[᭓ 3B]
᭓
ᬢᬹᬭᬶᬓᬸ᭞ᬮᬮᬶᬫᬧᬸᬦᬶᬓᬵ᭞ᬚᬩᬚ᭄ᬭᭀᬕ᭄ᬦᬄᬧᬸᬦᬶᬓᬶ᭞ᬩ᭄ᬘᬄᬳᬶᬓᬸ᭞ᬫᬗᬭᬦ᭄ᬲᬶᬭᬓᬯᬃᬕ᭄ᬕᬵ᭟ᬓᬯᬃᬕ᭄ᬕᬾᬓᬸ᭞ᬓᬓᬕᬕᬗᬧᬸᬦᬶᬓᬸ᭞ᬤᬤᬶᬲᬵᬃᬫ᭄ᬫᬦ᭄ᬢᬸᬮᬂ᭞ᬰ᭄ᬯᬃᬕ᭄ᬖᬵᬮᬾᬦ᭄ᬗᬭᬦᬶᬓᬶ᭞ᬲᬧᬓᬭᭀ
ᬳᬕᬦᭂᬮ᭄ᬦᬭᬶᬂᬲᬭᬶᬭᬵ᭟ᬢᬯᬃᬕᬾᬓᬸ᭞ᬢᬢᬤᬤᬶᬓᬧᬸᬦᬶᬓᬸ᭞ᬤᬦ᭄ᬥᬶᬬᬭᬸᬤᬶᬭ᭞ᬤᬤᬶᬳ᭄ᬬᬂᬗᬭᬶᬩ᭄ᬯᬶᬦ᭄᭞ᬲᬧᬓᬭᭀ᭞ᬳᬕᬦᭂᬮ᭄ᬦᬭᬶᬂᬲᬭᬶᬭᬵ᭟ᬳᬯᬃᬕᬾᬓᬸ᭞ᬢᬢᬤᬤᬦᬧᬸᬦᬶᬓᬸ᭞ᬤᬺ
ᬤ᭄ᬥᬫ᭄ᬯᬂᬗᬸᬯᬢ᭄᭞ᬲᬳᬶᬲᬶᬦᬶᬂᬲᬃᬯ᭄ᬯᬲᬦ᭄ᬥᬶ᭞ᬤᬤᬶᬳᬶᬓᬸ᭞ᬓᬲ᭄ᬮᭀᬓᬭᬶᬂᬫ᭄ᬭᬘᬵᬧᬤ᭟ᬧᬯᬃᬕᬾᬓᬸ᭞ᬧᬵᬧᬩᬩᬵᬫᬧᬸᬦᬶᬓᬸ᭞ᬬᬦ᭄ᬭᬶᬂᬲᬭᬶᬭᬵ᭞ᬤᬶᬚ᭄ᬭᭀᬦ᭄ᬳᬶᬤᬵᬫᬫᬸᬓ᭄ᬢᬶ᭞ᬗᬭᬦᬶᬓᬸ᭞
ᬧᬜ᭄ᬘᬢ᭄ᬭᬶᬬᬓ᭄ᬱᬭᬯᬃᬕ᭄ᬕᬵ᭟ᬫᬮᬶᬄᬢᬸᬢᬸᬃ᭞ᬅᬓ᭄ᬱᬭᬮᬯᬬᬇᬓᬹ᭞ᬧᬫᬤᬤᬤᬶᬦ᭄ᬬ᭞ᬓᬧᬮᬲᬸᬮᬸᬂᬫ᭄ᬦᬤ᭄ᬥᬶ᭞ᬲᬵᬫ᭄ᬧᬸᬦᬶᬓᬸ᭞ᬓᬢᬸᬢᬸᬭᬦ᭄ᬩ᭄ᬯᬶᬦ᭄ᬢᬸᬢᬸᬭᬂ᭟ᬲᬫᬸᬃᬤᬦ᭄ᬬ᭞ᬅᬓ᭄ᬱᬭᬗᬭᬵ
[᭔ 4A]
