Page:Bali-lontar-gaguritan-yajna-ring-kuruksetra-300ppi.pdf/9

From Wikisource
Jump to navigation Jump to search
This page has been proofread.

[᭘ 8B]
᭞᭘᭞
ᬫ᭄ᬭᬸᬧᬳᬕᭀᬤᬦ᭄᭞ᬩᬗᭂᬢ᭄ᬧᬶᬲᬦ᭄ᬫᬗᬸᬮ᭄ᬕᬸᬮᬶᬦ᭄᭞ᬢᬸᬃᬗᬶᬘᬮᬂᬓᬧᬕᭂᬳᬦ᭄᭞ᬫᬶᬯᬄᬓᬢᭂᬍᬩᬦ᭄ᬳᬢᬶ᭞ᬫᬓ᭄ᬭᬡᬓᬬᬸᬦᬾᬍᬗᬶᬢ᭄᭞ᬭᬶᬂᬚᬜ᭄ᬚᬶᬢᬦ᭄ᬩᬶᬲᬢᬸᬳᬸ᭞ᬘᬶᬢᬮᬓ᭄ᬱ
ᬡᬦᬾᬢᬸᬗ᭄ᬓᬲ᭄᭞ᬦᬵᬗ᭄ᬳᬶᬂᬳᬶᬤᬾᬯᬯ᭄ᬬᬓ᭄ᬢᬶ᭞ᬧᬕᭂᬄᬧᬸᬕᬸᬄ᭞ᬜᬮᬦᬂᬥᬃᬫ᭄ᬫᬦ᭄ᬳᬶᬤᬾᬯ᭟ᬧᬸᬧᬸᬢ᭄ᬯᬦ᭄ᬢᬄᬳᬫᬸᬦᬶᬓ᭞ᬩᬩᬯᭀᬲ᭄ᬳᬫ᭄ᬬᬸᬦᬾᬮᬶᬗ᭄ᬲᬶᬃ᭞ᬭᬭᬶᬲ᭄ᬳᬶᬧᬸᬦ᭄ᬫᬗ᭄ᬓᬶᬦ᭄ᬫᭂᬤᬮ᭄᭞ᬳᬶᬘᬮ᭄ᬢᬦ᭄᭞
ᬯᬾᬦ᭄ᬢᭂᬦ᭄ᬫᬗ᭄ᬕᬶᬳᬶᬦ᭄᭞ᬓᬾᬢᭀᬚᭂᬭᭀᬲᬋᬂᬲᬫᬶ᭞ᬧᬚᬃᬳᬶᬧᬸᬦᬾᬳᬶᬩᬶᬓᬸᬮ᭄᭞ᬢᬶᬢ᭄ᬬᬂᬯᬾᬦ᭄ᬢᭂᬦ᭄ᬤᬸᬓ᭄ᬧᬸᬦᬶᬓ᭞ᬳᬶᬭᬶᬓᬲᬋᬂᬜᬓ᭄ᬱᬶᬦᬶᬦ᭄᭞ᬢᬸᬃᬫᬫᬗ᭄ᬕᬸᬄ᭞ᬯᬾᬦ᭄ᬢᭂᬦ᭄ᬢᭂᬧᬸᬂᬓᬳᬸᬮᬸᬗᬂ᭟ᬲᬶᬲ
ᬦ᭄ᬢᭂᬧᬸᬗᬾᬧᬸᬦᬶᬓ᭞ᬯᬦ᭄ᬢᬄᬳᬓᬶᬤᬶᬓ᭄‌ᬯ᭄ᬬᬓ᭄ᬢᬶ᭞ᬤᬶᬢᬦᬳᬾᬫᬲᬫ᭄ᬩᭂᬳᬦ᭄᭞ᬤᬶᬢᬸᬢᬶᬢ᭄ᬬᬂᬫᬗᭂᬮᬶᬮᬶᬂ᭞ᬢᭂᬦ᭄ᬤᬲ᭄ᬢᬶᬢ᭄ᬬᬗᬾᬧᬸᬦᬶᬓᬶ᭞ᬲᬫᬶᬫᬩᭂᬩᭂᬄᬩᬵᬦ᭄ᬢᭂᬧᬸᬂ᭞ᬫᬶᬯᬄᬳᬯᬓᬾᬳᬲᬶᬩᬓ᭄᭞
