Page:Bali-lontar-paparikan-bagawadgita-350ppi.pdf/25

From Wikisource
Jump to navigation Jump to search
This page has been proofread.

[᭒᭔ 24B]
᭒᭔
ᬓ᭄ᬭᬫᬯᭀᬦ᭄ᬜ᭟᭐᭟ᬓᬚᬢᬾᬦ᭄ᬜᬢᬦᬤᬳᬦᬓ᭄ᬦᭂᬗᬶᬮ᭄᭞ᬳᬶᬗ᭄ᬕ᭄ᬬᬦᬚ᭄ᬩᭀᬲ᭄᭞ᬧᬲ᭄ᬢᬶᬬᬫᬓᬵᬃᬬ᭄ᬬ᭞ᬓᬤᭀᬂᬲᭀᬓ᭄ᬩᬳᬦ᭄ᬧᬓᭂᬃᬢ᭄ᬢᬶ᭞ᬬᬤᬶᬦᬶᬤᬸᬧᬾᬧᬸᬦᬶᬓᬸ᭞ᬢ᭄ᬯᬄᬓᬵᬃ
ᬬ᭄ᬬᬳᭂᬦ᭄ᬢᭀᬓᬤᬮᬶᬄ᭞ᬦᬗ᭄ᬳᬶᬂᬦᬾᬬᭀᬕ᭄ᬬᬩ᭄ᬯᬢᬂ᭞ᬬᬤᬶᬦ᭄ᬫᬓᬃᬫ᭄ᬫᬧᬸᬦᬶᬓᬸ᭞ᬲᬵᬫ᭄ᬧᬸᬦᬂᬢ᭄ᬕᬸᬮ᭄ᬧᬓᬵᬃᬬ᭄ᬬᬦ᭄᭞ᬓᬤᬶᬳᬶᬤᬲᬂᬚᬶᬢᬾᬦ᭄ᬤ᭄ᬭᬶᬬᬳᬸᬢ᭄ᬢᬫᬶ᭞ᬢᬦ᭄ᬧᬳᬶᬤ᭄ᬓ
ᬓ᭄ᬯᬢᬜ᭄ᬚᬕᬢ᭄᭟᭐᭟ᬬᬦᬦᬓᬾᬫᬦᭂᬗᬶᬮᬂᬤᬶᬭᬶ᭞ᬦᬶᬜ᭄ᬚᭀᬫᬦᬄ᭞ᬦᬗ᭄ᬳᬶᬂᬭᬶᬂᬫᬦᬄᬜ᭞ᬢᬦ᭄ᬫᬭᬶᬗᬳᬢ᭄ᬜᬶᬘᬶᬧᬶᬦ᭄᭞ᬓᬲᬸᬓᬦᬶᬦ᭄ᬤ᭄ᬭᬶᬬᬳᬶᬓᬸ᭞ᬳᬦ᭄ᬩᬶᬗᬸᬂᬗ
ᬧᬸᬲ᭄ᬤᬶᬭᬶ᭞ᬳᬦᬓᬾᬗᬢᭂᬤ᭄ᬲᬓᬜ᭄ᬘᬦ᭄᭞ᬧᬶᬭᬦ᭄ᬢᬶᬦᬶᬦ᭄ᬤ᭄ᬭᬶᬬᬦᬶᬧᬸᬦ᭄᭞ᬬᭀᬕ᭄ᬬᬯᬸᬯᬸᬳᬶᬦ᭄ᬲᭂᬓ᭄ᬦᬂ᭞ᬗᬓᭂᬤ᭄‌ᬫᬦᬄ᭞ᬫᬭᬶᬂᬯᬶᬱᬬᬦ᭄ᬜᬲᬫᬶ᭞ᬚᬩᬚ᭄ᬭᭀᬬᭀ
[᭒᭕ 25A]
ᬕ᭄ᬬᬤᬩ᭄ᬤᬩ᭄᭟᭐᭟ᬲᬂᬜᬶᬤᬬᬂᬗᬢᭂᬦᬶᬦ᭄ᬤ᭄ᬭᬶᬬᬳᬤᬶ᭞ᬩᬜ᭄ᬚᭂᬦᬦᬢᬸᬃᬓᬵᬮᬫᬓᬵᬃᬬ᭞ᬢᬦ᭄ᬧ᭄ᬭᬶᬄᬧᬶᬓᭀᬮᬶᬄᬤᬶᬭᬶ᭞ᬩᬦ᭄ᬢᭂᬲ᭄ᬪᬓ᭄ᬢᬶᬦᬾᬓᬢᬸᬚᬸ᭞ᬗᬫ᭄ᬩᬶᬮ᭄ᬓᬵᬃᬬ᭄ᬬᬜᬸᬥᬶᬪᬓ᭄ᬢᬶ᭞ᬳᭂ
ᬦ᭄ᬢᭀᬦᬾᬩᬗᭂᬢᬸᬢ᭄ᬢᬫ᭞ᬲᬵᬓ᭄ᬱᬢ᭄ᬳ᭄ᬬᬧ᭄ᬭᬢᬶᬯᬶᬳᬶᬩᬸ᭞ᬕᬶᬤᬢᬦᬺᬋᬤ᭄ᬫᬓᬵᬃᬬ᭄ᬬ᭞ᬗᬸᬧᬤᬶᬢ᭞ᬲᬓᬜ᭄ᬘᬦ᭄ᬯᬢᭂᬓᬶᬗᬸᬭᬶᬧ᭄᭞ᬢᬦ᭄ᬧ᭄ᬭᬶᬄᬧ᭄ᬭᬢ᭄ᬬᬸᬧᬓᬭ᭟᭐᭟ᬓᬾᬢᭀᬳᬤᬶᬩ
ᬕᬸᬲ᭄ᬲᬂᬢᬧᬢᬶ᭞ᬮᬯᬸᬢ᭄ᬕᬭᬧ᭄᭞ᬦᬾᬤᬤᬶᬲ᭄ᬯᬥᬃᬫ᭄ᬫ᭞ᬭᬾᬄᬫ᭄ᬮᬳᬦ᭄ᬲᬂᬫᬓᬃᬤ᭄ᬥᬶ᭞ᬩᬦ᭄ᬤᬶᬂᬭᬶᬗᬦᬓ᭄ᬫᬫᬸᬂ᭞ᬲᬶᬦᬄᬗᬯᬾᬩᬸᬳᬸᬢᬢᬶ᭞ᬯᬶᬭᬾᬄᬤᬾᬯᬾᬓᬾᬢᭀᬢᭀᬦ
ᬦ᭄᭞ᬲᬗ᭄ᬓᬦ᭄ᬬᬤᬸᬭᬸᬲ᭄ᬫᬯᬗᬸᬦ᭄᭞ᬢᬦ᭄ᬮ᭄ᬬᬦ᭄ᬲᬓᬶᬂᬧᬓᬵᬃᬬ᭄ᬬᬦ᭄᭞ᬦᬾᬗᬯᬶᬦᬂ᭞ᬬᬜ᭄ᬚᬢᬶᬢ᭄ᬯᬭᬧᬓᬵᬃᬤ᭄ᬥᬶ᭞ᬲᬶᬦᬄᬩᬸᬯᬸᬂᬗ᭄ᬮᬳᬯᬓ᭄᭟᭐᭟ᬚᬢᬶᬦᬶᬧᬸᬦ᭄‌ᬚᬕᬢᬾ