[᭑᭐᭑ 101B]
᭑᭐᭑
ᬤ᭄ᬢᭂᬤᬸᬦ᭄ᬫᬭᬭᬶᬲ᭄᭟᭐᭟ᬳᭂᬜ᭄ᬘᬾᬦ᭄ᬬᬲᬂᬧ᭄ᬭᬢ᭄ᬬᬓ᭄ᬱ᭞ᬲᬚᬯᬶᬦᬶᬂᬳᬫ᭄ᬩᭂᬓ᭄ᬢ᭄ᬭᬶᬕᬸᬡᬧᬸᬦᬶᬓᬶ᭞ᬜᬶᬗᬓᬤᬍᬩᬶᬄᬮᬸᬳᬸᬃ᭞ᬍᬩᬶᬄᬰᬸᬘᬶᬍᬩᬶᬄᬫᬸᬮ᭄ᬬ᭞ᬭᬶᬂᬢ᭄ᬭᬶ
ᬕᬸᬡᬲᬶᬦᬄᬬᬧᬘᬂᬜᬸᬭᬸᬢ᭄᭞ᬦᬸᬜ᭄ᬘᬧ᭄ᬫᬜᬸᬚᬸᬭᬶᬓᬓ᭞ᬦᬸᬫᬸᬲᬭᭀᬓ᭄ᬢᭂᬓᬾᬦ᭄ᬩᭂᬮᬶ᭟᭐᭟ᬬᬦ᭄ᬲᬵᬫ᭄ᬧᬸᬜ᭄ᬚᬕ᭄ᬭᬲᬂᬚᬷᬯ᭞ᬦᬾᬫᬮᬶᬗ᭄ᬕ᭞ᬭᬶᬗᬗ᭄ᬕᬰᬭᬷᬭᬳᬤᬶ
᭞ᬫᬸᬗ᭄ᬕ᭄ᬯᬶᬂᬢ᭄ᬭᬶᬕᬸᬡᬧᬸᬦᬶᬓᬸ᭞ᬮ᭄ᬓᬤᬦ᭄ᬲᬓᬶᬂᬧ᭄ᬭᬤᬦ᭞ᬳᭂᬦ᭄ᬢᭀᬲᬶᬦᬄ᭞ᬧᬘᬂᬲᬸᬯᬸᬤ᭄ᬫᬵᬢᬶᬳᬶᬤᬸᬧ᭄᭞ᬮ᭄ᬓᬤ᭄ᬗᭂᬍᬫ᭄ᬫᬲᬶᬳᬸᬲᬦ᭄᭞ᬤᬸᬭᬸᬲ᭄ᬗᭀᬚᭀᬕ᭄ᬕᬚᬕ᭄ᬫᬸᬲ᭄ᬢᬶ᭟᭐᭟
ᬭᬭᬶᬲᬢᬸᬃᬲᬂᬆᬃᬚ᭄ᬚᬸᬦ᭞ᬥᬹᬄᬲᬂᬧ᭄ᬭᬪᬸᬦᬧᬶᬢᬦ᭄ᬫᬦ᭄ᬜᬯ᭄ᬬᬓ᭄ᬢᬶ᭞ᬲᬂᬲᬵᬫ᭄ᬧᬸᬦ᭄ᬜᬶᬤᬬᬂᬦᬸᬗ᭄ᬕᬸᬮ᭄᭞ᬗᬲᭀᬭᬂᬳᬶᬢ᭄ᬭᬶᬕᬸᬡ᭞ᬲᬧᬸᬦᬧᬶ᭞ᬧᬫᬃᬕ᭄ᬕᬶᬦᬶᬤᬧᬸᬦᬶᬓᬸ᭞ᬫᬮᬶᬳ
[᭑᭐᭒ 102A]
ᬲᬧᬸᬦᬧᬶᬬᬂ᭞ᬗᬲᭀᬭᬂᬢ᭄ᬭᬶᬕᬸᬡᬳᬶᬓᬶ᭟᭐᭟ᬭᬭᬶᬲ᭄ᬜᬯᬶᬲ᭄ᬰ᭄ᬭᬷᬓᬾᬰᬯ᭞ᬥᬹᬄᬆᬃᬚ᭄ᬚᬸᬦᬓᬳᭂᬦ᭄ᬢᭀᬲᬂᬢᬦ᭄ᬯᭂᬦᬗᬾᬮᬶᬓ᭄᭞ᬭᬶᬂᬕᬸᬡᬦ᭄ᬢ᭄ᬭᬶᬕᬸᬡᬳᬶᬓᬸ᭞ᬦᬤ᭄ᬬᬦ᭄ᬓᬦ᭄ᬢᬸᬦ᭄ᬦ
ᬤ᭄ᬬᬦᬶᬘᬮ᭄᭞ᬲᬤᬸᬓᬤ᭞ᬢ᭄ᬯᬭᬚᬲᬳᬢ᭄ᬫᬦᬸᬦ᭄ᬤᬸᬂ᭞ᬳᬸᬕᬶᬲᬤᬸᬓ᭄ᬢ᭄ᬯᬭᬳᬤ᭞ᬢᬍᬃᬢᬦ᭄ᬲᬳᬢ᭄ᬫᬗᬮᬶᬄ᭟᭐᭟ᬳᬶᬤᬤᭂᬕ᭄ᬤᭂᬕ᭄ᬳᭂᬢᭂᬕ᭄ᬩᬾᬩᬲ᭄᭞ᬢᬦ᭄ᬓᬯᬭ
ᬳᭀᬮᬶᬄᬢᬶᬃᬕᬸᬡᬧᬸᬦᬶᬓᬶ᭞ᬫᬾᬩᬲᬗᬗ᭄ᬕᬲᬢᬸᬯᬸᬓ᭄᭞ᬫ᭄ᬦᭂᬂᬩᬦ᭄ᬩᬦ᭄ᬢ᭄ᬯᬭᬳᭀᬜᬄ᭞ᬳᬧᬦ᭄ᬯᬶᬓᬦ᭄ᬭᬶᬂᬲᬦᬾᬫᬓᬃᬫ᭄ᬫᬳᬶᬓᬸ᭞ᬩᬦ᭄ᬢᬲ᭄ᬕᬸᬡᬚ᭄ᬭᭀᬦᬶᬂᬕᬸᬡ᭞ᬲᬗ᭄ᬓ
ᬦᬶᬤᬢ᭄ᬯᬭᬳᬶᬲ᭄ᬭᬶᬓ᭄᭟᭐᭟ᬳᬶᬤᬲᬂᬲᬶᬤ᭄ᬥᬫᬜᬶᬗᬓ᭄᭞ᬲᬸᬓᬵᬤᬸᬄᬓᬧᬢᬶᬲ᭄ᬦᬭᬫ᭄ᬧᬢᬸᬭᬤᬶᬮ᭄᭞ᬭᬶᬂᬓᬬᬸᬦ᭄ᬤᭂᬕ᭄ᬤᭂᬕ᭄ᬢᬸᬃᬓᬸᬓᬸᬄ᭞ᬜᬶᬗᬓ᭄ᬢᬦᬄᬩᬢᬸᬳ᭄ᬫᬵᬲ᭄᭞ᬢ᭄ᬯᬭᬩᬶ
Page:Bali-lontar-paparikan-bagawadgita-350ppi.pdf/102
Jump to navigation
Jump to search
This page has been proofread.
