Page:Bali-lontar-paparikan-bagawadgita-350ppi.pdf/11

From Wikisource
Jump to navigation Jump to search
This page has been proofread.

[᭑᭐ 10B]
᭑᭐
᭞ᬥᬹᬄᬳ᭄ᬬᬂᬯᬶᬥᬷ᭞ᬢᬦ᭄ᬲᬶᬤ᭄ᬥᬢᬶᬢ᭄ᬬᬂᬗᬫ᭄ᬩᬭᬂ᭟᭐᭟ᬩ᭄ᬘᬶᬓᬦ᭄ᬲᬵᬫ᭄ᬧᬸᬦ᭄ᬫᬜ᭄ᬭᬄ᭞ᬭᬶᬗᬋᬧᬶᬓᬸᬭᬸᬧᬢᬶ᭞ᬩᬗ᭄ᬕᬬᬂᬢᬶᬢ᭄ᬬᬂᬓᬧᬸᬗ᭄ᬕᬮ᭄᭞ᬮᬲ᭄ᬬᬫᬗ᭄ᬫᬲᬶᬦ᭄ᬮᬫ᭄ᬧᬸᬲ᭄᭞
ᬤ᭄ᬧᬗᬶᬧᬸᬦ᭄ᬫᬤᭂᬕ᭄ᬦᬵᬣ᭞ᬲᬸᬓᬫᬹᬓ᭄ᬢᬶ᭞ᬭᬾᬄᬩᬸᬢᬭᬶᬗᬶᬗ᭄ᬲᬓᬃᬫ᭄ᬫ᭟᭐᭟ᬲᬧᬸᬦᬶᬓᬳᬢᬸᬭᬶᬤ᭞ᬭᬭᬶᬲ᭄ᬲᬂᬧᬵᬃᬣᬢᬦᬾᬮᬶᬂ᭞ᬭᬸᬦ᭄ᬢᬸᬄᬫᬭᬶᬂᬭᭀᬗᬦ᭄ᬤᭀᬓᬃ᭞
ᬧᬦᬄᬕᬦ᭄ᬥᬾᬯᬦᬾᬳᬸᬮᬸᬂ᭞ᬓᬩᬢᭂᬓᬦ᭄ᬢᬸᬓ᭄ᬱᬸᬗ᭄ᬓᬯ᭞ᬫᬗᬶᬧᬸᬢᬶᬦ᭄᭞ᬚᬦ᭄ᬢᭀᬲ᭄ᬓᬚᬕ᭄ᬭᬦᬾᬳᬶᬘᬮ᭄᭟᭐᭟ᬭᬯᬸᬳᬶᬭᬶᬓᬶᬓᬯᬶᬮᬂ᭞ᬩᬩᬯᭀᬲᬶᬤᬲᬂᬓ
ᬮᬶᬄ᭞ᬳᬶᬤᬲᬂᬓᬺᬱ᭄ᬝᬆᬃᬚ᭄ᬚᬸᬦ᭞ᬯᬶᬤᬕ᭄ᬥᬬᭀᬕᬓᬲᭂᬗ᭄ᬕᬸᬄ᭞ᬤᬯᭂᬕ᭄ᬲᬂᬧᬵᬃᬣᬧ᭄ᬭᬧᬜ᭄ᬘ᭞ᬤᬸᬓ᭄ᬗᬋᬧᬶᬦ᭄᭞ᬰᬢ᭄ᬭᬸᬲᬂᬯᬢᭂᬓ᭄ᬓᭀᬭᬯ᭟᭐᭟ᬧᬸᬧᬸᬄᬧᬗ᭄ᬓᬃ᭟
[᭑᭑ 11A]
ᬳᬋᬧ᭄ᬭᬶᬂᬲᬂᬓᬲᬸᬗ᭄ᬓᬯᬦ᭄᭞ᬦᬾᬓᬩᬦ᭄ᬥᬳᭀᬮᬶᬄᬓᬬᬸᬦ᭄ᬯᭂᬮᬲᬲᬶᬄ᭞ᬲ᭄ᬭᬸᬧᬢᬦᬾᬤᬺᬱ᭄ᬫᭂᬢᬸ᭞ᬢᬢᬦ᭄ᬓᭂᬦᭂᬳᬶᬦᬫ᭄ᬧᭂᬢᬦ᭄᭞ᬭᬭᬶᬲᬶᬤ᭞ᬲᬂᬧᬤ᭄ᬫᬦᬪᬳ
ᬫᬸᬯᬸᬲ᭄᭞ᬩᬦ᭄ᬩᬦᬮᬸᬲ᭄ᬢᬸᬃᬲ᭄ᬭᬗ᭄ᬕᬭ᭞ᬩᬯᭀᬲᬶᬤᬲᬧᬸᬦᬶᬓᬶ᭟᭐᭞ᬥᬹᬳᬤᬶᬲᬂᬤᬦᬜ᭄ᬚᬬ᭞ᬤᬶᬚᬫᬳᬦ᭄‌ᬮᬸᬫᬳᬢᬶᬩᬸᬓᬚᬦᬶ᭞ᬳᬶᬥᭂᬧ᭄ᬦᬶᬱ᭄ᬝᬗᬯᬾᬓᬶ
ᬫᬸᬤ᭄᭞ᬩᭀᬬᬢᬶᬢᬄᬳᬯᬶᬃᬪᬹᬚ᭞ᬳᬧᬩ᭄ᬯᬶᬦ᭄‌ᬭᬶᬓᬵᬮᬗᬋᬧᬶᬦ᭄ᬰᬢ᭄ᬭᬸ᭞ᬤᬤᬶᬯ᭄ᬢᬧ᭄ᬭᬧᬜ᭄ᬘ᭞ᬦᬤᬓ᭄ᬱᬸᬗ᭄ᬓᬯᬤᬶᬳᬢᬶ᭟᭐᭟ᬮᬸᬫᬳᬢᬶᬦᬾᬢᭀᬢᭀᬦ
ᬦ᭄᭞ᬢ᭄ᬯᬭᬧᭂᬲᬦ᭄‌ᬲᬯᬯᬭᬶᬂᬭᬕᬦᬤᬶ᭞ᬤᬤᭂᬧᬶᬦᬢᬸᬃᬢᬸᬦ᭄ᬤᬸᬂ᭞ᬓᬳᬤᬂᬳᬸᬮᬶᬧᬗ᭄ᬭᬲ᭞ᬭᬾᬄᬳᬶᬳᬤᬶᬭᬸᬫᬕᬧ᭄ᬭᬯᬷᬭᬳᬕᬸᬂ᭞ᬮᬯᬸᬢᬂᬩᬗᬸᬦᬸᬢ᭄ᬲᬳ᭞ᬲᬵ