[᭙ 9A]
ᬦᬾᬮᬶᬬᬦ᭄ᬦᬾᬦ᭄ᬢᭂᬦ᭄ᬓᭂᬦᬶ᭞ᬭᬾᬄᬢᬦ᭄ᬓᬦ᭄ᬢᬸᬦ᭄᭞ᬢᭂᬧᬸᬗᬾᬕᭂᬮᬶᬲᬦ᭄ᬢᭂᬮᬲ᭄᭟ᬳᬯᬓ᭄ᬢᬶᬢ᭄ᬬᬗᬾᬳᬲᬶᬩᬓ᭄᭞ᬫ᭄ᬯᬄᬢᭂᬦ᭄ᬤᬲ᭄ᬢᬶᬢ᭄ᬬᬂᬧᬸᬦᬶᬓᬶ᭞ᬚᬕ᭄ᬭᬫᬗ᭄ᬓᬶᬦ᭄ᬫᬭᭀᬩᬄ᭞ᬤᬤᭀᬲ᭄ᬫᬲ᭄ᬫᬯᬃᬡᬶᬓᬸᬦᬶᬂ᭞ᬲᬲᬸᬓ
ᬢ᭄ᬧᬸᬦᬶᬓᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬢ᭄ᬯᬭᬲᬸᬯᬸᬤ᭄ᬲᬸᬯᬸᬤ᭄᭞ᬮᬸᬯᬲ᭄ᬫᬳᬶᬍᬄᬳᬶᬍᬳᬦ᭄᭞ᬜᭂᬋᬧᬂᬬᬚ᭄ᬜᬦᬾᬍᬯᬶᬄ᭞ᬯᬶᬭᬾᬄᬤᬶᬢᬸ᭞ᬳᬶᬤᭂᬧᬾᬓᬮ᭄ᬓᬤᬕᬶᬗᬦ᭄᭟ᬳᬶᬗ᭄ᬕᬶᬄᬫᬗ᭄ᬤᬳᬯᬓ᭄ᬢᬶᬢ᭄ᬬᬂ᭞ᬦᬾᬩᬶ
ᬦ᭄ᬳᬲᬶᬩᬓ᭄ᬧᬸᬦᬶᬓᬶ᭞ᬜᬶᬤ᭄ᬠᬬᬂᬚᬸᬯᬫᬭᭀᬩᬄ᭞ᬫᬭᬹᬧᬳᭂᬫᬲ᭄ᬫᬲᬂᬕ᭄ᬮᬶᬂ᭞ᬦᬵᬗ᭄ᬳᬶᬂᬜᬦ᭄ᬢᭀᬲ᭄ᬭᬯᬸᬄᬫᬗ᭄ᬓᬶᬦ᭄᭞ᬢ᭄ᬯᬭᬦᬳᭂᬦᬶᬦ᭄ᬓᬘᬸᬦ᭄ᬤᬸᬓ᭄᭞ᬭᬶᬂᬬᬚ᭄ᬜᬓᬤᬶᬧᬸᬦᬶᬓ᭞ᬦᬾᬧᬗ᭄ᬕᬸᬄᬢᬶᬢ᭄ᬬᬂᬦᬾᬭᬶᬳᬶᬦ᭄᭞ᬩᬸ
ᬓ᭄ᬢᬶᬦ᭄ᬳᬶᬧᬸᬦ᭄᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬫᬶᬸᬦ᭄ᬲᬶᬦᬄᬧᬶᬲᬦ᭄᭟ᬢᬶᬢ᭄ᬬᬂᬧᭀᬮᬶᬄᬦᬶᬗᭂᬄᬳᭀᬃᬢ᭞ᬬᬦ᭄ᬓᭀᬦᬾᬤᬶᬦᬾᬚᬦᬶ᭞ᬧᬘᬂᬓᬯᬾᬦ᭄ᬢᭂᬦᬂᬬᬚ᭄ᬜ᭞ᬳᬕᭂᬂᬜᬯ᭄ᬬᬓ᭄ᬢᬶᬢᬦ᭄ᬓᬤᬶ᭞ᬳᬦ᭄ᬢᬸᬓ᭄ᬧᬸᬢ᭄ᬭᬦ᭄ᬤᬾᬯᬶᬓᬸ