Page:Bali-lontar-paparikan-bagawadgita-350ppi.pdf/105

From Wikisource
Jump to navigation Jump to search
This page has been proofread.

[᭑᭐᭔ 104B]
᭑᭐᭔
ᬰᬩ᭄ᬤᬫᬮᬶᬄ᭞ᬦᬸᬫᬸᬲ᭄ᬗᭂᬘᬧᬂᬯᬶᬓᬮ᭄ᬧ᭟᭐᭟ᬳᬦᬓᬾᬓᬢᬸᬦᬦ᭄ᬫᬦᬄ᭞ᬢᬦ᭄ᬲᬶᬤ᭄ᬥᬧ᭄ᬫᬲ᭄ᬫᬗᬓ᭄ᬱᬶ᭞ᬫᬸᬗ᭄ᬕ᭄ᬯᬶᬗᬶᬤᬲᬂᬳ᭄ᬬᬂᬚᬷᬯ᭞ᬤᬸᬓ᭄ᬢᬾᬤᬄᬫᬶᬯᬄᬤᬸᬓ᭄ᬓᬸᬫ᭄ᬧᬸᬮ᭄᭞ᬭᬶᬗ
ᬗ᭄ᬕᬦ᭄ᬢᬦ᭄ᬫᬶᬯᬄᬢ᭄ᬭᬶᬕᬸᬡ᭞ᬗ᭄ᬳᬶᬂᬗᬓ᭄ᬱᬶ᭞ᬢ᭄ᬯᬳᬶᬤᬲᬂᬩᬸᬤ᭄ᬥᬶᬧ᭄ᬭᬚ᭄ᬜ᭟᭐᭟ᬲᬶᬤ᭄ᬥᬦᬾᬫᬗᬓ᭄ᬱᬶᬳᬶᬤ᭞ᬢᬸᬯᬄᬲᬂᬬᭀᬕᬶᬦᬾᬰᬸᬘᬶ᭞ᬦᬾᬗᬫᭀᬂᬦᬶᬃᬫᬮᬚ᭄ᬜᬦ᭞ᬜᬶᬗᬓᬶ
ᬤᬚ᭄ᬭᭀᬦᬶᬂᬓᬬᬸᬦ᭄᭞ᬗ᭄ᬳᬶᬂᬲᬂᬢᬦ᭄ᬜᬸᬘᬶᬬᬂᬫᬦᬄ᭞ᬢᬦ᭄ᬫᬗ᭄ᬕᬶᬳᬶᬦ᭄᭞ᬬᬤ᭄ᬬᬦ᭄ᬢᬗᭂᬄᬗᬮᬶᬳᬶᬤ᭟᭐᭟ᬲᬩᬘᬓᬦ᭄ᬲᬃᬯ᭄ᬯᬢᬾᬚ᭞ᬦᬾᬜᬮᬂᬤᬶᬫᬢᬦᬳᬶ᭞ᬳᬦᬾᬫᬜᬸ
ᬮᬳᬶᬜ᭄ᬚᬕᬢ᭄᭞ᬳᬦᬾᬤᬶᬩᬸᬮᬦᬸᬫᬸᬗ᭄ᬕᬸᬄ᭞ᬤᬶᬳᬧᬶᬫᬶᬯᬄᬤᬶᬩᬶᬦ᭄ᬢᬂ᭞ᬫᬓᬲᬫᬶ᭞ᬚᬢᬶᬦ᭄ᬜᬸᬢᬾᬚᬦᬶᬓᬓ᭟᭐᭟ᬲᬲᬸᬩᬦ᭄ᬜᬸᬲᬸᬧ᭄ᬤᬶᬚᬕᬢ᭄᭞ᬧᬗᭂᬫᬦ᭄ᬲᬃᬯ᭄ᬯᬫᬳᬸ
