[᭕ 5B]
᭞᭕᭞
ᬓᬶ᭞ᬤᬸᬫᬦ᭄ᬳᬶᬤᬾᬯᬦᬾᬲᬫᬶ᭞ᬦᭂᬧᬶᬦᬶᬦ᭄ᬳᬶᬤᬾᬯᬲᭂᬤᬸᬓ᭄᭞ᬤᭀᬂᬚᬲ᭄ᬯᬃᬕᬧᬘᬂᬩᬓᬢ᭄᭞ᬓᬃᬫ᭄ᬫᬓᬯᭀᬦ᭄ᬦᬾᬓᬧᬗ᭄ᬕᬶᬄ᭞ᬢᬦ᭄ᬚᬧᬢᬹᬢ᭄᭞ᬩᭂᬮᬶᬜᬸᬗ᭄ᬓᬦᬶᬦ᭄ᬳᬶᬤᬾᬯ᭟ᬭᬩᬶᬦᬾᬦᬶᬫ᭄ᬩᬮ᭄ᬗᬦ᭄ᬤᬶᬓ᭞
ᬩᬯᭀᬲ᭄ᬩᭂᬮᬶᬩᭂᬘᬶᬓ᭄ᬯ᭄ᬬᬓ᭄ᬢᬶ᭞ᬦᬵᬗ᭄ᬳᬶᬂᬢᬶᬢ᭄ᬬᬂᬢᬦ᭄ᬗᬿᬭᬶᬗᬂ᭞ᬭᬾᬄᬥᬃᬫ᭄ᬫᬳᬃᬣᬧᬸᬦᬶᬓᬶ᭞ᬫᬶᬯᬄᬦᬾᬮ᭄ᬬᬦᬦ᭄ᬫᬮᬶᬄ᭞ᬧᬢᬹᬢ᭄ᬓᬩᬕᬶᬧᬂᬧᬢᬸᬄ᭞ᬫᬿᬦ᭄ᬦᬧᬶᬩᭂᬮᬶᬓᬾᬦ᭄ᬢᭂᬦ᭄ᬢᬶᬢ᭄ᬬᬂ᭞ᬗᬶᬭᬶᬂᬫᬗ᭄ᬓᬶᬦ᭄ᬫᬗ᭄ᬤᬲᬧᬶᬄ᭞ᬩᭂ
ᬮᬶᬲᭂᬤᬸᬓ᭄᭞ᬢᬶᬢ᭄ᬬᬂᬫᬗ᭄ᬤᬲᬋᬂᬮᬬᬄ᭟ᬢᭂᬧᭂᬗᬾᬭᬭᬶᬲ᭄ᬓᬵᬳᬭᬂ᭞ᬫᬗ᭄ᬤᬢᬫ᭄ᬬᬸᬦᬾᬓᬵᬯᬾᬳᬶᬦ᭄᭞ᬕᭂᬮᬶᬲᬶᬦ᭄ᬘᬭᬶᬢᬓᭀᬘᬧ᭄᭞ᬚᭂᬫ᭄ᬩᬗᬾᬓᭂᬤᬲ᭄ᬫᬍᬜᬶᬕ᭄᭞ᬳᬓᬶᬤᬶᬓ᭄ᬢᬦ᭄ᬯᬾᬦ᭄ᬢᭂ
ᬦ᭄ᬓᬭᬶ᭞ᬢᬫ᭄ᬬᬸᬦᬾᬬᬓᬦ᭄ᬢᬸᬦ᭄ᬲᭂᬤᬸᬓ᭄᭞ᬩ᭄ᬭᬳ᭄ᬫᬵᬡᬮᬦᬂᬢᬦ᭄ᬓᭀᬤᬕ᭄᭞ᬫᬾᬯᭂᬄᬓᬬᬸᬦᬾᬗᬓ᭄ᬱᬶᬦᬶᬦ᭄᭞ᬮᬗ᭄ᬓᬸᬂᬲᬸᬗ᭄ᬲᬸᬢ᭄᭞ᬳᭂᬗ᭄ᬲᭂᬓ᭄ᬢᬦ᭄ᬤᬤᭀᬲ᭄ᬗᬦ᭄ᬤᬶᬓ᭟ᬳᬦ᭄ᬢᬸᬓ᭄ᬧᬸᬢ᭄ᬭᬦᬾᬓᬘᬶ
[᭖ 6A]
