[᭑᭒᭖ 126B]
᭑᭒᭖
ᬮᬕ᭄᭞ᬚᬕᬮᬸᬫᬓ᭄ᬱᬡᬫᬗ᭄ᬓᬶᬦ᭄᭞ᬲᬳᬦᬸᬭᬸᬢ᭄ᬓᬾᬤᬶᬯᬘᬦᬦ᭄ᬲᬂᬦᬵᬣ᭟᭐᭟ᬭᬭᬶᬲᬶᬤᬲᬂᬲᬜ᭄ᬚᬬ᭞ᬫᬢᬸᬃᬫᭂᬧᭂᬲ᭄ᬩᬦ᭄ᬩᬦᬭᬶᬲ᭄᭞ᬥᬹᬄᬭᬢᬸᬲᬂᬤᬺᬱ᭄ᬝᬭᬵᬱ᭄ᬝ᭄ᬭ᭞ᬳ
ᬫᬸᬦᬶᬓᬓᬧᬶᬭᬕᬶ᭞ᬯᬘᬦᬦ᭄ᬰ᭄ᬭᬷᬳᬭᬶᬫᬹᬃᬢ᭄ᬢᬶ᭞ᬭᬶᬗᬶᬤᬲᬂᬫᬳᬵᬩᬯᬸ᭞ᬲᬫᬶᬭᬸᬫᬕᬫᬸᬮ᭄ᬬᬯᬵᬦ᭄᭞ᬓᬮᬶᬗ᭄ᬕᬦᬦ᭄ᬧ᭄ᬭᬚ᭄ᬜᬦ᭄ᬩᬸᬤ᭄ᬥᬶ᭞ᬲᬫᬶᬯᬶᬪᬹᬄ᭞ᬩᬸᬮᬸᬦ᭄ᬢᬶᬢ᭄ᬬᬂᬓᬦ᭄ᬢᭀ
ᬲ᭄ᬲᬸᬗ᭄ᬓᬩ᭄᭟᭐᭟ᬯᬶᬢ᭄ᬦᬸᬕ᭄ᬭᬳᬰ᭄ᬭᬷᬯ᭄ᬬᬱ᭞ᬚᬦ᭄ᬢᭀᬲ᭄ᬢᬶᬢ᭄ᬬᬂᬢᬢᬲᬸᬦᬶᬂ᭞ᬭᬶᬂᬚᬢᬶᬦ᭄ᬫᬸᬲ᭄ᬢᬶᬓᬦ᭄ᬬᭀᬕ᭞ᬲ᭄ᬢᬶᬓᬦ᭄ᬬᭀᬕ᭞ᬲᬦᬾᬓᬧᬶᬤᬃᬣᬲᬫᬶ᭞ᬳᭀᬮᬶᬄᬲᬂᬰ᭄ᬭᬷᬳᬭᬶᬫᬹᬃᬢ᭄ᬢᬶ᭞ᬲᬂᬭᬸᬫᬕ
ᬬᭀᬕᬷᬳᬕᬸᬂ᭞ᬲᬧᬸᬦᬶᬓᬭᬢᬸᬢᬳ᭄ᬯ᭞ᬧᬶᬤᬕᬶᬂᬲᬦᬾᬧᬗ᭄ᬕᬶᬳᬶᬦ᭄᭞ᬩᬗᭂᬢ᭄ᬮᬸᬳᬸᬃ᭞ᬗᬃᬤ᭄ᬥᬶᬓᬲᭀᬩ᭄ᬫᬦᬄᬢᬶᬢ᭄ᬬᬂ᭟᭐᭟ᬭᬢᬸᬲᬂᬰ᭄ᬭᬷᬤᬺᬱ᭄ᬝᬭᬵᬲ᭄ᬝ᭄ᬭ᭞ᬢᬶᬢ᭄ᬬᬂᬢ᭄ᬯᬭᬦᬳᭂ
[᭑᭒᭗ 127A]
