[᭒᭗ 27B]
᭒᭗
ᬯᬶᬥᬷ᭞ᬢ᭄ᬯᬭᬓᭀᬩᭂᬢ᭄ᬢ᭄ᬯᬭᬳᭂᬦ᭄ᬢᬸᬕ᭄᭞ᬯᬶᬭᬾᬄᬳᬶᬥᭂᬧᬾᬫᬗᬶᬮᬶᬲ᭄᭞ᬜᬓ᭄ᬱᬸᬓᬦ᭄ᬓᬤᬓ᭄ᬳ᭄ᬬᬦ᭄᭞ᬫᬋᬧ᭄ᬭᬶᬂᬳᬶᬤᬳ᭄ᬬᬗᬕᬸᬂ᭞ᬤᬶᬢᬸᬫᬫᬸᬧᬸᬮᬂᬲᬸᬓ᭞ᬢ
ᬦ᭄ᬭᬶᬂᬮ᭄ᬬᬦ᭄᭞ᬢᬦ᭄ᬩᭂᬤ᭄ᬩᭂᬤ᭄ᬢᬮᬶᬦ᭄ᬧᬓᬃᬤ᭄ᬥᬶ᭞ᬦ᭄ᬢᭀᬗᬯᬾᬳᬭᭀᬓ᭄ᬭᬶᬂᬲᬗ᭄ᬓᬦ᭄᭟᭐᭟ᬧᬸᬧᬸᬄᬤᬸᬃᬫ᭄ᬫ᭟᭐᭟ᬢ᭄ᬯᬭᬩ᭄ᬯᬶᬦ᭄ᬫᬗ᭄ᬥᭀᬳᬂᬩ᭄ᬯᬄᬓᬵᬃᬬ᭄ᬬ᭞ᬫᬲᬶᬄᬢ᭄ᬯᬭᬤᭀ
ᬢ᭄ᬜᬶᬘᬶᬧᬶᬦ᭄᭞ᬦᬾᬢᭀᬦ᭄ᬤᬾᬦ᭄ᬓᬕᬭᬧ᭄᭞ᬢ᭄ᬯᬭᬩ᭄ᬯᬶᬦ᭄ᬫᬲ᭄ᬮᬾᬮᬾᬕᬦ᭄᭞ᬭᬶᬂᬲᬂᬲᬧᬲᬶᬭᬳᬸᬕᬶ᭞ᬲᬦᬾᬧᬘᬂᬲᬶᬤ᭄ᬥ᭞ᬚᬕᬓᬧᭀᬧᭀᬦᬶᬦ᭄᭟᭐᭟ᬦ᭄ᬢᭀ
ᬳᬯᬦᬦ᭄᭞ᬆᬃᬚ᭄ᬚᬸᬦᬮᬯᬸᬢᬂᬕᬭᬧ᭄᭞ᬓᬵᬃᬬ᭄ᬬᬧᬵᬫᭀᬗᬦᬶᬬᬤᬶ᭞ᬤᬧ᭄ᬭᬶᬄᬭᬶᬂᬩ᭄ᬯᬄ᭞ᬯᬶᬭᬾᬄᬦ᭄ᬢᭀᬲᬂᬫᬓᬃᬫ᭄ᬫ᭞ᬦᬾᬢᬦ᭄ᬗᬸᬮᬄᬲᬸᬓᬦ᭄ᬤᬶᬭᬶ᭞ᬩᬗᭂᬢ᭄ᬫᬸᬮ᭄ᬬ
[᭒᭘ 28A]
᭞ᬗᬦ᭄ᬢᭂᬕᬂᬓᬲᬸᬓᬦ᭄ᬫᬹᬓ᭄ᬢᬶ᭟᭐᭟ᬳᬸᬮᬶᬄᬓᬾᬢᭀᬧ᭄ᬭᬪᬸᬚᬦᬓᬯᬶᬤᬕ᭄ᬥ᭞ᬫᬶᬯᬄᬲᬦᬾᬮ᭄ᬬᬦ᭄ᬫᬮᬶᬄ᭞ᬗᭂᬫ᭄ᬩᬦ᭄ᬓᬫᬵᬦᬸᬱᬦ᭄᭞ᬦᬾᬫᬵᬤᬦ᭄ᬮᭀᬓᬲᬗ᭄ᬕ᭄ᬭᬳ᭞ᬚ
ᬦ᭄ᬢᭀᬲ᭄ᬲᬶᬤ᭄ᬥᬫᭀᬮᬶᬄᬰᬸᬘᬶ᭞ᬦ᭄ᬢᭀᬢᬸᬮᬤ᭄ᬕᬭᬧ᭄᭞ᬲ᭄ᬯᬥᬃᬫ᭄ᬫᬦᬶᬳᬤᬶ᭟᭐᭟ᬳᬧᬮ᭄ᬯᬶᬃᬩᬘᬓᬦᬦᬾᬫᬕᬭᬧ᭄᭞ᬳᭀᬮᬶᬄᬲᬂᬚᬸᬂᬚᬸᬗᬦ᭄ᬕᬸᬫᬶ᭞ᬲᬶᬦᬄᬓ
ᬳᬶᬭᬶᬗᬂ᭞ᬳᬶᬮᬶᬄᬚᬦ᭄ᬫᬦᬾᬮ᭄ᬬᬦᬦ᭄᭞ᬳᬧᬘᭀᬦ᭄ᬢᭀᬄᬦᬾᬓᬯᬾᬳᬶᬦ᭄᭞ᬫᬲᬶᬲᬶᬦᬄ᭞ᬚᬕᬢᬾᬕᬚᬦᬸᬭᬸᬢᬶᬦ᭄᭟᭐᭟ᬳᬶᬗ᭄ᬕ᭄ᬬᬦ᭄ᬤᬶᬦᬚ᭄ᬭᭀᬦᬶᬂᬢ᭄ᬭᬶ
ᬪᬸᬯᬦ᭞ᬢ᭄ᬯᬭᬳᬤᬳᬮᬶᬄ᭞ᬫᬲᬶᬄᬢ᭄ᬯᬭᬳᬤ᭞ᬳᬦᬾᬧᬢᬹᬢ᭄ᬜᬦ᭄ᬤᬂᬕᬭᬧ᭄᭞ᬳᬦᬾᬓᬢᬶᬩᬭᬶᬂᬩ᭄ᬮᬶ᭞ᬲᬓᬾᬯᬮ᭞ᬩ᭄ᬮᬶᬫᬗ᭄ᬕᭂᬄᬫᬧᬓᬃᬤ᭄ᬥᬶ᭟᭐᭟
Page:Bali-lontar-paparikan-bagawadgita-350ppi.pdf/28
Jump to navigation
Jump to search
This page has been proofread.
