮ᭄ᬯᬶᬭᬸᬭᬶᬧ᭄᭞ᬲᬶᬦᬄᬦ᭄ᬢᭀᬳᬶᬚᬕᬢ᭄᭞ᬭᬯᬸᬄᬲᬓᬜ᭄ᬘᬦ᭄ᬤᬕᬶᬂᬜ᭞ᬫᬶᬢᬸᬭᬸᬢ᭄ᬧ᭄ᬭᬢᬶᬗ᭄ᬓᬄᬩ᭄ᬮᬶᬄᬓᬾᬢᭀᬧᬵᬃ
ᬣ᭞ᬤᬧᭂᬲᬦ᭄ᬩᬶᬗᬸᬂᬤᬶᬳᬢᬶ᭟᭐᭟ᬯᬶᬭᬾᬄᬬᬦᬶᬂᬩ᭄ᬮᬶᬲᬸᬳᬸᬤ᭄ᬫᬕᬭᬧᬦ᭄᭞ᬚᬕᬢᬾᬲᬶᬦᬄᬬᬤᬕ᭄ᬥᬶ᭞ᬤᬶᬓᬵᬮᬧᬸᬦᬶᬓ᭞ᬩ᭄ᬮᬶᬤᬤᬶᬓᬵᬮᬵᬦ᭄ᬢᬓ᭞ᬲᬦᬾᬩ
ᬗᭂᬢ᭄ᬫᬗᬺᬱᬺᬱᬶᬦ᭄᭞ᬫᬗ᭄ᬭᬸᬲᬓᬂ᭞ᬫᬺᬮᬶᬡᬚᬕᬢᬾᬲᬫᬶ᭟᭐᭟ᬓᬤᬶᬢᬂᬲᭂᬳᬶᬩ᭄ᬮᭀᬕ᭄ᬫᬗᬫ᭄ᬩᬶᬮ᭄ᬓᬵᬃᬬ᭄ᬬ᭞ᬲᬦᬾᬫᬶᬲᬭᬢ᭄ᬧᬶᬓᭀᬮᬶᬄ᭞ᬓᬾᬢᭀᬓᬬᭀ
ᬩ᭄ᬬᬦ᭄ᬜ᭞ᬢᬂᬲᭂᬄᬲᬂᬧ᭄ᬭᬚ᭄ᬜᬦ᭄ᬫᬓᬵᬃᬬ᭄ᬬ᭞ᬦᬗ᭄ᬳᬶᬂᬢᬦ᭄ᬗᬸᬮᬳᬂᬤᬶᬭᬶ᭞ᬢ᭄ᬯᬄᬫᬶᬲᬭᬢ᭄᭞ᬗᬃᬤ᭄ᬥᬶᬓᬭᬳᬬᭀᬦ᭄ᬕᬸᬫᬶ᭟᭐᭟ᬳᬸᬕᬶᬳᬶᬤᬲᬂᬭᬸᬫᬕᬫᬳᬵᬚ᭄ᬜᬦ᭞ᬢᬦ᭄ᬗᬃ
[᭒᭙ 29A]
ᬤ᭄ᬥᬶᬲᬂᬢᬫ᭄ᬩᭂᬢ᭄ᬨᬮᬶ᭞ᬲᬦᬾᬓᬦ᭄ᬢᬸᬦ᭄ᬗᬭᬧ᭄᭞ᬓᬵᬃᬬ᭄ᬬᬲᬓᬶᬂᬦᬶᬜ᭄ᬚᭀᬨᬮ᭞ᬫᬗ᭄ᬕ᭄ᬭᬬᬗᬶᬧᬸᬦ᭄ᬫᬓᬃᬤ᭄ᬥᬶ᭞ᬲᬫ᭄ᬩᬶᬮᬶᬤ᭞ᬗᬶᬘ᭄ᬘᬾᬦᬶᬫ᭄ᬩᬗᬭᬧ᭄ᬪᬓ᭄ᬢᬶ᭟᭐᭟ᬲᬩᬘᬓᬦ᭄ᬧᭀ
ᬮᬄᬓᬵᬃᬬ᭄ᬬᬓᬯᬸᬗᬸᬦᬂ᭞ᬲᬓᬶᬂᬕᬸᬡᬦᬶᬂᬧ᭄ᬭᬓᬺᬢ᭄ᬢᬶ᭞ᬦᬗ᭄ᬳᬶᬂᬦ᭄ᬢᭀᬲᬂᬮᭀᬪ᭞ᬲᬦᬾᬓᬮᬶᬧᬸᬢᬗ᭄ᬓᬭ᭞ᬲ᭄ᬓᭂᬦ᭄ᬗ᭄ᬭᬲᬬᬂᬤᬶᬳᬢᬶ᭞ᬢ᭄ᬯᬄᬲᬂᬚᬷᬯ᭞ᬢᭂᬦ᭄ᬢᭀᬳᬦᬾᬫᬓ
ᬤ᭄ᬥᬶ᭟᭐᭟ᬦ᭄ᬢᭀᬲᬂᬯᬶᬓᬦ᭄‌ᬦᬾᬢᬢᬲ᭄ᬭᬶᬂᬧᬩᬶᬦᬬᬦ᭄᭞ᬚᬷᬯᬮᬦ᭄ᬕᬸᬡᬧᬸᬦᬶᬓᬶ᭞ᬲᬸᬫ᭄ᬓᭂᬦᬶᬕᬸᬡ᭞ᬫᬧᭀᬮᬄᬚ᭄ᬭᭀᬦᬶᬂᬕᬸᬡ᭞ᬩᭀᬬᬲᬂᬚᬷᬯᬫᬓᬃᬤ᭄ᬥᬶ᭞ᬦ᭄ᬢᭀᬗᬯᬶ
ᬦᬂ᭞ᬩᬾᬩᬲ᭄ᬭᬶᬂᬕᬸᬡᬦ᭄ᬧᬓᬃᬤ᭄ᬥᬶ᭟᭐᭟ᬬᬦᬶᬢᬫ᭄ᬩᭂᬢ᭄‌ᬲᬦᬾᬓᬦ᭄ᬢᬸᬦ᭄ᬓᬩᬶᬗᬸᬗᬦ᭄᭞ᬳᭀᬮᬶᬄᬯᬶᬱᬬᬧ᭄ᬭᬓᬺᬢ᭄ᬢᬶ᭞ᬳᭂᬦ᭄ᬢᭀᬲᬸᬩᬲᬶᬦᬄ᭞ᬢ᭄ᬕᬸᬮ᭄ᬨᬮᬮᬦᬘᭂᬧᬦ᭄᭞