Page:Bali-lontar-gaguritan-sundari-trus-300ppi.pdf/7

From Wikisource
Jump to navigation Jump to search
This page has been proofread.

[᭖ 6B]

ᬜ᭄ᬘᬩ᭄ᬭᬳ᭄ᬫᬵᬦ᭄ᬢᭀᬭᬶᬗᬢᬶ᭞ᬫᬮᬶᬄᬇᬓᬹ᭞ᬧᬢᬶᬦᬶᬂᬓᬲᬤ᭄ᬥᬵᬭᬱᬵ᭟ᬕ᭄ᬦᬄᬇᬓᬹ᭞ᬭᬶᬂᬧᬍᬤ᭄ᬥᬦ᭄ᬢᭀᬫᬸᬗ᭄ᬕᬸᬄ᭞ᬭᬱᬘᬫᬸᬰ᭄ᬘᬬᬵ᭞ᬭᬶᬂᬢᬾᬚᬳᬶᬤᬫᬮᬶᬗ᭄ᬕᬶᬄ᭞ᬫᬮᬶᬄᬇᬓᬹ᭞ᬭᬚᬧᬾᬦᬶᬢᭀ
ᬭᬶᬂᬧᬩᬦ᭄᭟ᬯᬸᬲ᭄ᬫᬓᬸᬫ᭄ᬧᬸᬮ᭄᭞ᬫᬮᬶᬄᬩ᭄ᬘᬶᬄᬬᬧᬸᬦᬶᬓᬸ᭞ᬳᬓ᭄ᬯᬾᬄᬓᬤᬤᬶᬦ᭄ᬜᬵ᭞ᬫᬲ᭄ᬭᬤᬄᬢᭀᬦᬭᬶᬂᬜᬮᬶ᭞ᬚᭀᬂᬩᬶᬭᬸ᭞ᬳᬶᬋᬗᬶᬂᬦᬾᬢ᭄ᬭᬵᬲᬶᬭᬫᬕ᭄ᬦᬄ᭟ᬯᬾᬦ᭄ᬢᭂᬦ᭄ᬫᬸᬗ᭄ᬕᬸᬄ᭞ᬦᬵᬕᬭᬸᬦ᭄ᬢᬶᬂᬦᬾ
ᬧᬸᬦᬶᬓᬸ᭞ᬭᬶᬂᬢᬸᬢᬸᬤ᭄ᬫᬕ᭄ᬦᬄ᭞ᬫᬯᬶᬦᬦ᭄ᬫᬗᬮᬶᬄᬮᬶᬗ᭄ᬕᬶᬄ᭞ᬧᬤᬫᬸᬗ᭄ᬕᬸᬄ᭞ᬭᬶᬂᬘᬦ᭄ᬢᬾᬮᬶᬤᬄᬫᬕ᭄ᬦᬄ᭟ᬯᬾᬦ᭄ᬢᭂᬦ᭄ᬫᬸᬗ᭄ᬕᬸᬄ᭞ᬱᬸᬭᬯᬗᬶᬗᬭᬦᬾᬓᬸ᭞ᬭᬶᬂᬚᬚᬄᬫᬕ᭄ᬦᬄ᭞ᬓᬮᬚᬕ᭄ᬭᬫᬜᬋᬗᬶᬦ᭄᭞ᬮᬸ
ᬗ᭄ᬕᬸᬄᬇᬓᬹ᭞ᬭᬶᬂᬗᭀᬢᭀᬢ᭄ᬳᬶᬤᬵᬫᬕ᭄ᬦᬄ᭟ᬮᬾᬦ᭄ᬧᬸᬦᬶᬓᬸ᭞ᬲᬸᬦ᭄ᬬᬢᬦ᭄ᬧᬫᬥᬫ᭄ᬢᬸ᭞ᬭᬶᬂᬲᬩ᭄ᬥᬫᬕ᭄ᬦᬄ᭞ᬧᬲᬸᬓ᭄ᬯᭂᬢᬸᬗᬭᬦᬾᬓᬶ᭞ᬢᬸᬢᬸᬃᬳᬶᬧᬸᬦ᭄᭞ᬧᬲᬸᬓ᭄ᬯᭂᬢᬸᬦᬶᬂᬳᬕᬫᬵ᭟ᬦᭀᬭ