ᬗᬓ᭄᭞ᬭᬭᬶᬲ᭄ᬳᬶᬤᬓᬢᬫ᭄ᬧᭂᬓᬶᬦ᭄᭞ᬕᭂᬮᬶᬲᬂᬭᬢᬸᬧᬶᬘᬬᬂ᭞ᬤᬸᬫᬦ᭄ᬢᬶᬢ᭄ᬬᬗᬾᬧᬸᬦᬶᬓᬶ᭞ᬲ᭄ᬯᬃᬕ᭄ᬕᬫᬦᬳᬾᬢᬦ᭄ᬓᬤᬶ᭞ᬧᭀᬮᬶᬄᬗᬯᬾᬳᬶᬦ᭄ᬧᬶᬢᬸᬮᬸᬂ᭞ᬭᬶᬂᬦᬓ᭄ᬲᭂᬤᭂᬓ᭄ᬓᬲᭂᬗ᭄ᬲᬭᬦ᭄᭞ᬤᬸᬫᬤᬓ᭄ᬓᬦ᭄ᬢᬸᬦ᭄ᬫ
ᬳᬸᬭᬶᬧ᭄᭞ᬳᬶᬗ᭄ᬕᬶᬄᬭᬢᬸ᭞ᬳᬫᬸᬦᬶᬓᬶᬳᬢᬸᬃᬢᬶᬢ᭄ᬬᬂ᭟ᬗᬦ᭄ᬢᬶᬓᬩ᭄ᬭᬳ᭄ᬫᬵᬡᬮᬦᬂ᭞ᬳᬸᬤᬸᬄᬚᬶᬯᬦ᭄ᬩᬧᬘᭂᬦᬶᬂ᭞ᬲᬶᬂᬧᬢᬹᬢ᭄ᬩᬧᬦᬸᬳᬸᬢᬂ᭞ᬧᬗᬶᬤᬶᬄᬘᭂᬦᬶᬂᬧᬸᬦᬶᬓᬶ᭞ᬬᬤ᭄ᬬᬦ᭄ᬩᬧᬲᬫ᭄ᬧᬸᬦ᭄ᬮᬶᬗ᭄ᬲᬶᬃ᭞
ᬩᬧᬲᬵᬫ᭄ᬧᬸᬦ᭄ᬩ᭄ᬬᬲᬲᭂᬤᬸᬓ᭄᭞ᬫᬢᬸᬯᬸᬄᬓᬤᬶᬳᬶᬤᬾᬯ᭞ᬦ᭄ᬲᭂᬤᬸᬓ᭄ᬩᬗᭂᬢᬸᬫᬬᬦᬶᬦ᭄᭞ᬩᬗ᭄ᬕ᭄ᬬᬂᬲᬵᬫ᭄ᬧᬸᬦ᭄᭞ᬓᬗ᭄ᬕ᭄ᬬᬂᬳᬫᭀᬦ᭄ᬢᭀᬧ᭄ᬭᬕᬢᬂ᭟ᬫᬵᬢᬸᬃᬧᬸᬢ᭄ᬭᬦᬾᬩ᭄ᬮᬶᬲᬂ᭞ᬦᬸᬦᬲ᭄ᬮᬸᬕ᭄ᬭᬢᬶᬢ᭄ᬬᬂ
ᬳᬚᬶ᭞ᬲᬶᬦᬫ᭄ᬧᬸᬭᬳᬢᬸᬃᬢᬶᬢ᭄ᬬᬂ᭞ᬭᬾᬄᬧᬸᬭᬸᬦ᭄ᬢᬶᬢ᭄ᬬᬂᬦᬸᬗ᭄ᬓᬲᬶᬦ᭄᭞ᬧᬶᬓᬬᬸᬦ᭄ᬳᬚᬶᬦᬾᬩᭂᬘᬶᬓ᭄᭞ᬢᬶᬢ᭄ᬬᬂᬳᬾᬮᬶᬂᬧᬶᬲᬦ᭄ᬭᬢᬸ᭞ᬫᬗ᭄ᬕᭂᬄᬭᬶᬂᬧᬸᬢ᭄ᬭᬰᬲᬦ᭞ᬓᬧᬢᬹᬢᬦ᭄ᬧᬸᬢ᭄ᬭ
Page:Bali-lontar-gaguritan-yajna-ring-kuruksetra-300ppi.pdf/6
Jump to navigation
Jump to search
This page has been proofread.
