[᭗ 7B]
᭞᭗᭞
ᬢ᭄ᬬᬗᬾᬳᬶᬭᬶᬓᬶ᭞ᬚᬶᬯᬦ᭄ᬢᬶᬢ᭄ᬬᬗᬾᬧᬸᬦᬶᬓᬶ᭞ᬭᬶᬂᬳᬶᬭᬢᬸᬯᬦ᭄ᬢᬄᬓᬵᬢᬸᬃ᭞ᬮᬾᬤᬂᬳᬸᬕᬶᬗᬯᬸᬮᬬᬂ᭞ᬓᬾᬦᬓ᭄ᬗᬗ᭄ᬕᬾᬦ᭄ᬢᬶᬢ᭄ᬬᬂᬳᬩ᭄ᬤᬶ᭞ᬫᬗ᭄ᬤᬢᭂᬭᬸᬲ᭄᭞ᬲ᭄ᬯᬾᬘᬦ᭄ᬳᬶᬭᬢᬸᬭᬶᬂᬢᬶᬢ᭄ᬬᬂ᭟ᬧᬸᬦᬶᬓᬶᬳᬫ᭄ᬩᬶᬮᬶᬦ᭄ᬢᬶᬢ᭄ᬬᬂ᭞
ᬤᬸᬫᬦ᭄ᬢᬶᬢ᭄ᬬᬂᬫᬓᬲᬫᬶ᭞ᬧᬶᬘ᭄ᬙᬬᬂᬳᬸᬕᬶᬧᬸᬦᬶᬓ᭞ᬭᬶᬂᬢᬫ᭄ᬬᬸᬦᬾᬲᬦᬾᬮᬶᬗ᭄ᬲᬶᬃ᭞ᬳᬶᬘ᭄ᬙᬾᬦ᭄ᬧᬜ᭄ᬚ᭄ᬭᭀᬯᬦ᭄ᬳᬚᬶ᭞ᬫᬧᬓᬃᬤᬶᬲᬦᬾᬳᬬᬸ᭞ᬲᬢ᭄ᬬᬩᬓ᭄ᬢᬶᬭᬶᬂᬫᬢ᭄ᬯ᭞ᬥᬃᬫ᭄ᬫᬦ᭄ᬢᬶᬢ᭄ᬬᬗᬾᬧᬸᬦᬶᬓᬶ᭞ᬫᬤᬓ᭄ᬭᬢᬸ᭞ᬓ
ᬯᬶᬦᬾᬲ᭄ᬯᬾᬘᬭᬶᬂᬢᬶᬢ᭄ᬬᬂ᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬓᬢ᭄ᬭᬶᬫᬬᬂ᭞ᬭᬶᬂᬢᬫ᭄ᬬᬸᬦᬾᬲᬦᬾᬮᬶᬗ᭄ᬲᬶᬃ᭞ᬢᭂᬧᭂᬗᬾᬲᬦᬾᬧᬶᬦᭂᬮᬲ᭄᭞ᬧᬸᬦᬶᬓᬶᬢᬍᬃᬬᬕᭂᬮᬶᬲ᭄᭞ᬓᬧᬸᬧᬸᬢᬂᬧ᭄ᬭᬫᬗ᭄ᬓᬶᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬲᬶᬲᬓᬦ᭄ᬢᬸ
ᬦ᭄᭞ᬢᬫ᭄ᬬᬸᬦᬾᬭᬭᬶᬲ᭄ᬳᬗᬸᬘᬧ᭄᭞ᬳᬶᬗ᭄ᬕᬶᬄᬜᬸᬓ᭄ᬱ᭄ᬫᬬᬂᬕᬢᬶ᭞ᬧᬶᬘᬦ᭄ᬭᬢᬸ᭞ᬩ᭄ᬭᬳ᭄ᬫᬵᬡᬦᬾᬫᬓᬧᬢ᭄ᬧᬢ᭄᭟ᬬᬚ᭄ᬜᬦ᭄ᬳᬶᬤᬾᬯᬧᬸᬦᬶᬓ᭞ᬫᬓᬦ᭄ᬢᭂᬦ᭄ᬯ᭄ᬬᬓ᭄ᬢᬶᬳᬮᬶᬢ᭄᭞ᬦᬵᬗ᭄ᬳᬶᬂᬍᬯᬶᬳᬶᬂᬳᬸᬢ