ᬦ᭄ᬧᬸᬦᬶᬓᬸ᭞ᬯᬶᬯᬭᬦᬶᬂᬳᬗ᭄ᬕᬵ᭞ᬧᬲᬸᬓ᭄ᬯᭂᬢᬸᬗᬭᬦ᭄ᬧᬸᬦᬶᬓᬶ᭞ᬕ᭄ᬦᬄᬳᬶᬓᬸ᭞ᬭᬶᬂᬕᬫ᭄ᬩᬸᬭᬵᬗ᭄ᬮᬬᬂᬇᬓ᭟ᬲᬢ᭄ᬣᬵᬮᬯ᭄ᬬ᭞ᬫᬢ᭄ᬫᬳᬦ᭄ᬓᬸᬮᬶᬢ᭄ᬳᬶᬓᬸ᭞ᬮᬾᬦ᭄ᬥᬕᬶᬂᬤᬤᬶᬦ᭄ᬜ᭞ᬭᬶᬂᬕᬦᭂᬦ᭄ᬫᬃᬕ᭄ᬕᬶᬦ᭄᭞ᬕ᭄ᬦᬶ᭞ᬬᬦ᭄ᬭᬶᬂᬚ᭄ᬭᭀ᭞ᬳᬲ
ᬧᬸᬦᬶᬓᬢᬸᬢᬸᬭᬦ᭄᭟ᬅᬓᬭᬯᬶᬦ᭄ᬥᬸ᭞ᬧᬦ᭄ᬢᬭᬦᬶᬂᬩᬬᬸᬇᬓᬸ᭞ᬢᬸᬭᬸᬦ᭄ᬫᬶᬯᬄᬫᬸᬗ᭄ᬕᬄ᭞ᬧᬲᬶᬦ᭄ᬤᬸᬳ᭄ᬬᬂᬢ᭄ᬭᬶᬦᬤ᭄ᬥᬶ᭞ᬲᬸᬩᬤᬶᬢᬸ᭞ᬫᬗᬭᬦ᭄ᬲ᭄ᬯᬭᬯ᭄ᬬᬚ᭄ᬜᬵᬦ᭟ᬇᬑᬑᬧᬸᬦᬶᬓᬫᬦᬤᬶᬲᬸᬓᬸ᭞ᬢᬲ᭄ᬢ᭄ᬭ
ᬯᬯᬇᬓᬵ᭞ᬳᬗᬸᬮᬶᬗᬸᬦ᭄ᬲᬶᬭᬫ᭄ᬦᬤᬶ᭞ᬉᬉᬇᬓᬸ᭞ᬧᬶᬦ᭄ᬥᬓᬩᬯᬸᬤᬡ᭄ᬥᬵ᭟ᬇᬇᬇᬓᬹ᭞ᬓᬵᬤᬶᬧᬦᬤ᭄ᬬᬦ᭄ᬳᬶᬧᬸᬦ᭄᭞ᬅᬓᬭᬦᬾᬚᬶᬯᬵ᭟ᬫᬺᬢ᭄ᬣᬵᬲᬚᬶᬯ᭄ᬯᬗᬭᬦᬶᬓᬶ᭞ᬲᬩ᭄ᬥᬵ
ᬩᬬᬸ᭞ᬳᬶᬥᭂᬧᬗᬧ᭄ᬯᬦ᭄ᬲᬭᬶᬭ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬢᬸᬢᬹᬃᬚᬦ᭄ᬫᬵᬦᬾᬳᬯᬸᬓᬸᬤ᭄᭞ᬩ᭄ᬯᬶᬦ᭄ᬬᬫᬗᬾᬓ᭞ᬭᭀᬂᬧᬸᬮᬸᬅᬓ᭄ᬱᬭᬍᬯᬶᬄ᭞ᬩ᭄ᬲᬶᬓᬶᬢᬸᬂ᭞ᬦᬾᬫ
Page:Bali-lontar-gaguritan-sundari-trus-300ppi.pdf/4
Jump to navigation
Jump to search
This page has been proofread.
