[᭑᭑᭑ 111B]
᭑᭑᭑
ᬥᬹᬄᬭᬢᬸᬰ᭄ᬭᬷᬳᬭᬶᬫᬹᬃᬢ᭄ᬢᬶ᭞ᬲᬂᬢᬜ᭄ᬘᭂᬩ᭄ᬫᬸᬮᬸᬲ᭄ᬫᬬᬤ᭄ᬜ᭞ᬗ᭄ᬳᬶᬂᬢ᭄ᬯᬭᬫᬦᬹᬢ᭄ᬳ᭄ᬬᬂᬲᬲ᭄ᬢ᭄ᬭ᭞ᬭᬶᬂᬤᬶᬚᬳᬶᬧᬸᬦ᭄ᬫᬕ᭄ᬦᬄ᭞ᬦᬧᬶᬳᬶᬧᬸᬦ᭄ᬫᬯᬸᬕ᭄ᬲᬢ᭄ᬯ᭞ᬦᬧᬶᬫᬯᬸᬕ᭄ᬭᬚᬳᬶᬧᬸᬦ᭄᭞ᬳᬸᬢᬯᬶᬗᬭ
ᬜ᭄ᬚᬶᬂᬢᬫᬄ᭟᭐᭟ᬓᬾᬦᬾᬳᬤᬶᬲᬂᬢᬧᬢᬶ᭞ᬳᬤᬢᬶᬕᬂᬓᬢᬼᬩᬦ᭄᭞ᬫᬦᬹᬢ᭄ᬭᬶᬗᬫ᭄ᬩᭂᬓ᭄ᬢ᭄ᬭᬶᬕᬸᬡ᭞ᬫᬭᬢ᭄ᬓᭂᬤ᭄ᬲᬂᬫᬬᬚ᭄ᬜ᭞ᬳᬧᬢᬼᬩ᭄ᬫᬭᬶᬂᬲᬢ᭄ᬯ᭞ᬳᬧᬭᬚᬄᬢᬫ
ᬳᬶᬓᬸ᭞ᬚᬦᬶᬩ᭄ᬮᬶᬫᬜᬢ᭄ᬯᬬᬂ᭟᭐᭟ᬧᬗ᭄ᬕᬦ᭄ᬲᬂᬲᬶᬓᬶᬲᬶᬓᬶ᭞ᬳᬦᬹᬢ᭄ᬭᬶᬗᬩᬄᬯᬢᭂᬓ᭄ᬦ᭞ᬩᬧᬦᬶᬬᬳᬶᬫᬵᬦᬸᬱ᭞ᬓᬯᬗᬸᬦᭀᬮᬶᬄᬧᬗ᭄ᬕ᭞ᬦᬧᬶᬦᬾᬤᬤᭀᬲ᭄ᬧᬗ᭄ᬕ
᭞ᬲᬧᬸᬦᬶᬓᬤᬤᬶᬦᬶᬧᬸᬦ᭄᭞ᬓᬾᬢᭀᬳᬤᬶᬤᬦᬜ᭄ᬚᬬ᭟᭐᭟ᬲᬂᬫᬯᬢᭂᬓ᭄ᬱᬢ᭄ᬯᬩᬸᬤ᭄ᬥᬶ᭞ᬗᬲ᭄ᬢᬯᬧᬭᬤᬾᬯᬢ᭞ᬲᬂᬫᬯᬢᭂᬓ᭄ᬩᬸᬤ᭄ᬥᬶᬭᬚᬄ᭞ᬗᬲ᭄ᬢᬯᬬ
[᭑᭐᭒ 102A]
ᬓ᭄ᬱᬭᬵᬓ᭄ᬱᬲᬦᬾᬗ᭄ᬳᬶᬂᬦᬾᬫᬯᬢᭂᬓ᭄ᬢᬫᬄ᭞ᬗᬲ᭄ᬢᬯᬲᬗᬵᬢ᭄ᬫᬦ᭄ᬮᬫ᭄ᬧᬸᬲ᭄᭞ᬫᬶᬯᬄᬜᬸᬫ᭄ᬩᬄᬪᬸᬢᬓᬵᬮ᭟᭐᭟ᬳᭂᬦ᭄ᬢᭀᬲᬂᬕ᭄ᬫᭂᬲ᭄ᬢᬦ᭄ᬕᬶᬕᬶᬲ᭄᭞ᬜᬓᬶᬢᬶᬦ᭄ᬭᬕᬰᬭᬷᬭ᭞
ᬦᬸᬚᬸᬗᬫᭀᬂᬩ᭄ᬭᬢᬢᬧ᭞ᬢᬦ᭄ᬗᬦᬹᬢᬶᬦ᭄ᬲᬂᬳ᭄ᬬᬂᬲᬲ᭄ᬢ᭄ᬭ᭞ᬗᬦᬹᬢᬶᬦ᭄ᬧᬗ᭄ᬯᬾᬰᬦ᭄ᬓᬫ᭞ᬧᬶᬢᬸᬤᬸᬄᬓᭀᬧᬮᬦ᭄ᬦᬧ᭄ᬲᬸ᭞ᬘᬭᬫᬧᬶᬫᬧᬶᬥᬃᬫ᭄ᬫ᭟᭐᭟ᬫᬮᬦ᭄ᬢᬭᬦ᭄ᬢᬫ᭄ᬩᭂᬢ᭄ᬩ᭄ᬭᬂ
ᬢᬶ᭞ᬚᬦ᭄ᬢᭀᬲ᭄ᬜᬓᬶᬢᬶᬦ᭄ᬰᬭᬷᬭ᭞ᬧᬢᬶᬲ᭄ᬫᬜᬓᬶᬢᬶᬦ᭄ᬓᬓ᭞ᬳᬦᬾᬳᬤᬤᬶᬤᬾᬯᬾᬓ᭄ᬜ᭞ᬚᬢᬶᬦ᭄ᬜᬳᬶᬬᬢᭀᬢᭀᬦᬦ᭄᭞ᬦᬾᬤᬤᬶᬓᬢᬼᬩᬦᬶᬧᬸᬦ᭄᭞ᬫᬢᬢᬸᬚᭀ
ᬦᬦᬾᬭᬸᬲᬓ᭄᭟᭐᭟ᬳᬸᬕᬶᬓᬜ᭄ᬘᬦ᭄ᬧᬗᬦ᭄ᬲᬫᬶ᭞ᬦᬾᬗᬶᬤᬸᬧᬶᬦ᭄ᬲᬃᬯ᭄ᬯᬫᬯᬓ᭄᭞ᬢᬼᬩ᭄ᬫᬧᬮᬶᬄᬢᬢᬶᬕ᭞ᬢᬍᬃᬬᬚ᭄ᬜᬦᬾᬧᬸᬦᬶᬓ᭞ᬢᬧᬲᬵᬥᬶᬮᬦ᭄ᬤᬦ᭞ᬢᬍᬃ
Page:Bali-lontar-paparikan-bagawadgita-350ppi.pdf/112
Jump to navigation
Jump to search
This page has been proofread.
