[᭑᭑᭕ 115B]
᭑᭑᭕
ᬯᭀᬲᬂᬲᬢ᭄᭞ᬳᬸᬕᬶᬲᬓᬜ᭄ᬘᬦ᭄ᬲ᭄ᬯᬓᬵᬃᬬ᭄ᬬ᭞ᬦᬾᬗᬭᬜ᭄ᬚᬶᬂᬓᬪᬓ᭄ᬢ᭄ᬬᬦ᭄᭞ᬫᬦ᭄ᬢᬸᬓᬭᬶᬂᬲᬂᬳ᭄ᬬᬂᬢᬸᬤᬸᬄ᭞ᬲᬢ᭄ᬧᬸᬦᬶᬓᬳᬸᬘᬧᬂ᭟᭐᭟ᬳᬧᬚᬓᬳᬗ᭄ᬕᬾᬦ᭄ᬪ
ᬓ᭄ᬢᬶ᭞ᬳᬶᬗ᭄ᬕ᭄ᬬᬦ᭄ᬢᬧᬩ᭄ᬭᬢᬤᬦ᭞ᬬᬦ᭄ᬢᬦ᭄ᬲᬓᬶᬂᬲᬺᬤ᭄ᬥᬫᬦᬄ᭞ᬳᭂᬦ᭄ᬢᭀᬦᬾᬓᬲᭂᬗ᭄ᬕᬸᬄᬅᬲᬢ᭄᭞ᬢ᭄ᬯᬭᬗᬩᬳᬃᬣᬳᬧ᭞ᬲᭀᬓ᭄ᬩᬦ᭄ᬢᬲ᭄ᬧᭀᬘᭀᬮ᭄ᬭᬶᬗᬶᬧᬸᬦ᭄᭞ᬭᬶᬂᬲ
ᬓᬵᬮᬮᬦ᭄ᬦᬶᬲ᭄ᬓᬮ᭟᭐᭟ᬲᬵᬫ᭄ᬧᬸᬦ᭄ᬓᬧᬶᬤᬃᬣᬲᬫᬶ᭞ᬬᭀᬕᬦᬾᬓᬧᬶᬂᬧᬶᬢᬸᬮᬲ᭄᭞ᬳᭀᬮᬶᬄᬳᬶᬤᬰ᭄ᬭᬷᬓᬺᬱ᭄ᬡ᭞ᬫᬦ᭄ᬢᬸᬓᬭᬶᬂᬲᬂᬆᬃᬚ᭄ᬚᬸᬦ᭞ᬦᬾᬫᬗ᭄ᬓᬶᬦ᭄ᬧᬭᬲᬯᬶ
ᬢ᭄ᬭ᭞ᬳᬶᬭᬶᬂᬢᬶᬢ᭄ᬬᬂᬫᬧᬳᬸᬭᬸᬓ᭄᭞ᬲᬫ᭄ᬦ᭄ᬬᬲᬬᭀᬕᬧᬫᬸᬦ᭄ᬢᬢ᭄᭟᭐᭟ᬧᬸᬧᬸᬄᬤᬸᬃᬫ᭄ᬫ᭟᭐᭟ᬗᬯᬶᬢ᭄ᬫᬢᬸᬃᬲᬂᬅᬃᬚ᭄ᬚᬸᬦᬲᬳᬲᭂᬫ᭄ᬩᬄ᭞ᬥᬹᬄᬭᬢᬸᬰ᭄ᬭᬷᬦᬭᬧᬢᬶ᭞ᬯ
[᭑᭑᭖ 116A]
ᬘᬦᬾᬦ᭄ᬫᬺᬢᬶᬢ᭄ᬬᬂ᭞ᬳᬶᬦ᭄ᬤᬶᬓ᭄ᬫᬸᬲ᭄ᬢᬶᬓᬦ᭄ᬲᬫ᭄ᬦ᭄ᬬᬲ᭞ᬓᬚᬢᬾᬦ᭄ᬢ᭄ᬬᬕᬫᬮᬶᬄ᭞ᬫᬗ᭄ᬤᬾᬦ᭄ᬲᬶᬤ᭄ᬥ᭞ᬢᬶᬢ᭄ᬬᬂᬧ᭄ᬭᬢ᭄ᬬᬓ᭄ᬱᬳᬸᬦᬶᬂ᭟᭐᭟ᬰ᭄ᬭᬷᬓᬾᬰᬯᬭᬭᬶᬲ᭄ᬫᬯᬜ᭄ᬘᬦᬩᬦ᭄ᬩᬦ᭄᭞
ᬫᬸᬗ᭄ᬕ᭄ᬯᬶᬂᬬᬂᬲᬫ᭄ᬦ᭄ᬬᬲᬋᬱᬶ᭞ᬢ᭄ᬯᬭᬗᬫ᭄ᬩᬶᬮ᭄ᬓᬵᬃᬬ᭄ᬬ᭞ᬫᬯᬶᬢ᭄ᬧᬶᬢᬸᬤᬸᬄᬇᬦ᭄ᬤ᭄ᬭᬶᬬ᭞ᬗ᭄ᬕᬶᬂᬳᬶᬤᬲᬂᬢ᭄ᬬᬕᬋᬱᬶ᭞ᬢᬦ᭄ᬫ᭄ᬭᬶᬄᬨᬮ᭞ᬭᬶᬂᬓᬜ᭄ᬘᬦ᭄ᬲᬦᬾᬓᬓᬃᬤ᭄ᬥᬶ᭟᭐᭟ᬫᬓᬵᬃᬬ᭄ᬬ
ᬦᬾᬲᬵᬫ᭄ᬧᬸᬦᬂᬲᭂᬗ᭄ᬕᬸᬳᬤᭀᬱ᭞ᬓᬾᬢᭀᬯᬭᬄᬧᬭᬧᬹᬱᬶ᭞ᬳ᭄ᬮᬾᬦ᭄ᬩ᭄ᬯᬶᬦᬤ᭞ᬲᬂᬲᬥᬓᬯᬯᬜ᭄ᬘᬦ᭞ᬳᬸᬧᬘᬭᬦᬾᬫᬓᬤᬶ᭞ᬢᬧᬩ᭄ᬭᬢ᭞ᬤᬦᬢᬦ᭄ᬜᬦ᭄ᬤᬂᬤ᭄ᬧᬶ
ᬦᬶᬦ᭄᭟᭐᭟ᬦᬄᬯᬶᬋᬗᬗᬤᬶᬪᬭᬢᬲᬢᬫ᭞ᬫᬸᬲ᭄ᬢᬶᬓᬦ᭄ᬢ᭄ᬬᬕᬦᬾᬳᬤᬶ᭞ᬳᬤᬢ᭄ᬮᬸᬂᬳᬸᬦ᭄ᬤᬕ᭄᭞ᬦᬾᬢᬦ᭄ᬤᬤᬶᬢᬮᬾᬫᬦᬂ᭞ᬕᭀᬕ᭄ᬬᬕᬭᬧ᭄ᬢᭂᬓᬾᬗ᭄ᬳᬢᬶ᭞ᬭᬾᬄ
Page:Bali-lontar-paparikan-bagawadgita-350ppi.pdf/116
Jump to navigation
Jump to search
This page has been proofread.
