Page:Bali-lontar-gaguritan-sewagati-300ppi.pdf/13

From Wikisource
Jump to navigation Jump to search
This page has been proofread.

[᭑᭒ 12B]
᭑᭒᭟
ᬫᬦᬸᬳᬸᬦᬂᬫᬜᬶ᭞ᬫ᭄ᬯᬄᬫᬶᬲᬦᬾᬓᬓᬮᬶᬄ᭞ᬲᬫᬶᬤᬦᬾᬮ᭄ᬯᬲ᭄ᬫᬗᬫ᭄ᬧᬸᬂ᭞ᬳᬶᬦᭂᬗᬄᬳᬶᬲᬾᬯᬫ᭄ᬩᬭ᭞ᬳᬶᬜᭀᬫᬦᬶᬲᬾᬯᬫ᭄ᬩᬭᬷ᭞ᬫ᭄ᬯᬄᬳᬶᬕᬸᬭᬸ᭞ᬫᬦᭂᬧᬸᬓ᭄ᬧᬦ᭄ᬢᬸᬦ᭄ᬤᬶᬳᬸᬫ᭟᭜᭟ᬧᬤᬶᬤ᭄ᬬᬦ᭄ᬤᬦᬾᬤᬶᬚᬸᬫᬄ᭞ᬢ᭄ᬯᬭᬫ
ᬭᭀᬯᬂᬜᬂᬳᬤᬶᬳᬶ᭞ᬦᬸᬦᬸᬦ᭄ᬘᭂᬧᬸᬓ᭄ᬫᬾᬖᬦᬥ᭞ᬤᬦᬾᬫᬦᬸᬦᬸᬦ᭄ᬤᬶᬳᬫ᭄ᬧᬶᬓ᭄᭞ᬫᬸᬜᬶᬦ᭄ᬧᬦ᭄ᬤᬮᬦᬾᬳᬲ᭄ᬭᬶ᭞ᬮ᭄ᬯᬶᬃᬕᭂᬦ᭄ᬤᬾᬃᬗᬮᬸᬧᬮᬸᬧ᭄᭞ᬫᬜᬾᬗ᭄ᬲᬾᬗᬂᬮ᭄ᬯᬶᬃᬕᬦ᭄ᬤᭀᬭᬕ᭄᭞ᬫᬲ᭄ᬬᭀᬓ᭄ᬫᬶᬭᬶᬩ᭄ᬲᬮᭀᬦ᭄ᬤᬶᬂ᭞ᬧᬭᭀᬭᭀᬕᬦ᭄ᬢᬦ᭄ᬧᬾᬦ᭄ᬤᬄ
ᬫᬸᬜᬶᬦ᭄ᬢᬮᬸᬓ᭄ᬢᬓ᭄᭟᭜᭟ᬫᬜᬾᬗ᭄ᬲᬾᬗᬂᬗᬍᬗ᭄ᬓᭂᬓᬂᬩᬗ᭄ᬓ᭄ᬬᬂ᭞ᬢᬦ᭄ᬧᬾᬦ᭄ᬤᬄᬤᬾᬯᬷᬰ᭄ᬭᬶᬓᬦ᭄ᬤᬷ᭞ᬫ᭠ᬫᬦᬄᬲᬂᬋᬱᬶᬪᬷᬱ᭄ᬫ᭞ᬳᬲᬶᬂᬭᬭᬲᬂᬳᬗ᭄ᬕᬾᬦᬲ᭄ᬭᬶ᭞ᬓᬜ᭄ᬘᬶᬢᬶᬭᬗ᭄ᬤᬧ᭄ᬭᬧ᭄ᬢᬶ᭞ᬳᬶᬓᭂᬢᬸᬢ᭄ᬓᬕ᭄ᬬᬢᬦ᭄ᬤᬸᬮᬸ᭞ᬩ᭄ᬬᬂᬓᭀᬳᬸᬮᬶᬓᬗᬶ
