Page:Bali-lontar-paparikan-bagawadgita-350ppi.pdf/104

From Wikisource
Jump to navigation Jump to search
This page has been proofread.

[᭑᭐᭓ 1003B]
᭑᭐᭓
ᬲᬭᬶᬜᬢ᭄ᬤᬸᬦ᭄‌ᬗᬾᬯᬶᬦᬂᬳᬸᬢ᭄ᬲᬳᬓᬵᬃᬬ᭄ᬬ᭞ᬚ᭄ᬭᭀᬦᬶᬗᬸᬭᬶᬧ᭄᭞ᬤᬶᬦᬶᬤᬶᬫᬵᬦᬸᬱᬮᭀᬓ᭟᭐᭟ᬩᭀᬗ᭄ᬓᭀᬮ᭄ᬘᬫ᭄ᬧᬂᬩᬗ᭄ᬲᬶᬂᬘᬭᬂ᭞ᬓᬯᬶᬢ᭄ᬧᬸᬜᬦ᭄ᬜᬦᬾᬲᬫᬶ᭞ᬢ᭄ᬯ
ᬭᬳᬤᬳᬦᬓ᭄ᬦᬯᬂ᭞ᬳᬧᬦᬾᬗᬯᬶᬦᬂᬢᬸᬫ᭄ᬩᬸᬄ᭞ᬩᬦ᭄ᬢᬬ᭄ᬬᬲᬶᬤ᭄ᬥᬫᬸᬗ᭄ᬓᬳᬂ᭞ᬫᬧᬶᬭᬦ᭄ᬢᬶ᭞ᬳᬚᬤᬧᬓ᭄ᬦᬶᬲ᭄ᬢᬺᬱ᭄ᬝᬶ᭟᭐᭟ᬲᬮᬦ᭄ᬢᬸᬃᬜᬫᬸᬮᬸᬲ᭄ᬮᬸᬗ᭄ᬳ᭞ᬫᬦᬸᬮᬸᬄᬫᬃᬕ᭄ᬕᬦᬾᬰᬸ
ᬘᬶ᭞ᬢᬸᬗ᭄ᬳᬵᬢᬦ᭄ᬫᬮᬶᬄᬫᬢᬸᬮᬓ᭄᭞ᬦᬶᬓᬶᬓᬬᬸᬦᬾᬫᬲᬬᬸᬩ᭄᭞ᬫᬭᬶᬗᬶᬤᬲᬂᬳ᭄ᬧᬂᬲᬗ᭄ᬓᬦ᭄᭞ᬫᬓᬓᬯᬶᬢ᭄᭞ᬳ᭄ᬬᬂᬫᬳᬵᬧ᭄ᬭᬡᬧᬹᬃᬯ᭄ᬯᬓ᭟᭐᭟ᬲᬂᬩᬾᬩᬲ᭄ᬭᬶᬂᬫᬥᬫᭀᬳ
᭞ᬭᬕᬤ᭄ᬯᬾᬱᬫᬶᬦᬓᬤᬶ᭞ᬳᬸᬕᬶᬳᬶᬃᬧ᭄ᬬᬫᬢ᭄ᬲᬃᬬ᭄ᬬ᭞ᬲᬶᬦᬄᬲᬢᬢᬫᬲᬬᬸᬩ᭄᭞ᬪᬓ᭄ᬢᬶᬫᬭᬶᬂᬳ᭄ᬬᬗᬵᬢ᭄ᬫ᭞ᬦᬸᬫᬸᬲ᭄ᬭᬭᬶᬲ᭄᭞ᬫᬗᬸᬗ᭄ᬲᬶᬕ᭄ᬦᬳᬾᬮᬲ᭄ᬬ᭟᭐᭟ᬲᬹᬃᬬ᭄ᬬᬢᬦ᭄ᬩᭂᬦ᭄ᬢᬾ
[᭑᭐᭔ 104A]
ᬭᬶᬭᬶᬓ᭞ᬳᬧᬶᬩᬸᬮᬦ᭄ᬫᬲᬶᬄᬢᬸᬲᬶᬂ᭞ᬦ᭄ᬢᭀᬢᭀᬗᭀᬲ᭄ᬩᭂᬮᬶᬦᬾᬧᬃᬣ᭞ᬧᬮᬶᬂᬫᬸᬮ᭄ᬬᬤᬳᬢᬕᬸᬂ᭞ᬳ᭄ᬜᬾᬜ᭄ᬚᬭᬯᬸᬳᬶᬭᬶᬓ᭞ᬲᬶᬦᬳᬸᬦᬶᬂ᭞ᬩ᭄ᬯᬶᬦ᭄ᬫᬮᬶᬧ᭄ᬢᬦᬼᬓᬤ᭄᭟᭐᭟ᬩᬤᬶ
ᬳᬦ᭄ᬯᬶᬰᬾᬱᬦ᭄ᬓᬓ᭞ᬦᬾᬮᬗ᭄ᬕᭂᬂᬲᬫ᭄ᬧᬹᬃᬡ᭄ᬦᬰᬸᬘᬶ᭞ᬤᬤᬶᬚᬷᬯᬓᬳᬸᬭᬶᬧᬦ᭄᭞ᬧᬦᬸᬤᬸᬢ᭄ᬧᬜ᭄ᬘᬾᬤ᭄ᬭᬶᬬᬬᬾᬓᬸ᭞ᬫᬶᬯᬄᬧᬦᬸᬤᬸᬢᬶᬫᬦᬄ᭞ᬦᬾᬫᬗ᭄ᬓᬶᬮ᭄᭞ᬦᭀᬗᭀᬲ᭄ᬲᬚ᭄ᬭᭀ
ᬦᬶᬂᬧ᭄ᬭᬤᬫ᭟᭐᭟ᬬᬾᬦᬶᬂᬳᬶᬤᬳ᭄ᬬᬂᬚᬷᬯᬵᬢ᭄ᬫ᭞ᬜᬸᬲᬸᬧᬶᬦᬗ᭄ᬕᬧᬸᬦᬶᬓᬶ᭞ᬓᬮᬶᬄᬬᬦ᭄ᬧᬤᬾᬫᬢᬶᬗ᭄ᬕᬮ᭄᭞ᬳᬶᬱᬤ᭄ᬳᬶᬦ᭄ᬤ᭄ᬭᬶᬬᬫᬓᬸᬢᬸᬕ᭄᭞ᬲᬓᬤᬶᬳᬗᬶᬦ᭄ᬫᬫ᭄ᬯᬢ᭄᭞ᬳᬫ᭄ᬩᬸᬫᬶ
ᬳᬶᬓ᭄᭞ᬢᬾᬤᬄᬲᬓᬶᬂᬫᬕ᭄ᬦᬳᬦ᭄᭟᭐᭟ᬫᬯᬶᬢ᭄ᬲᬂᬚᬷᬯᬗᬯᬯ᭞ᬧᬜ᭄ᬘᬾᬦ᭄ᬤ᭄ᬭᬶᬬᬫᬦᬄᬫᬮᬶᬄ᭞ᬳᬯᬦᬤᬶᬦᬜᬶᬤᬬᬂ᭞ᬗ᭄ᬘᬧᬂᬯᬶᬱᬬᬦᬶᬧᬸᬦ᭄᭞ᬭᬹᬧᬕᬦ᭄ᬤᬭᬲᬲ᭄ᬧᬃᬱ᭞