Page:Bali-lontar-paparikan-bagawadgita-350ppi.pdf/121

From Wikisource
Jump to navigation Jump to search
This page has been proofread.

[᭑᭒᭐ 120B]
᭑᭒᭐
ᬰᬸᬘᬶ᭞ᬧ᭄ᬤᬲᬾᬭᬶᬗᬵᬢ᭄ᬫᬢᬢ᭄ᬯ᭞ᬓᬾᬢᭀᬳᬤᬶᬲᬂᬓᬶᬭᬶᬢᬶ᭟᭐᭟ᬓᬲᬤ᭄ᬬᬦᬾᬳᬦᬾᬯᬗᬸᬦ᭄᭞ᬲᬓᬶᬂᬇᬦ᭄ᬤ᭄ᬭᬶᬬᬫᬓᬤᬶ᭞ᬧᬘᬫ᭄ᬧᬸᬄᬜᬭᬶᬂᬯᬶᬰᬬ᭞ᬗᬯᬶᬢᬵᬫᬺᬢ᭄ᬢ
ᬦ᭄ᬢᭀᬲᬢᬶᬲ᭄᭞ᬭᬶᬂᬧᬫᬸᬧᬸᬢ᭄ᬘᭂᬦᬶᬓ᭄ᬱᬵᬓ᭄ᬱᬢ᭄᭞ᬓᬩᬕ᭄ᬬᬦ᭄ᬭᬚᬄᬦ᭄ᬢᭀᬳᬤᬶ᭟᭐᭟ᬓᬲᬤ᭄ᬬᬦ᭄ᬢᬫᬄᬧᬸᬦᬶᬓᬶ᭞ᬦᬾᬗᬯᬾᬲᬂᬚᬷᬯᬲ᭄ᬥᬶᬄ᭞ᬲᬓᬶᬂᬗᬯᬶᬢ᭄ᬮᬦ᭄ᬧᬫ᭄ᬭᬕᬢ᭄
᭞ᬳᭂᬦ᭄ᬢᭀᬯᬶᬚᬶᬮ᭄ᬲᬓᬶᬂᬮᬮᬶ᭞ᬍᬧᬼᬧ᭄ᬗᭂᬚᭀᬄᬫᬶᬯᬄᬓᬶᬬᬧ᭄᭞ᬢᬦᬺᬗᭃᬦ᭄ᬭᬶᬂᬧᬭᬶᬳᬶᬦ᭄ᬤᬶᬓ᭄᭟᭐᭟ᬢ᭄ᬯᬭᬳᬤᬓᬜ᭄ᬘᬦᬶᬧᬸᬦ᭄᭞ᬤᬶᬲ᭄ᬯᬃᬕ᭄ᬕᬳᬶᬗ᭄ᬕᬶᬬᬦ᭄ᬤᬶᬦᬶ᭞ᬤᬾ
ᬯᬤᬾᬯᬮᬦ᭄ᬫᬵᬦᬸᬱ᭞ᬩᬾᬩᬲ᭄ᬭᬶᬂᬢ᭄ᬭᬶᬕᬸᬡᬳᬤᬶ᭞ᬦᬾᬮ᭄ᬓᬤ᭄ᬲᬓᬶᬂᬧ᭄ᬭᬤᬶᬦ᭞ᬭᬾᬄᬳᭂᬦ᭄ᬢᭀᬫᬦ᭄ᬤᬤᬶᬬᭀᬦᬶ᭟᭐᭟ᬧᬸᬧᬸᬄᬤᬂᬤᬂ᭟᭐᭟ᬲᬂᬭᬸᬫᬕᬩ᭄ᬭᬵᬳ᭄ᬫᬡᬳᬤᬶ
[᭑᭒᭑ 121A]
᭞ᬮᬦ᭄‌ᬓ᭄ᬱᬢ᭄ᬭᬶᬬ᭞ᬯᬳᬶᬱ᭄ᬬᬓᬦ᭄ᬲᬸᬤ᭄ᬭ᭞ᬘᬢᬸᬃᬯᬃᬡ᭄ᬦᬦ᭄ᬢᭀᬓᬤᬮᬶᬄ᭞ᬫᬸᬗ᭄ᬕ᭄ᬯᬶᬂᬲ᭄ᬯᬥᬃᬫ᭄ᬫᬦ᭄ᬜᬩᬕᬸᬲ᭄᭞ᬫᬩᬶᬦᬬᬦ᭄ᬲᬶᬓᬶᬲᬶᬓᬶ᭞ᬫᬦᬹᬢ᭄ᬕᬸᬡᬦᬾᬓᭂᬫ᭄ᬩᬲᬂ᭞ᬲᬓᬶᬂᬬᭀᬦᬶᬦ᭄ᬜ
ᬧᬸᬦᬶᬓᬸ᭞ᬦᬾᬲ᭄ᬓᭂᬦ᭄ᬤᬤᬶᬲ᭄ᬯᬪᬯ᭞ᬓᬾᬢᭀᬧᬵᬃᬣ᭞ᬲᬗ᭄ᬓᬦ᭄ᬫᭂᬮᬳᬂᬫ᭄ᬤᬲᬶᬦ᭄᭞ᬳᬧᬗ᭄ᬤᬩᬶᬗᬸᬂᬤᬶᬫᬦᬄ᭟ᬓᬤᭂᬕ᭄ᬤᭂᬕᬦ᭄ᬢᬸᬃᬗᬯᬯᬤᬶᬭᬶ᭞ᬢ᭄ᬕᬸᬳᬶᬂᬢᬧᬓ᭄ᬱᬫᬲᬸᬓᬺᬢ᭄ᬢ᭞ᬓ
ᬩᬶᬚᬓ᭄ᬱᬡᬦ᭄ᬲᬸᬩᬸᬤ᭄ᬥᬶ᭞ᬭᬶᬗᬵᬕᬫᬤᬹᬶᬲᬺᬤ᭄ᬥᬯ᭄ᬭᬸᬄ᭞ᬢᬢᬲ᭄ᬭᬶᬂᬯᬾᬤᬲ᭄ᬫᬺᬢᬶ᭞ᬢ᭄ᬓᭂᬓ᭄ᬫᬭᬶᬂᬓᬲᬸᬰᬷᬮᬦ᭄᭞ᬳᬕᭂᬫ᭄ᬩ᭄ᬭᬵᬳ᭄ᬫᬡᬦ᭄ᬢᭀᬩᬕᬸᬲ᭄᭞ᬦᬾᬯ᭄ᬢᬸᬲᬓᬶᬂᬬᭀᬦᬶᬦ᭄ᬜ᭞ᬲᬩ
ᬘᬓᬦ᭄᭞ᬧ᭄ᬭᬶᬓᬫᬵᬦᬸᬱᬦ᭄ᬲᬫᬶ᭞ᬦᭀᬲ᭄ᬯᬪᬯᬦ᭄ᬩ᭄ᬭᬵᬳ᭄ᬫᬡ᭟᭐᭟ᬓᬧᬸᬭᬸᬱᬦ᭄ᬓᬯᬶᬰᬾᬰᬱᬦ᭄ᬫᬮᬶᬄ᭞ᬓᬢ᭄ᬕᬸᬳᬦ᭄‌ᬩᬗ᭄ᬲᭂᬄᬢ᭄ᬯᬭᬳᭀᬩᬄ᭞ᬧᬸᬭᬸᬱᬳᬗᬤᬸᬚᬸᬭᬶᬢ᭄᭞ᬥᬾᬱ᭄ᬝ