[᭗ 7A]
ᬮᬶᬬᬸ᭞ᬅᬓ᭄ᬱᬭᬦᬾᬧᬘᬂᬗᬶᬢᬸᬂ᭞ᬢᬢᬶᬕᬭᬶᬂᬭᬕ᭞ᬫᬵᬦᬸᬱ᭞ᬤᬯ᭄ᬯᬯᬶᬮᬗᬶᬦ᭄᭞ᬜᬸᬢ᭄ᬣᬵᬧᬢᬸᬄ᭞ᬦᬾᬢᬢ᭄ᬮᬸᬤᬤᬶᬢᬸᬗ᭄ᬕᬮ᭄᭟ᬫᬮᬶᬄᬳᬶᬢᬸᬂᬉᬭᬶᬧ᭄ᬩᬸᬱᬦᬾᬧᬸᬦᬶᬓᬸ᭞ᬫᬳᬸᬭᬶᬧ᭄ᬬᬳᬲ᭄ᬬ᭞ᬫᬦᬸᬱᬵᬤᬾ
ᬯ᭄ᬯᬯᬶᬮᬗᬶᬦ᭄᭞ᬇᬓᬹᬧᬢᬸᬄᬫ᭄ᬳᬸᬭᬶᬧ᭄ᬜᬦᬾᬧᬤᬢᬸᬗ᭄ᬕᬮ᭄᭟ᬮᬾᬦ᭄ᬳᬶᬢᬸᬂ᭞ᬅᬓ᭄ᬱᬭᬦᬾᬢ᭄ᬯᬄᬢᬢ᭄ᬮᬸ᭞ᬰ᭄ᬯᬮᬮᬶᬢᬳᬶᬓ᭞ᬳᬸᬭᬶᬧ᭄ᬜᬦᬾᬢ᭄ᬯᬄᬳᬩ᭄ᬲᬶᬓ᭄᭞ᬫᭀᬤ᭄ᬭᬾᬇᬓᬹ᭞ᬳᬸᬭᬶᬧ᭄ᬜᬦᬾᬢ᭄ᬯᬄᬳ
ᬤᬰ᭟ᬩ᭄ᬯᬶᬦ᭄ᬳᬶᬢᬸᬂ᭞ᬳᬸᬭᬶᬧ᭄‌ᬯ᭄ᬭᬾᬳᬲ᭄ᬢ᭄ᬭᬵᬧᬸᬦᬶᬓᬸ᭞ᬫᬸᬭᬶᬧ᭄‌ᬢ᭄ᬯᬄᬮᬮᬶᬫ᭞ᬢ᭄ᬭᬶᬧᬸᬭᬸᬱᬵᬗᬭᬦ᭄ᬧᬸᬦᬶᬓᬶ᭞ᬦᬾᬢᬢ᭄ᬮᬸ᭞ᬫᬸᬮᬶᬄᬬᬚᬢᬶᬯᭀᬗ᭄ᬓᬭ᭟ᬘᬳᬶᬩᬕᬸᬲ᭄᭞ᬳᬫᬸᬦ᭄ᬢᭀᬩᬧᬫᬶᬢᬸᬢᬸᬃ᭞ᬳᬶ
ᬗᭂᬢᬂᬤᬶᬫᬦᬄ᭞ᬢᬸᬢᬸᬃᬓᬓᬶᬦᬾᬧᬸᬦᬶᬓᬶ᭞ᬗᬭᬦ᭄ᬢᬸᬢᬸᬃ᭞ᬭᬚᬧᬾᬦᬶᬮᬯᬲ᭄ᬢᬢ᭄ᬯ᭟ᬤᬾᬯ᭄ᬯᬭᬢᬸ᭞ᬳᬦᬓ᭄ᬢᬸᬭᬸᬦ᭄ᬭᬶᬂᬲᬂᬧᬸᬢᬸ᭞ᬲᬶᬗ᭄ᬕᬶᬄᬲᬗᬫ᭄ᬧ᭄ᬯᬦ᭄᭞ᬓᬾᬮᬸᬓ᭄ᬢᬶᬢ᭄ᬬᬂᬫᬫᬶᬦ᭄ᬳᬶᬦ᭄᭞ᬢᬲ᭄ᬢ᭄ᬭᬵᬢ᭄ᬮᬸ᭞