ᬦᬦ᭄᭞ᬳᬶᬭᬗ᭄ᬤᬲᬸᬫᬯᬸᬃᬳᬭᬶᬲ᭄᭞ᬳᬶᬗ᭄ᬕᬶᬄᬭᬢᬸ᭞ᬳᬶᬓᭂᬢᬸᬢ᭄ᬢᬸᬯᬸᬦ᭄ᬗᬗ᭄ᬲᬭᬂ᭟᭜᭟ᬳᭀᬧᭀ᭠ᬢ᭄ᬤᬦᬾᬗᬮᬶᬄᬘᬦᬂ᭞ᬲᬵᬫ᭄ᬧᬸᬦ᭄‌ᬬᬧᭂᬧᭂᬓ᭄ᬫᬤᬕᬶᬂ᭞ᬫᬗ᭄ᬭᬭᬶᬲ᭄ᬤᬦᬾᬫᭂᬦᬾᬓᬦ᭄᭞ᬳᬶᬭᬗ᭄ᬤᬳᬮᭀᬦ᭄ᬜᬯᬸᬭᬶᬦ᭄᭞ᬲᬵ
[᭑᭓ 13A]
ᬫ᭄ᬧᬸᬦ᭄ᬧᬥᬦᭂᬕᬓ᭄ᬫᬓᬓᬮᬶᬄ᭞ᬳᬶᬭᬗ᭄ᬤᬗᭂᬜ᭄ᬚ᭄ᬯᬂᬯᬓᬸᬂ᭞ᬳᬶᬲᬾᬯᬕᬢᬶᬫᬦᬗ᭄ᬕᬧ᭄᭞ᬓᬢᭀᬦ᭄ᬮᭀᬦ᭄ᬢᬭᬾᬫᬢᬸᬮᬶᬲ᭄᭞ᬫᬶᬯᬄᬩᬸᬗ᭄ᬓᬸᬂ᭞ᬫᬲᬲᭀᬘᬦ᭄ᬓᬸᬲ᭄ᬬᬭᬵᬕ᭟᭜᭟ᬧᬧᬢᬶᬢᬶᬲ᭄ᬮᬦ᭄ᬢᬮᬶᬩᬗ᭄ᬓ᭄ᬬᬂ᭞ᬧᬶᬗ᭄ᬕᭂᬮ᭄ᬫᬵᬲ᭄ᬫᬶᬭᬄᬧ
ᬧ᭄ᬮᬶᬓ᭄᭞ᬮᬸᬯᭂᬤᬕᬸᬂᬫᬲᭀᬘᬫᬶᬭᬄ᭞ᬲᬸᬭᬢᬾᬭᬭᬶᬲ᭄ᬩᬮᬶᬳᬶᬦ᭄᭞ᬯᬶᬦᬘᬭᬶᬂᬳᬢᬶ᭞ᬓᬓᬯᬶᬦ᭄ᬯᬶᬯᬦᬾᬫᬸᬗ᭄ᬕᬸᬄ᭞ᬥᬸᬓ᭄ᬲᬂᬦᬶᬯᬢᬓᬯᬘ᭞ᬓᭂᬦᬭᬶᬂᬉᬧᬬᬲᬦ᭄ᬤᬶ᭞ᬓᭂᬦᬳᬧᬸᬲ᭄᭞ᬓᬫᬦᬶᬲᬦᬶᬲᬸᬪᬶᬸᬂᬧ᭄ᬭᬪ᭟᭜᭟
ᬳᬧᬂᬲᬵᬫ᭄ᬧᬸᬦ᭄ᬗᬯᬾᬩᬜ᭄ᬘᬦᬦ᭄᭞ᬗ᭄ᬕᬯᬾᬳᬧᬸᬲ᭄ᬗᬸᬗ᭄ᬲᬶᬧᬢᬶ᭞ᬲᬧᬸᬦᬶᬓᬫᬸᬜᬶᬦ᭄ᬲᬸᬭᬵᬢ᭄᭞ᬲᭂᬫᬸᬓᬗᭂᬦ᭄ᬤᬦᬾᬫᬶᬭᬕᬶ᭞ᬫᬫᬶᬋᬗᬂᬫᬸᬜᬶᬦ᭄ᬢᬸᬮᬶᬲ᭄᭞ᬳᬶᬲᬾᬯᬕᬢᬶᬲᬸᬫᬯᬸᬃ᭞ᬩ᭄ᬬᬂᬳᬧᬂᬳᬧᬕᭂᬄᬧᬶᬲᬦ᭄᭞ᬳ
ᬧᬂᬓᬸᬓᬸᬄᬧᬗᬢᬶᬮᬶᬓ᭄᭞ᬲᬵᬫ᭄ᬧᬸᬦ᭄ᬫᬶᬜ᭄ᬘᬓ᭄᭞ᬓᬗ᭄ᬕᬯᬾᬕᬕᬸᬬᭀᬦᬦ᭄᭟᭜᭟ᬬᬦ᭄ᬩ᭄ᬬᬂᬭᬯᬸᬄᬚᬸᬫᬄ᭞ᬤᬦᬾᬳᬢᬸᬭᬶᬦ᭄ᬫᬭᬶᬓᬶ᭞ᬦᬤ᭄ᬬᬦ᭄ᬧᭂᬢᭂᬗᬾᬜᬦᬦ᭄᭞ᬬᬦ᭄ᬤᬦᬾᬫᬦᭂᬓᬾᬂᬳᬢᬶ᭞ᬢᬸᬳᬸᬬᬾ