ᬦ᭄ᬮᬮᬶ᭞ᬭᬶᬗᬸᬧᬦᬶᬱᬤ᭄ᬧᬸᬦᬶᬓ᭞ᬦᬾᬳᬕᬸᬗᬮᬸᬳᬸᬃᬰᬸᬘᬶ᭞ᬧᬋᬫ᭄ᬩᬸᬕᬶᬤᬲᬶᬓᬮᬶᬄ᭞ᬲᬂᬧᬵᬃᬣᬰ᭄ᬭᬷᬓᬺᬱ᭄ᬡᬧ᭄ᬭᬪᬸ᭞ᬢᬶᬢ᭄ᬬᬂᬭᬸᬫᬲᬲᬸᬲᬤ᭄ᬬ᭞ᬲᬢ᭄ᬲᬩᭂᬳᬶᬦ᭄ᬲᬜ᭄ᬚᬷᬯᬦᬶ᭞ᬚ
ᬦ᭄ᬢᭀᬲ᭄ᬭᬭᬸᬤ᭄᭞ᬓᭀᬩᭂᬢ᭄ᬢᬶᬢ᭄ᬬᬗᬾᬭᬶᬂᬫᬦᬄ᭟᭐᭟ᬲᬸᬫᬶᬗ᭄ᬓᬶᬦᬾᬮᬶᬗᬂᬢᬶᬢ᭄ᬬᬂ᭞ᬯᬃᬡ᭄ᬦᬶᬦᬶᬤᬲᬂᬳ᭄ᬬᬗᬵᬭᬶ᭞ᬲᬦᬾᬩᬗᭂᬢ᭄ᬓᬪᬶᬦᬯᬂ᭞ᬓᬲᭀᬩ᭄ᬢᬶᬢ᭄ᬬᬢᬦᬶᬓᬶᬤᬶᬓ᭄᭞ᬳᬶ
ᬗ᭄ᬕᬶᬄᬭᬢᬸᬰ᭄ᬭᬷᬪᬹᬧᬢᬶ᭞ᬫᬦᬄᬢᬶᬢ᭄ᬬᬂᬭᬲᬲᬤ᭄ᬬᬸᬄ᭞ᬧᬢᬶᬲ᭄ᬦᬧᬓ᭄ᬢᬺᬧ᭄ᬢᬶᬲᬸᬓ᭞ᬭᬲᬧᬸᬍᬲ᭄ᬢᬦ᭄ᬧᬗᬶᬧᬶ᭞ᬢ᭄ᬓᬮᬦ᭄ᬤᬸᬄ᭞ᬫᬮᬶᬗ᭄ᬕᬭᬶᬂᬫᬦᬄᬢᬶᬢ᭄ᬬᬂ᭟᭐᭟ᬤᬕᬶᬗᬶᬤᬲᬂᬅᬃ
ᬚ᭄ᬚᬸᬦ᭞ᬧ᭄ᬭᬚᬸᬭᬶᬢ᭄ᬧᬫᬦᬄᬍᬯᬶᬄ᭞ᬫᬶᬯᬳᬶᬤᬰ᭄ᬭᬷᬓᬺᬱ᭄ᬡ᭞ᬲᬂᬫᬯᬓ᭄ᬇᬰ᭄ᬯᬭᬬᭀᬕᬷ᭞ᬧᬗ᭄ᬕᬦ᭄ᬢᬶᬢ᭄ᬬᬗᬾᬧᬲ᭄ᬢᬶ᭞ᬤᬶᬢᬸᬯᬶᬚᬬᬦᬾᬓᬸᬫ᭄ᬧᬸᬮ᭄᭞ᬲᬸᬪᬶᬓ᭄ᬱᬦᬾᬤᬶᬢᬸᬲᬶᬦᬄ
Page:Bali-lontar-paparikan-bagawadgita-350ppi.pdf/127
Jump to navigation
Jump to search
This page has been proofread.