[᭑᭐᭕ 105A]
ᬭᬶᬧ᭄᭞ᬤᬶᬢᬸᬩ᭄ᬮᬶᬫᬯᬓ᭄ᬧ᭄ᬭᬡ᭞ᬲᬤᬸᬓ᭄ᬭᬶᬂᬧ᭄ᬭᬢᬶᬯᬶᬜᬸᬲᬸᬧ᭄᭞ᬤᬶᬢᬸᬩ᭄ᬮᬶᬫᬯᬓ᭄ᬱᭀᬫ᭞ᬫᬗᬸᬭᬶᬧᬶᬦ᭄᭞ᬩᬘᬓᬦᭂᬦ᭄ᬢᬶᬓᭂᬦ᭄ᬢᬶᬓᬦ᭄᭟᭐᭟ᬤᬶᬲᬸᬩᬦᬾᬤᬤᬶᬧ᭄ᬭᬡ᭞ᬦᬾᬫᬸᬗ᭄ᬕᬸᬄ
ᬤᬶᬓᬵᬜ᭄ᬘᬦ᭄ᬫᬸᬭᬶᬧ᭄᭞ᬭᬶᬂᬫᬗ᭄ᬓᬶᬳᬦ᭄ᬩᭂᬮᬶᬫᬸᬗ᭄ᬕᬄ᭞ᬤᬸᬓ᭄ᬫᬜ᭄ᬚᬶᬂᬓᬮᬶᬄᬤᬸᬓ᭄ᬫᭂᬢᬸ᭞ᬫᬦᭂᬓ᭄ᬤᭂᬓᬂᬮ᭄ᬯᬶᬃᬧᬗᬦ᭄᭞ᬦᬾᬲᬶᬮᬧᬶᬦ᭄᭞ᬳᬶᬲᭂᬧᬸᬦ᭄ᬢᬮ᭄ᬫᬶᬯᬳᬶᬮᬕ᭄᭟᭐᭟ᬚ᭄ᬦᭂᬓ᭄ᬤᬶᬳᬢᬶᬦ᭄ᬲᬂᬫᬵ
ᬯᬓ᭄᭞ᬫᬸᬲ᭄ᬢᬶᬓᬦ᭄ᬯᬾᬤᬦᬾᬩ᭄ᬮᬶ᭞ᬓᬚᬕ᭄ᬭᬦ᭄ᬮᬦ᭄ᬓᬧ᭄ᬭᬚ᭄ᬜᬦᬦ᭄᭞ᬢ᭄ᬓᬮᬸᬯᬲ᭄ᬜᬭᬶᬂᬳᬶᬗ᭄ᬲᬸᬦ᭄᭞ᬩ᭄ᬮᬶᬫᬜᬶᬧ᭄ᬢᬯᬾᬤᬦ᭄ᬢ᭞ᬳᬸᬕᬶᬩ᭄ᬮᬶ᭞ᬚᬢᬶᬦ᭄ᬧ᭄ᬭᬢ᭄ᬬᬓ᭄ᬱᬭᬶᬂᬯᬾᬤ᭟᭐᭟ᬬᬦ᭄ᬩ᭄ᬯᬢ᭄ᬤᬶᬦᬶᬤᬶ
ᬚᬢ᭄᭞ᬳᬤᬧᬸᬭᬸᬱᬓᬓᬮᬶᬄ᭞ᬳᬦᬾᬮᬗ᭄ᬕᭂᬂᬮᬯᬦᭀᬩᬄ᭞ᬦᬾᬳᭀᬩᬄᬫᬵᬦᬸᬱᬳᬶᬓᬸ᭞ᬦᬗ᭄ᬳᬶᬂᬦᬾᬮᬗ᭄ᬕᭂᬂᬧᬸᬦᬶᬓ᭞ᬳᭂᬦ᭄ᬢᭀᬳᬤᬶ᭞ᬦᬾᬓᬲᭂᬗ᭄ᬕᬸᬄᬲᬂᬳ᭄ᬬᬂᬢᬸᬗ᭄ᬕᬮ᭄᭟᭐᭟