Page:Bali-lontar-paparikan-bagawadgita-350ppi.pdf/12

From Wikisource
Jump to navigation Jump to search
This page has been proofread.

[᭑᭑ 11B]
᭑᭑
ᬫ᭄ᬧᬸᬦᬂᬗᭂᬦᭂᬫᬶᬦ᭄ᬓᭂᬜᬶᬄ᭟᭐᭟ᬥᬹᬄᬭᬢᬸᬲᬂᬧᬤ᭄ᬫᬦᬪ᭞ᬓᬮᬶᬦᬧᬶᬢᬶᬢ᭄ᬬᬂᬜᬶᬤᬬᬂᬫᬢᬦ᭄ᬤᬶᬂ᭞ᬫᬬᬸᬤ᭄ᬥᬗᬮᬯᬦ᭄ᬕᬸᬭᬸ᭞ᬋᬱᬶᬪᬶᬱ᭄ᬫᬮᬦ᭄ᬤ᭄ᬭᭀᬡ᭞ᬯᬶᬭᬾᬄᬳᬶ
ᬤᬦᬾᬓᬗ᭄ᬓᬢ᭄ᬓᬲᭂᬫ᭄ᬩᬄᬲᬸᬳᬸᬦ᭄᭞ᬳᬦ᭄ᬢᬸᬓ᭄ᬧᬦᬄᬭᬶᬂᬧᬬᬸᬤ᭄ᬥᬦ᭄᭞ᬭᬾᬄᬳᬶᬤᬲᬦ᭄ᬥᬂᬪᬓ᭄ᬢᬶᬦᬶᬦ᭄᭟᭐᭟ᬬᬾᬦᬶᬗᬶᬭᬶᬭᬶᬂᬚᬕᬢ᭄᭞ᬧᬶᬦᬶᬄᬩ᭄ᬘᬶᬓ᭄‌ᬤᬤᭀᬲ᭄ᬕ
ᬕᬾᬦ᭄ᬤᭀᬂᬫᬗ᭄ᬫᬶᬲ᭄᭞ᬩᬦ᭄ᬤᬶᬂᬗᬫᬹᬓ᭄ᬧᬭᬕᬸᬭᬸ᭞ᬦᬾᬩᬗᭂᬢ᭄ᬫᬸᬮ᭄ᬬᬬᬂᬢᬶᬢ᭄ᬬᬂ᭞ᬬᬤ᭄ᬬᬦᬶᬤᬧᬸᬜᬳᬂᬓᬲᬸᬓᬦ᭄ᬯᬶᬪᬸᬄ᭞ᬦᬶᬓᬫᬗ᭄ᬕᭂᬄᬕᬸᬭᬸᬦ᭄ᬢᬶᬢ᭄ᬬᬂ᭞ᬬᬾᬦ᭄ᬲᬾᬤ
ᬬᬂᬢᬶᬢ᭄ᬬᬂᬯᬾᬘᬶ᭟᭐᭟ᬤᬸᬭᬸᬂᬧᬢᬶᬳᬸᬦᬶᬂᬢᬶᬢ᭄ᬬᬂ᭞ᬲᬦᬾᬳᭂᬜ᭄ᬘᬾᬦ᭄‌ᬫᬶᬦᬩ᭄ᬲᬦᬾᬍᬩᬶᬄᬩ᭄ᬘᬶᬓ᭄᭞ᬦᬧᬶᬢᬶᬢ᭄ᬬᬂᬗᬫᬹᬓᬶᬧᬸᬦ᭄᭞ᬦᬧᬶᬳᬶᬧᬸᬦ᭄ᬗᬫᬹᬓ᭄ᬢᬶᬢ᭄ᬬᬂ
[᭑᭒ 12A]
᭞ᬦᬧᬶᬢᬶᬢ᭄ᬬᬂᬲᬶᬤ᭄ᬥᬗᬫᬤ᭄ᬫᬗᬶᬧᬸᬦ᭄᭞ᬯᬢᭂᬓ᭄ᬧᬸᬢ᭄ᬭᬤᬺᬱ᭄ᬝᬭᬵᬲ᭄ᬝᬺ᭞ᬢᬶᬢ᭄ᬬᬂᬢᬍᬃᬢᬦ᭄ᬤᭀᬢᬶᬧᬸᬦ᭄᭟᭐᭟ᬫᬦᬳᬾᬩᬗᭂᬢ᭄ᬧ᭄ᬭᬧᬜ᭄ᬘ᭞ᬳᬢᬶᬮᬸᬫᬄᬚᬦ᭄ᬢᭀᬲ᭄ᬭᬶᬂᬲ᭄ᬯ
ᬥᬃᬫ᭄ᬫᬮᬮᬶ᭞ᬤᬹᬄᬭᬢᬸᬲᬂᬓᬺᬱ᭄ᬡᬧ᭄ᬭᬪᬸ᭞ᬦᬾᬫᬸᬮᬯᬶᬢ᭄ᬕᬸᬭᬸᬦ᭄ᬢᬶᬢ᭄ᬬᬂ᭞ᬗ᭄ᬕᬶᬄᬤᬸᬭᬸᬲᬂᬦ᭄ᬤᬶᬓᬳᬶᬦ᭄ᬓᬧᬲ᭄ᬢᬶᬧᬸᬯᬸᬦ᭄᭞ᬢᬶᬢ᭄ᬬᬂᬯᬶᬢ᭄ᬲᬶᬰ᭄ᬬᬲᬂᬦᬵᬣ᭞ᬦᬸᬦᬲ᭄ᬧᬲᬬᬸᬩᬦ᭄ᬫ
ᬗ᭄ᬓᬶᬦ᭄᭟᭐᭟ᬳᬦ᭄ᬢᬸᬓ᭄ᬢᬶᬢ᭄ᬬᬂᬢᬦ᭄ᬗᬦ᭄ᬢᭂᬦᬂ᭞ᬲᬦᬾᬲᬶᬤ᭄ᬥᬗᬶᬘᬮᬂᬤᬸᬄᬓᬧᬸᬦᬶᬓᬶ᭞ᬬᬦᬾᬫᬗᬯᬶᬦᬂᬮᬫ᭄ᬧᬸᬲ᭄᭞ᬧᬜ᭄ᬘᬾᬦ᭄ᬤ᭄ᬭ᭄ᬬᬦᬾᬢᬦ᭄ᬧᬳᬢ᭄ᬫ᭞ᬳᬶᬗ᭄ᬕ᭄ᬬᬦ᭄ᬢᬶᬢ᭄ᬬᬂᬚᬕ
ᬫᭀᬮᬶᬄᬲᬸᬓᬯᬶᬪᬸᬄ᭞ᬫᬶᬯᬄᬚᬯᬢ᭄ᬢᬦ᭄ᬭᬶᬂᬲ᭄ᬯᬃᬕ᭄ᬕ᭞ᬳᬸᬕᬶᬢᬶᬢ᭄ᬬᬂᬢ᭄ᬯᬭᬳᬶᬲ᭄ᬭᬶᬓ᭄᭟᭐᭟ᬳᬶᬗ᭄ᬕᬶᬄᬭᬢᬸᬰ᭄ᬭᬷᬓᬺᬱ᭄ᬡ᭞ᬢᬶᬢ᭄ᬬᬂᬧᬸᬧᬸᬢ᭄᭞ᬢᬜ᭄ᬚᬕᬫᬬᬸᬤ᭄ᬥᬫᬗ᭄ᬓᬶᬦ᭄᭞