[᭘ 8A]
ᬫ᭞ᬢᬦ᭄ᬯᬾᬦ᭄ᬢᭂᬦ᭄ᬲᬦᬾᬜᬳᬶᬳᬶᬦ᭄᭞ᬯᬶᬭᬾᬄᬳᬶᬧᬸᬦ᭄ᬓᬤᬲᬭᬶᬦ᭄᭞ᬩᬦ᭄ᬩᬸᬦ᭄ᬟᬶᬧᬓᬺᬢᬶᬮᬸᬳᬸᬃ᭞ᬫᬶᬯᬄᬢᬦ᭄ᬮᬾᬫ᭄ᬧᬲ᭄ᬭᬶᬂᬥᬃᬫ᭄ᬫ᭞ᬳᬱ᭄ᬝᬶᬢᬶᬩᬓ᭄ᬢᬶᬭᬶᬂᬯᬶᬥᬷ᭞ᬢᬸᬃᬓᬲᬸᬫ᭄ᬩᬸᬂ᭞ᬭᬯᬸᬄᬳᬶᬭᬶᬓᬭᬶᬂᬲ᭄ᬯᬃᬕ᭄ᬕ
ᬦ᭄᭟ᬲᬵᬫ᭄ᬧᬸᬦᬂᬳᬶᬤᬾᬯᬕᬶᬗ᭄ᬕᬂ᭞ᬧᬸᬦᬶᬓᬫᬗ᭄ᬓᬶᬦ᭄ᬘᬶᬗᬓᬶᬦ᭄᭞ᬧᬭᬤᬾᬯᬢᬲᬶᬦᬫ᭄ᬬᬦ᭄᭞ᬢᭂᬤᬸᬦ᭄ᬗ᭄ᬭᬯᬸᬳᬶᬦ᭄ᬫᬭᬶᬓ᭞ᬗᬸᬭᬲᭂᬓᬃᬯᬃᬡᬯᬃᬡᬷ᭞ᬳᬫ᭄ᬩᬸᬦ᭄ᬜᬦᬾᬫᬶᬬᬶᬓ᭄ᬗᬮᬸᬩ᭄᭞ᬜᬶᬳ᭄ᬦᬬᬂᬬ
ᬚ᭄ᬜᬦ᭄ᬳᬶᬤᬾᬯ᭞ᬮᬗ᭄ᬓᬸᬂᬍᬯᬶᬄᬢᬦ᭄ᬧᬢᬦ᭄ᬤᬶᬂ᭞ᬫᬳᬵᬳᬕᬸᬂ᭞ᬢᬦ᭄ᬯᬾᬦ᭄ᬢᭂᬦ᭄ᬲᬦᬾᬗᬲᭀᬭᬂ᭟ᬲᬫᬮᬶᬄᬧᬪᬝᬭ᭞ᬪᬝᬭᬶᬮᬦ᭄ᬯᬶᬤ᭄ᬬᬵᬥᬭᬷ᭞ᬢᭂᬤᬦ᭄ᬲᬓᬶᬂᬲ᭄ᬯᬃᬕ᭄ᬕᬮᭀᬓ᭞ᬓ᭄ᬭᬾᬢᬓᬜ᭄ᬘ
ᬦᬓᬮᬶᬗ᭄ᬕᬶᬳᬶᬦ᭄᭞ᬭᬯᬄᬗᬢᬸᬭᬶᬦ᭄ᬫᬭᬶᬓᬶ᭞ᬫᬗ᭄ᬤᬭᬶᬂᬲ᭄ᬯᬃᬕ᭄ᬕᬫᬮᬸᬗ᭄ᬕᬸᬄ᭞ᬕᭂᬦᬄᬳᬤᬓ᭄ᬦᬾᬳᬸᬢᬫ᭞ᬰᬶᬮᬥᬃᬫ᭄ᬫᬮᬸᬳᬸᬃᬩᬸᬤ᭄ᬟᬶ᭞ᬲᬵᬫ᭄ᬧᬸᬦ᭄ᬧᬸᬢᬸᬲ᭄᭞ᬢᬦ᭄ᬓᬦ᭄ᬢᬸᬦ᭄ᬓᬮᬶᬧᬸᬢ᭄ᬫᬬ᭟ᬲᭂᬤᬸᬓᬾ
Page:Bali-lontar-gaguritan-yajna-ring-kuruksetra-300ppi.pdf/8
Jump to navigation
Jump to search
This page has been proofread.
